Ireo “Taolana Maina” sy Ireo ‘Vavolombelona Roa’: Inona no Ifandraisan’ireo Faminaniana Roa Ireo?

MIFANDRAY ny faminaniana momba ny “taolana maina” sy ny faminaniana momba an’ireo ‘vavolombelona roa’, ary samy tanteraka tamin’ny 1919. Miresaka fotoana lava be (naharitra taonjato maro) ilay faminaniana momba ny “taolana maina”, ary misy vahoakan’Andriamanitra be dia be ho velona indray rehefa mifarana izy io. (Ezek. 37:2-4; Apok. 11:1-3, 7-13) Fotoana fohifohy (tanteraka tamin’ny faramparan’ny 1914 ka hatramin’ny voalohandohan’ny 1919) kosa no resahin’ilay faminaniana momba ny ‘vavolombelona roa’, ary misy mpanompon’i Jehovah vitsivitsy ho velona indray rehefa mifarana izy io. Samy miresaka ireo faminaniana ireo hoe hisy olona ho velona indray. Samy tanteraka tamin’ny 1919 izy roa rehefa nataon’i Jehovah “nijoro tamin’ny tongony” ny voahosotra, nafahany avy tao amin’i Babylona Lehibe, ary nampiany mba hanaraka ny fivavahana madio.​—Ezek. 37:10.

Misy zava-dehibe tsy mampitovy ny fahatanterahan’ireo faminaniana ireo anefa. Mahakasika ny sisa voahosotra rehetra ilay faminaniana momba ny “taolana maina”, fa ilay faminaniana momba ny ‘vavolombelona roa’ kosa mahakasika ny sasany amin-dry zareo, izany hoe ireo nitarika ny fandaminana sy notendrena ho anisan’ny “mpanompo mendri-pitokisana sy malina.”​—Mat. 24:45; Apok. 11:6.a

1. TAORIAN’NY TAONA 100

   Nanomboka tamin’ny taona 100: Hoatran’ny hoe novonoina ny Kristianina voahosotra, ka lasa feno “taolam-paty” ilay “tany lemaka”

2. VOALOHANDOHAN’NY 1919

   1919: Velona indray ireo “taolana maina” rehefa nafahan’i Jehovah avy tao amin’i Babylona Lehibe ny voahosotra rehetra ary nampiany mba hanaraka ny fivavahana madio

1. FARAMPARAN’NY 1914

   ‘nitafy gony’ rehefa nitory

   1914: ‘Nitafy gony’ ireo ‘vavolombelona roa’ rehefa nitory nandritra ny telo taona sy tapany. Rehefa tapitra io fotoana io, dia hoatran’ny hoe novonoina ry zareo

2. hoatran’ny hoe maty

3. VOALOHANDOHAN’NY 1919

   1919: Velona indray ireo ‘vavolombelona roa’ rehefa notendrena ho “mpanompo mendri-pitokisana sy malina” ireo rahalahy voahosotra vitsivitsy nitarika ny fandaminana