4:10-15

Tsy natahotra intsony i Mosesy rehefa nampian’i Jehovah. Inona no azontsika ianarana avy amin’izay nolazain’i Jehovah tamin’i Mosesy?

• Tsy tokony hifantoka be amin’izay zavatra tsy haintsika isika

• Afaka matoky isika hoe hanome an’izay rehetra ilaintsika i Jehovah, mba hahavitantsika ny asa nanendrena antsika

• Tsy hatahotra olona isika raha matoky hoe hanampy antsika Andriamanitra

Nieritreritra i Mosesy tamin’ny voalohany hoe tsy ho vitany ilay zavatra nasain’i Jehovah nataony. (Ek 4:10, 13) Efa nahatsapa hoatr’izany koa ve ianao? Mianatra Baiboly miaraka amin’ny Vavolombelon’i Jehovah ve ianao, ary mieritreritra hoe tsy ho vitanao mihitsy izany hitory isan-trano izany? Sa ianao mpianatra, ary tsy sahy mitory any am-pianarana? Sa ianao mpitory, ary matahotra ny hitory an-telefaonina na hitory eny amin’ny toerana be olona? Mivavaha amin’i Jehovah, raha izany, ary iangavio izy mba hanampy anao hanana herim-po. (1Pe 4:11) Matokia fa afaka manampy anao izy, mba hahavitanao an’izay asa anendreny anao.​—Ek 4:11, 12.