Псалми

68 Нека стане Бог,+ нека се расеат неговите непријатели,+

нека побегнат од неговото лице оние што многу го мразат.+

 2 Како што се растерува дим, така растерај ги и нив.+

Како што восок се топи на оган,+

така злите нека изгинат пред Бог.+

 3 А праведниците нека се радуваат,+

нека се веселат пред Бог+

и нека воскликнуваат радосно!+

 4 Пејте му на Бог, фалете го со песна неговото име!+

Запејте му на Оној што минува низ пустите рамници!+

Тоа е Јах* — тоа е името негово+ — и веселете се пред него!

 5 Бог во своето свето живеалиште+

им е татко на децата без татко и судија на вдовиците.+

 6 Бог ги населува во куќа оние што се сами,+

ги изведува заробениците и им дава потполна благосостојба.+

А тврдоглавите ќе живеат во спржена земја.+

 7 Боже, кога чекореше пред својот народ,+

кога чекореше низ пустината,+ (села)

 8 земјата се тресеше,+

од небото прокапа дожд пред лицето Божје,+

овој Синај се затресе пред лицето на Бог,+ Богот на Израел.+

 9 Боже, ти излеваше обилен дожд.+

Ти му даде нова сила на твоето наследство кога беше уморно.+

10 Тие живееја+ во твоите шатори,+

кои со својата добрина, Боже, ги подготви за страдалниците.+

11 Јехова испраќа збор+ —

жените што ја објавуваат добрата вест се голема војска.+

12 Бегаат царевите што заповедаат на војски, бегаат.+

А на онаа што останува дома, и нејзе ѝ се дава плен.+

13 Иако лежевте во логорот меѓу купишта пепел,

ќе добиете крилја на гулабица обложени со сребро,

а нејзините летни перја — со жолто* злато.+

14 Кога Семоќниот ги растера царевите во таа земја,+

на Салмон+ почна да паѓа снег.

15 Васанските+ планински предели се планина Божја,+

васанските планински предели се планина полна со врвови.+

16 О планини полни со врвови, зошто ја гледате со завист

планината на која Бог посака да живее?+

Да, Јехова ќе живее на неа засекогаш.+

17 Божјите бојни коли ги има десетици илјади, илјадници и илјадници.+

Јехова дојде од Синај на светото место.+

18 Ти се вознесе во висините,+

одведе заробеници,+

зеде луѓе како дарови,+

па и оние што се тврдокорни,+ за да живееш меѓу нив,+ о Боже Јах.

19 Нека е благословен Јехова, кој секој ден ни го носи товарот,+

вистинскиот Бог на нашето спасение.+ (Села)

20 Вистинскиот Бог е за нас Бог кој спасува.+

Јехова, Севишниот+ Господар, може да го избави човекот од смртта.*+

21 Навистина, Бог ќе им ја здроби главата на своите непријатели+

и косестото теме на секој што истрајува* во својот престап.+

22 Јехова рече: „Ќе ги вратам од Васан,+

ќе ги вратам од морските длабочини,+

23 за да ја измиеш својата нога во крв,+

за твоите пци да ја лижат крвта на непријателите“.+

24 Ги видоа твоите поворки, Боже,+

поворките на мојот Бог, мојот Цар, кои одат во светото место.+

25 Пејачите одеа напред, свирачите на жичени инструменти по нив,+

а во средината девојките што удираат на дајриња.+

26 Во насобраните мноштва благословувајте го Бог,+

Јехова, вие што сте од Изворот на Израел!+

27 Малиот Венијамин ги покорува,+

кнезовите на Јуда со своето мноштво што воскликнува,

кнезовите на Завулон, кнезовите на Нефталим.+

28 Твојот Бог заповеда да се појави твојата сила.+

Покажи ја својата сила, Боже, ти кој се заземаш за нас!+

29 Заради твојот храм во Ерусалим,+

цареви ќе ти носат дарови.+

30 Закани му се на ѕверот во трските,+ на стадото бикови,+

со телињата на народите, на сите што газат по сребро!+

Ги растури народите кои уживаат во борби.+

31 Бронзени предмети ќе дојдат од Египет,+

Хус* брзо ќе ги испружи рацете со дарови кон Бог.+

32 Царства на земјата, пејте му на Бог,+

фалете го Јехова со песна, (села)

33 оној што јава по исконското небо над небесата.+

Слушајте, грми со својот глас, со својот силен глас.+

34 Признајте ја Божјата сила.+

Неговата возвишеност е над Израел и неговата сила е во облаците.+

35 Бог влева страв од своето величествено светилиште.+

Тој е Богот на Израел, тој дава сила, му дава моќ на народот.+

Благословен да е Бог!+