Azonao atao ny mamaky ny amin’ny nanendren’i Elia ilay mpandimby azy manao hoe: “Nahita an’i Elisa, zanak’i Safata izay niasa tany nampiasa omby efatra amby roapolo nikambana tsiroaroa avy [i Elia].” (1 Mpanjaka 19:19, MN )

Teo am-pandraisana anjara tamin’ny asa tany lehibe iray i Elisa rehefa nantsoina hanao ny asan’ny mpaminany. Azo inoana fa tamin’ny Tisry (septambra-oktobra), rehefa lasa ny hafanam-ben’ny fahavaratra, no nitrangan’izany. Efa nanomboka nihanalemy noho ireo orana voalohany ny tany, ka noho izany dia azo natao ny asa tany narahin’ny famafazana voa.