• Tsaraina Ilay Mpivaro-tena Maharikoriko
    Apokalypsy—Akaiky Ilay Fiafarana Miavaka!

    • 13. Inona no zava-mahagaga hitan’i Jaona rehefa nentin’ilay anjely tamin’ny herin’ny fanahy nankany an-tany efitra izy?

      13 Inona koa no lazain’ny faminaniana momba an’ilay mpivaro-tena lehibe sy izay hiafarany? Mitantara ny zavatra mahagaga hitany i Jaona. Hoy izy: “Ary nentin’ilay anjely tamin’ny herin’ny fanahy nankany an-tany efitra aho. Ary hitako fa nisy vehivavy iray nitaingina bibidia mena midorehitra. Ary feno anarana fanevatevana an’Andriamanitra ilay bibidia sady nanan-doha fito sy tandroka folo.”—Apokalypsy 17:3.

  • Tsaraina Ilay Mpivaro-tena Maharikoriko
    Apokalypsy—Akaiky Ilay Fiafarana Miavaka!

    • 15. Inona no tsy mampitovy an’ilay bibidia ao amin’ny Apokalypsy 13:1 sy ilay ao amin’ny Apokalypsy 17:3?

      15 Manan-doha fito sy tandroka folo ilay bibidia. Ilay bibidia manan-doha fito sy tandroka folo hitan’i Jaona teo aloha ihany ve io? (Apokalypsy 13:1) Tsia, satria misy tsy mampitovy azy ireo. Mena midorehitra ilay bibidia eto sady tsy manana diadema toy ilay teo aloha. Ary tsy ny lohany fito ihany no misy anarana fanevatevana an’Andriamanitra, fa izy manontolo mihitsy no “feno anarana fanevatevana an’Andriamanitra.” Azo antoka anefa fa misy ifandraisana ity bibidia ity sy ilay teo aloha. Be loatra mantsy ny fitoviany, ka tsy azo inoana hoe kisendrasendra fotsiny izany.

      16. Inona ilay bibidia mena midorehitra, ary inona no tanjony?

      16 Inona indray àry ity bibidia mena midorehitra ity? Izy io dia ny sarin’ilay bibidia. Nampirisika ny hananganana azy io ny Anglisy-Amerikanina, na ilay bibidia manan-tandroka roa toy ny an’ny zanak’ondry. Navela hanome fofonaina ny sarin’ilay bibidia ilay bibidia manan-tandroka roa. (Apokalypsy 13:14, 15) Efa velona àry ny sarin’ilay bibidia hitan’i Jaona eto. Izy io dia ny Fikambanam-pirenena, izay natsangan’ilay bibidia manan-tandroka roa tamin’ny 1920. Nihevitra i Wilson, filoha amerikanina tamin’izany, fa “ho toerana hanomezana rariny ny rehetra sy hisorohana izay mety ho ady rehetra any aoriana” ilay Fikambanana. Ny Firenena Mikambana no nasolo azy io taorian’ny Ady Lehibe II, ary ny “hitandro ny fandriampahalemana sy filaminana iraisam-pirenena” no tanjony.