• Fanomezana Sarobidy ny Aina
    Ankafizo Mandrakizay ny Fiainana!—Fianarana Baiboly Natao ho Anao

    • 5. Hajao ny ain’ny zaza ao an-kibo

      Vehivavy iray bevohoka, manafosafo ny kibony.

      Nohazavain’i Davida hoe mahaliana an’i Jehovah ny fitomboan’ny zazakely ao an-kibon’ny mamany. Vakio ny Salamo 139:13-17, ary iaraho midinika ity fanontaniana ity:

      • Amin’i Jehovah, rahoviana no manomboka ny fiainan’ny olona iray: Raha vao miforona ao an-kibo izy sa rehefa teraka?

      Niaro ny reny sy ny zaza ao an-kibony ny lalàna nomen’i Jehovah ho an’ny Israelita. Vakio ny Eksodosy 21:22, 23, ary iaraho midinika ireto fanontaniana ireto:

      • Ahoana no fahitan’i Jehovah ny olona iray nahafaty zaza ao an-kibo na dia tsy fanahy iniany aza?

      • Inona no mety ho tsapan’i Jehovah raha misy olona manao fanahy iniana mamono zaza ao an-kibo?b

      • Ahoana no fahitanao an’izany fomba fihevitr’i Jehovah izany?

      Alefaso ilay VIDEO.

      VIDEO: Sarobidy Amin’i Jehovah ny Aina ka Hajao (5:00)

      Na ny vehivavy mihevitra ny aina ho sarobidy aza, mety hisy fotoana hieritreritra hoe ny manala zaza ihany no vahaolana. Vakio ny Isaia 41:10, ary iaraho midinika ity fanontaniana ity:

      • Raha ohatra ka teren’ny olona hanala zaza ny vehivavy iray, amin’iza izy no tokony hitady fanampiana? Nahoana?