Ary rehefa afaka fito-polo taona, Jehovah hamangy an’i Tyro, ka dia hiverina amin’ny filan-tangy izy sy hijangajanga amin’ny fanjakana rehetra manerana izao tontolo izao.”​—Isaia 23:15b-17.

Hahomby ve i Tyro? Eny, homen’i Jehovah fahombiazana izy. Rehefa mandeha ny fotoana, dia hanjary hahita fanambinana aoka izany ilay tanàna anosy, amin’ny faran’ny taonjato fahenina al.f.i., hany ka hilaza i Zakaria mpaminany hoe: “Tyro nanao mànda mafy ho azy ka nanangona volafotsy hoatra ny vovoka sy volamena tsara hoatra ny fotaka eny an-dàlambe.”​—Zakaria 9:3.