Salamo

88 Ry Jehovah Andriamanitra mpamonjy ahy ô,+

Mitaraina aho amin’ny antoandro,

Ary mankeo anatrehanao aho amin’ny alina.+

 2 Ho tonga any aminao anie ny vavaka ataoko;+

Aoka ianao hanongilan-tsofina hihaino* ny antso vonjy ataoko.+

 3 Fa efa tototry ny fahoriana aho,+

Ary efa ho lasa ao amin’ny Fasana* ny aiko.+

 4 Efa isaina ho anisan’ireo midina any an-davaka* aho;+

Lasa olona tsy misy mpiaro* aho,+

 5 Nafoy ho anisan’ireo efa maty,

Toy ireo olona novonoina matory ao am-pasana,

Izay tsy tsaroanao intsony

Sady tsy karakarainao.

 6 Nataonao tao amin’ny lavaka lalina indrindra aho,

Tao amin’ny toerana maizina, tao amin’ny lavaka be mangitsokitsoka.

 7 Mavesatra be amiko ny hatezeranao,+

Ary ataonao saron’ny onjanao mahery aho. (Sela)

 8 Nataonao lavitra ahy ny olom-pantatro,+

Ary nataonao naharikoriko azy ireo aho.

Miantso anao tontolo andro+ aho, Jehovah ô;

Aminao aho no mamelatra ny tanako mba hivavaka.

11 Hotorina any am-pasana ve hoe be fitiavana sy tsy mivadika ianao,

Ary hambara any amin’ny toerana mahalò ny nofo* ve hoe mendri-pitokisana ianao?

12 Ho fantatra ao amin’ny haizina ve ny fahagagana nataonao,

Ary ho fantatra ao amin’ny tanin’ny fanadinoana+ ve ny fahamarinanao?

13 Mbola miantso vonjy aminao ihany anefa aho, Jehovah ô!+

Tonga eo anatrehanao isa-maraina ny vavaka ataoko.+

15 Hatramin’izaho mbola tanora

No efa nijaly sy saika maty;+

Kivy be aho noho ny zavatra mampahory avelanao hozakaiko.

16 Mandifotra ahy ny fahatezeranao mafy;+

Ataonao mihorohoro aho ka mila ho faty.

17 Manodidina ahy toy ny rano izany, tontolo andro;

Voahodidin’izany aho ka voageja.*

18 Nataonao lavitra ahy ny namako sy ny sakaizako,+

Dia ny haizina no lasa namako.