Fanamarihana Ambany Pejy

a Ao amin’ilay fitenenana hoe “ity taranaka ity”, ny endriny iray amin’ny mpisolo anarana manondro hoe houʹtos dia mifanaraka tsara amin’ny teny malagasy hoe “itỳ”. Izy io dia mety hanisy fitenenana ny amin-javatra manatrika eo na manoloana ilay miteny. Mety hanana heviny hafa koa anefa izy io. Manao izao fanamarihana izao ny Exegetical Dictionary of the New Testament (1991): “Ilay teny [houʹtos] dia manondro zava-misy izao ankehitriny izao. Araka izany, ny [aion houʹtos] dia ilay ‘tontolo misy amin’izao fotoana izao’ (...) ary ny [geneaʹ haute] dia ilay ‘taranaka velona ankehitriny’ (oh.: Matio 12:41f.a.p., 45; 24:34).” Nanoratra toy izao ny Dr. George B. Winer: “Indraindray ilay mpisolo anarana [houʹtos] dia manisy fitenenana, tsy ny amin’ilay anarana akaiky azy indrindra, fa ilay [anarana] lavitra kokoa, izay, amin’ny maha-renilazaina azy, dia akaiky indrindra ao an-tsaina, ilay ankehitriny indrindra amin’ny eritreritr’ilay mpanoratra.” — A Grammar of the Idiom of the New Testament, fanontana faha-7, 1897.