‘Mpanompo izay sady marenina no jamba’

26, 27. Ahoana no nisehoan’ny Isiraely ho ‘mpanompo izay sady marenina no jamba’, ary inona avy no ho vokany?

²⁶ Nahatoky hatramin’ny fahafatesana i Jesosy Kristy, ilay Mpanompo Voafidin’Andriamanitra. Ny Isiraely, vahoakan’i Jehovah, kosa anefa mpanompo tsy nahatoky, marenina sady jamba ara-panahy. Hoy i Jehovah tamin’izy ireo: “Mihainoa hianareo, ry marenina; ary mijere, ry jamba, mba hahita.

Isaia 42:18

²⁷ Nahonena tokoa ny fivadihan’ny Isiraely! Imbetsaka izy ireo no nania ka nivavaka tamin’ny andriamanitra demonian’ireo firenena. Nandefa iraka tsy an-kijanona i Jehovah, nefa tsy nihaino ny vahoakany. (2 Tantara 36:14-16)