Псалми

92 Добро е да ти се изразува благодарност тебе, Јехова,+

и со песна да се фали твоето име, о Севишен,+

 2 наутро да се зборува за твојата милост*+

и ноќе за твојата верност,+

 3 со инструмент со десет жици и со псалтир,+

со музика што се разлева од харфа.+

 4 Зашто, ти ме веселиш, Јехова, со своите дела,

поради делата на твоите раце радосно воскликнувам.+

 5 Колку се големи твоите дела, о Јехова!+

Твоите мисли се многу длабоки.+

 6 Човек неразумен не може да ги сфати,+

безумник не може да го разбере тоа.+

 7 Кога злите никнуваат како трева+

и цветаат сите што прават зло,

тоа е за да бидат истребени засекогаш.+

 9 Зашто, твоите непријатели, Јехова,+

твоите непријатели ќе изгинат,+

сите злосторници ќе бидат распрснати.+

10 А ти ќе го возвишиш мојот рог да биде како рогот на дивиот бик.+

Ќе се намачкам со свежо масло.+

11 И моето око ќе ликува над моите непријатели,+

моите уши ќе слушаат за поразот на злосторниците кои станаа против мене.

12 Праведникот ќе процвета како палма,+

ќе израсне како кедар на Ливан.+

13 Оние што се посадени во домот на Јехова,+

во дворовите на нашиот Бог,+ ќе процветаат.

14 Ќе цветаат и кога косата ќе им побели,+

јадри и свежи ќе останат+

15 за да кажуваат дека Јехова е праведен.+

Тој е мојата Карпа,+ во него нема неправда.+