SIFOTRA

[Heb.: shabbelol].

Biby miadam-pandeha misy akorany miolikolika na matsokotsoko azony isitrihana rehefa miaro tena izy. Misy karazany maro any Palestina. Vitsy kosa ny lelosy (sifotra tsy misy akorany) any satria maina ny toetany. Mamela faroratra amin’izay alehany ny sifotra sy lelosy, ka iny no miaro ny vatany tsy haratra. Maro no mihevitra fa mety ho ilay soritra madity avelan’ny sifotra ilay hoe “sifotra mihalevona.” (Sl 58:8) Misy indray milaza fa sifotra maina anaty akorany rehefa danihin’ny hainandro elaela ilay izy.