Изреки

 3 Не троши си ја силата на жени,

немој да живееш на начин кој ги води царевите во пропаст.

 4 Не е за царевите, Лемуил,

не е за царевите да пијат вино,

ниту за владетелите да бараат алкохол,

 5 за да не се напијат, па да ги заборават законите

и да им ги скратат правата на беспомошните.

 6 Дајте им алкохол на оние што умираат

и вино на оние што чувствуваат болка во душата.

 7 Нека пијат и нека ја заборават својата сиромаштија,

нека не се сеќаваат повеќе на својата неволја.

 8 Зборувај во одбрана на оние што не можат сами да се бранат;

брани ги правата на сите што одат во смрт.

 9 Зборувај во нивна корист и суди праведно;

брани ги правата на беспомошните и сиромашните.

11 Нејзиниот маж има потполна доверба во неа,

и ништо не му недостасува.

12 Во сите денови од својот живот

му прави само добро, а не лошо.

13 Набавува волна и лен

и работата си ја врши со задоволство.

14 Таа е како трговски брод,

кој носи храна оддалеку.

15 Станува уште пред да се раздени,

подготвува храна за своето семејство

и им дава јадење* на своите слугинки.

16 Откако внимателно ќе размисли, купува нива;

сади лозје од она што го стекнала со сопствен труд.*

17 Се зафаќа со напорна работа*

и вредно работи со своите раце.

18 Гледа дека тргувањето добро ѝ оди;

светилката и ноќе не ѝ гасне.

19 Во едната рака ја зема фурката,

во другата го држи вретеното.*

20 Им пружа рака на беспомошните

и великодушно им дава на сиромашните.

21 Не се плаши за своето семејство кога има снег,

бидејќи сите нејзини домашни носат топла облека.*

23 Нејзиниот маж го познаваат на градските порти,

каде што седи со старешините на својата земја.

24 Таа изработува и продава ленена облека

и ги снабдува со појаси трговците.

25 Облечена е во сила и достоинство

и не се плаши од она што го носи иднината.*

26 Од нејзината уста извираат мудри зборови

и на нејзиниот јазик е законот на добрината.*

27 Води грижа за сите свои домашни

и никогаш не седи со скрстени раце.*

28 Нејзините деца стануваат и ја фалат,

нејзиниот маж станува и ја фали:

29 „Многу жени се добри,*

но ти ги надминуваш сите!“

30 Шармот може да биде лажен и убавината минлива,*

но жена која има стравопочит кон Јехова заслужува пофалба.

31 Наградете ја за сѐ што прави,*

и нејзините дела нека ѝ донесат фалба на градските порти.