Fanamarihana Ambany Pejy

b Tsy hita ao amin’ny sora-tanana fahiny sasany ny tapany voalohany amin’ny Lioka 23:34. Hita ao amin’ny sora-tanana maro hafa azo antoka anefa izy ireo, ka nampidirina ao amin’ny Fandikan-tenin’ny Tontolo Vaovao sy ny fandikan-teny maromaro. Mety ho ireo miaramila romanina namono azy no tian’i Jesosy horesahina teo. Tsy fantatr’izy ireo ny nataony, satria tsy hain’izy ireo hoe iza marina i Jesosy. Mety ho ny Jiosy nangataka ny hamonoana azy koa no tao an-tsainy. Nisy tamin’izy ireny anefa nino azy ihany tatỳ aoriana. (Asan’ny Apostoly 2:36-38) Mazava ho azy fa ireo mpitondra fivavahana nampamono an’i Jesosy no meloka kokoa, satria fantatr’izy ireo izay nataony sady ratsy fanahy izy ireo. Tsy hisy famelan-keloka ho azy ireo.​—Jaona 11:45-53.