Јов

26 Тогаш Јов одговори:

 2 „Е, баш му помогна на оној што нема сила!

Навистина ја избави обессилената рака!+

 3 Убаво го посоветува оној што нема мудрост,+

му покажа на мноштвото како изгледа мудроста на дело!*

 4 Кому му ги кажа тие зборови?

Чии зборови излегуваа од тебе?

 5 Немоќните мртовци треперат

под водите и под оние што живеат во нив.+

 6 Гробот* пред него е откриен,+

местото на пропаста не може да се покрие.

 7 Тој го оптегнува северот над празнината,+

ја држи земјата обесена на ништо.

 8 Ги врзува водите во своите облаци+

за да не се скинат облаците под нив.

 9 Го покрива својот престол,

простирајќи го облакот+ преку него.

10 Нацрта круг над површината на водите,+

каде што завршува светлината, а почнува темнината.

11 Столбовите на небото се тресат

и остануваат зачудени кога тој ќе се закани.

12 Со својата сила тој го разбранува морето+

и со својата разборитост го разби+ напаѓачот.*+

13 Со својот ветар го светна небото,+

неговата рака ја прободе змијата што ползи.+

14 Ете, тоа се само делчиња од неговите дела,+

за него слушаме одвај слаб шепот!

А кој може да го разбере неговиот моќен гром?“+