Псалми

 2 Фалете го со песна неговото славно име!+

Фалете го Бог и славете го!+

 3 Речете му на Бог: „Колку се застрашувачки твоите дела!+

Поради твојата голема сила, твоите непријатели покорно ќе дојдат кај тебе.+

 4 Сите луѓе на земјата ќе ти се поклонат тебе+

и со песна ќе те фалат, со песна ќе го фалат твоето име“.+ (Села)

 5 Дојдете и гледајте ги делата на Бог!+

Тој постапува застрашувачки+ со човечките синови.

 6 Го претвори морето во сува земја,+

тие ја прегазија реката.+

Таму тој нѐ израдува.+

 7 Со својата сила тој владее довека,+

неговите очи внимаваат на народите.+

А оние што се тврдоглави, нека не се возвишуваат.+ (Села)

 8 Благословувајте го нашиот Бог, народи,+

разгласувајте ја неговата фалба!+

 9 Тој ѝ дарува живот на нашата душа,+

не дозволува да ни се затетерави ногата.+

10 Зашто, ти нѐ испита, Боже,+

нѐ пречисти како што се чисти сребро.+

11 Нѐ доведе во ловечка мрежа,+

ни стави бреме на плеќите.

12 Дозволи смртниот човек да ни гази по главата,+

минавме низ оган и вода,+

а ти ни донесе олеснување.+

13 Во твојот дом ќе дојдам со цели жртви паленици,+

ќе ти ги исполнам моите завети,+

14 кои ти ги изреков со моите усни+

и ги изговорив со устата моја кога ми беше тешко.+

15 Цели жртви паленици од згоени животни ќе ти принесам тебе,+

со чадот од жртвени овни.

Ќе ти принесам јунец со јарци.+ (Села)

16 Дојдете, слушајте сите што се боите од Бог, ќе ви раскажам+

што направи тој за мојата душа.+

17 Него го повикав со својата уста+

и со својот јазик+ го возвишував.

18 Да размислував за зло во срцето,

Јехова немаше да ме чуе.+

19 Но Бог слушна,+

го чу гласот на мојата молитва.+

20 Нека е благословен Бог, кој не ја одби мојата молитва

и не ја одврати од мене својата милост.*+