96 Пејте му на Јехова нова песна!+
Пејте му на Јехова, сите луѓе на земјата!+
2 Пејте му на Јехова, благословувајте го неговото име!+
Од ден на ден објавувајте ја добрата вест за неговото спасение!+
3 Објавувајте ја меѓу народите неговата слава,+
меѓу сите народи — неговите чудесни дела!+
4 Зашто, Јехова е велик+ и достоен за најголема фалба.
Влева страв повеќе отколку сите други богови.+
5 Зашто, сите богови на другите народи се безвредни,+
а Јехова ги направи небесата.+
6 Честа и величеството се пред него,+
силата и убавината се во неговото светилиште.+
7 Признајте го Јехова, сите народни племиња,+
оддајте му слава на Јехова и признајте ја неговата моќ!+
8 Оддајте му ја на Јехова славата што е достојна на неговото име,+
понесете дар и дојдете во неговите дворови!+
9 Поклонете му се на Јехова во убаво и свето руво!+
Поради него, нека ве обземе тешка болка сите вас, земни луѓе!+
10 Кажувајте меѓу народите: „Јехова стана цар!+
Земјата стои цврсто, не може да се разниша.+
Тој ќе им суди праведно на народите“.+
11 Нека се радуваат небесата и нека се весели земјата!+
Нека грми морето и сѐ што е во него!+
12 Нека се радува полето и сѐ што е во него!+
И сите шумски дрвја нека воскликнуваат радосно+
13 пред Јехова! Зашто дојде,+
дојде за да ѝ суди на земјата.+
Ќе му суди на светот според правдата+
и на народите — според својата верност.+