Uplika nahki ai dara wali ba ra luks

Jisas dîa daukan ba

LILKA: Jisas kwâra tara ba kaiki sari lukan

1. LILKA ba kaiks, apia kaka Mark 6:30-34 aisi kaiki, naha makabi walanka nani laki kaiks:

1. ¿Dîa muni Jisas bara ai apastilka nani ba “plis kum bin âpu ra” waia want kan?

2. ¿Kwâra tara ra smalkaia dukiara, Jisas ra dîa ba ai kupia bukan?

¿Jisas dîa daukan ba wina yawan dîa lan takaia sip sa ki?

2. Uplika nahki ai dara wali ba ra lukisa taim, tânka kasak ba smalkaia baman want kabia apia, kau ni witin ra hilp munaia sin wan kupia bukbia.

Jisas daukan baku dauks

3. Uplika ra aman wals. Uplika ba nahki ai dara wali ba dukiara mai aisabia swis, bara bîla dakpara. Dîa aisisma ba mapara aisabia, apia kaka ai kupia kwâki ai trabilka dukiara mai aisabia kra sin, witin ra aman walisma ba mariks. Baku daukma kaka, uplika ba kaikbia man witin ra rait pali lukisma ba.

4. Uplika dîa mai aisan ba ra luks. Uplika ra wih kaikram taim dîa mai aisan ba kupiam krauki, naha makabi walanka nani ra luks:

1. “¿Dîa muni witin Baibil rait pali dîa smalki ba nu takaia nit sa ki?”.

2. “¿Baibil stadi takbia kaka ai rayaka ba naiwa bara naikara sin nahki yamni munbia ki?”.

5. Smalkanka kum uplika ra hilp munaia sip ba pliki yas. Witin makabi walanka nani ra Baibil stadika kum ba nahki ansa munbia ba, bara tnatka sât sât ra ai rayaka ra nahki hilp munaia sip ba, tânka marikaia dukiara piua wihka ra swipara. Isti pali sans pain kum sakaia trai muns.