Псалми

9 Ќе те фалам, о Јехова, со сето свое срце,+

ќе ги објавувам сите твои дела чудесни.+

 2 Ќе се веселам и ќе ти се радувам тебе,+

со песна ќе го фалам твоето име, о Севишен.+

 3 Кога ќе отстапат моите непријатели,+

пред тебе ќе се спрепнат и ќе изгинат.+

 4 Зашто, ти ја поддржа мојата правда и мојата парница,+

седна на престолот и судеше праведно.+

 5 Ги прекори народите,+ го уништи злиот.+

Го избриша нивното име за сите векови — засекогаш.+

 6 Твоите непријатели се опустошени засекогаш,+

а и градовите што од корен ги откорна.+

Ќе исчезне и споменот за нив.+

 7 Но Јехова ќе седи на престолот довека,+

ќе го постави својот престол за суд.+

 8 Тој ќе му суди на светот* по правда,+

во праведност ќе ги изведе народите на суд.+

 9 Јехова ќе биде за угнетениот сигурна тврдина на високо место,+

сигурна тврдина на високо место во време на неволја.+

10 Оние што го знаат твоето име ќе имаат доверба во тебе,+

зашто ти нема да ги оставиш оние што те бараат тебе, Јехова.+

11 Со песна фалете го Јехова, кој живее на Сион,+

кажувајте меѓу народите за неговите дела!+

12 Зашто, кога ќе суди за пролеаната крв,+ ќе се сети на оние што се во неволја,+

нема да го заборави нивниот лелек.+

13 Смилувај ми се, о Јехова, погледни во каква неволја сум поради оние што ме мразат,+

ти кој ме подигаш од портите на смртта,+

14 за да ги објавувам сите твои дела достојни за фалба,+

на портите+ на сионската ќерка,+

за да се радувам на спасението од тебе.+

15 Народите паднаа во јамата што самите ја ископаа,+

ногата им се фати+ во мрежата+ која скришум ја наместија.

16 Јехова е познат по пресудата што ја изврши.+

Злите се фатени во замка со делото на своите раце.+

Хигајон.* (Села)

17 Злите+ луѓе ќе отидат во гробот,*+

а и сите народи што го забораваат Бог.+

18 Зашто, сиромавиот нема да биде заборавен засекогаш,+

и надежта на кротките никогаш нема да пропадне.+

19 Стани, о Јехова! Не дозволувај смртниот човек да се покаже помоќен.+

Нека бидат судени народите пред твоето лице!+

20 Втерај им страв, о Јехова,+

за да сознаат народите дека се само смртници.+ (Села)