Изреки
25 И ова се изреки на Соломон, кои ги препишаа* луѓето на Езекија, царот на Јуда:
2 На Бог му носи слава тоа што чува некоја работа во тајност,
а на царевите им носи слава тоа што ги истражуваат работите.
3 Како што е небото високо и земјата длабока,
така и срцето на царевите е неистражливо.
4 Отстрани ја згурата од среброто,
и тоа ќе излезе потполно пречистено.
5 Отстрани го злобниот од пред очите на царот
и неговиот престол ќе се утврди со праведност.
6 Не воздигнувај се пред царот
и не седнувај меѓу угледните луѓе.
7 Подобро е тој да ти каже: „Седни поблизу до мене“,
отколку да те понижи пред достоинствениците.
8 Немој пребрзо да започнуваш судски спор.
Што ќе правиш ако на крајот твојот ближен докаже дека не си во право?
9 Расчисти ги работите со својот ближен,
но не откривај го она што ти е кажано во доверба*
10 за да не те посрами оној што го слуша тоа
и да не рашириш лош глас* кој веќе нема да може да се поправи.
11 Зборови кажани во право време
се како златни јаболка во сребрени садови.
12 Како златна обетка и украс од чисто злато,
таков е укорот од мудриот за увото на послушниот.
13 Како свежината на снегот* во време на жетва,
таков е верниот гласник за оној што го испраќа,
зашто тој го освежува својот господар.
14 Како облаци и ветар што не носат дожд,
таков е оној што се фали дека ќе даде дар, а не го прави тоа.*
15 Со стрпливост може да се придобие и заповедник,
и благиот јазик коски крши.
16 Ако најдеш мед, јади само колку што ти е потребно
за да не се прејадеш и да го повратиш.
17 Не оди често во куќата на твојот ближен
за да не му здосадиш и да не те замрази.
18 Како стап, меч и остра стрела,
таков е човекот што лажно сведочи против својот ближен.
19 Да имаш доверба во неверен човек* во време на неволја
е како да јадеш со скршен заб или да одиш со куца нога.
20 Оној што му пее песни на некој што е тажен
е како човек што ја соблекува наметката кога е ладно
и како оцет истурен врз сода.*
23 Северниот ветар донесува пороен дожд,
а јазикот што оговара предизвикува лутина.
27 Не е добро човек да јаде премногу мед
ниту да копнее другите да му укажуваат чест.