Псалми

132 Сети се, Јехова, на Давид+

и на сите негови понижувања+ —

 2 како му се заколна на Јехова,+

како тој му се заветува на Јакововиот+ Силен Бог:+

 3 „Нема да влезам во шаторот на својот дом.+

Нема да легнам на леглото на својата раскошна постела,+

 4 нема да им дадам сон на очите,+

ниту дремка на веѓите,+

 5 додека не најдам место за Јехова,+

величествено живеалиште за Јакововиот Силен Бог“.+

 6 Еве, во Ефрата чувме за него,+

го најдовме во шумовитиот крај.+

 7 Да влеземе во неговото величествено живеалиште,+

да се поклониме крај подножјето на неговите нозе.+

 8 Стани, Јехова, и појди кон своето почивалиште,+

ти и ковчегот+ на твојата сила!+

 9 Твоите свештеници нека се облечат во праведност,+

твоите лојални слуги нека воскликнуваат радосно.+

10 Поради Давид, твојот слуга,+

немој да го отфрлиш лицето на својот помазаник!+

11 Јехова му се заколна на Давид+

со заклетва која сигурно нема да ја повлече:+

„Потомок од твојата утроба+ ќе поставам на твојот престол.+

12 Ако твоите синови се држат за мојот сојуз+

и за моите опомени* за кои ќе ги учам,+

нивните синови ќе седат засекогаш+

на твојот престол“.+

13 Зашто, Јехова го избра Сион,+

горливо го посака за свое живеалиште:+

14 „Ова е моето почивалиште засекогаш,+

овде ќе живеам, зашто копнеам по него.+

15 Неговата храна навистина ќе ја благословам.+

Неговите сиромаси ќе ги наситам со леб.+

16 Неговите свештеници ќе ги облечам во спасение,+

неговите лојални слуги ќе воскликнуваат радосно.

17 Таму ќе направам да порасне рогот на Давид.+

Ќе подготвам светилка за својот помазаник.+

18 Неговите непријатели ќе ги облечам во срам,+

а на него ќе цути+ неговата круна“.*+