Псалми

43 Суди ми,+ Боже,

и води ја мојата парница+ против еден нелојален народ.

Избави ме од човек измамник и неправеден.+

 2 Зашто, ти си мојот Бог, мојата тврдина.+

Зошто ме отфрли?

Зошто одам натажен, додека непријателот ме угнетува?+

 3 Испрати ги својата светлина и својата вистина.+

Нека ме водат,+

нека ме доведат на твојата света гора, кај твоето величествено живеалиште.+

 4 И ќе дојдам кај жртвеникот на Бог,+

кај Бог, поради кого радосно воскликнувам.+

И ќе те фалам со харфа, о Боже, Боже мој.+

 5 Зошто си очајна, душо моја,+

зошто си немирна во мене?

Чекај го Бог,+

зашто јас и понатаму ќе го фалам како свој голем спасител и како Бог свој.+