-
Fanontanian’ny mpamakyNy Tilikambo Fiambenana—1991 | 1 Novambra
-
-
Ny bokin’ny Ohabolana dia mirakitra andinin-teny maro be mahaleotena toy ny filazana torohevitra voafintina, nefa ny Ohabolana 27:23 dia anisan’ny fitambaran’andinin-teny manao hoe: “Fantaro tsara ny tarehin’ny ondry aman-osinao, ary miahia tsara ny andian’ny bibinao; fa ny harena tsy ho mandrakizay; ary moa haharitra ho amin’ny taranaka rehetra va ny satroboninahitra? Na dia lany aza ny ahitra, ka mitsiry ny solofony, ary voataona ny zava-maniry any an-tendrombohitra, ny zanak’ondry dia hahazoanao fitafiana, ary ny osy hamidinao tany; ary ho ampy hosotroinao ny rononon’osy sy ho an’ny ankohonanao, sy hisy hiveloman’ny ankizivavinao.” — Ohabolana 27:23-27.
-
-
Fanontanian’ny mpamakyNy Tilikambo Fiambenana—1991 | 1 Novambra
-
-
Ny “harena” na fananana azo tamin’ny fanaovan-javatra kisendrasendra, miafara amin’ny laza (“satroboninahitra”), dia mety hanjavona mora foana, araka ny ho tsapan’ny olona maro. Betsaka àry, araka izany, ny tokony holazaina mba hananana fiainana tsotra toy ny narahin’ireo mpiandry fahiny teo amin’ny fikarakarana ny bibiny. Izany fomba fiaina izany dia tsy tsotra amin’ny heviny hoe tsy nisy fikarakarana. Nila ny nitandrina ny andiam-bibiny ny mpiandry iray tamin’ny fanaovana izay hahazoana antoka fa voaro ny ondriny. (Salamo 23:4). Raha teo am-pikarakarana azy ireo izy no nahita ondry iray narary na naratra, dia tokony hanosotra izany tamin’ny diloilo. (Salamo 23:5; Ezekiela 34:4; Zakaria 11:16). Tamin’ny ankamaroan’ny toe-javatra, ny mpiandry narisika iray izay niahy tsara ny bibiny dia nahita ny fiezahany nisy vokany, dia ny fitomboana miandalana teo amin’ny andiam-bibiny.
-