“Ary taorian’izany dia nahita aho, ary novohana tany an-danitra ny toerana masin’ny tranolain’ny vavolombelona.

Apokalypsy 15:5

15. Nahoana no tsy mahagaga raha nivoaka avy tao amin’ilay toerana masina ireo anjely fito?

¹⁵ Tao amin’ny tempoly fahiny tany Israely, dia ny mpisoronabe ihany no afaka nankao amin’ny Masina Indrindra, izany hoe ny “toerana masina.” Nisy ny endriky ny zavatra any an-danitra tao amin’io tempoly io. (Hebreo 9:3, 7) Manondro ny toerana misy an’i Jehovah any an-danitra ilay toerana masina.