Бескрвна хирургија — „главен медицински тренд“

ПОД насловот „,Бескрвна‘ хирургија“, списанието Maclean’s извести дека лекарите во Канада „развиваат нови техники кои, во изминативе пет години, ја претворија таканаречената бескрвна хирургија во главен медицински тренд“. Еден од нив е Брајан Мирхед, анестезиолог во Центарот за здравствени науки во Винипег. Што ја поттикнало неговата потрага по алтернативен бескрвен третман?

Во 1986, д-р Мирхед се зафатил со предизвикот да оперира еден 70-годишен човек со чир што крвавел кој, поради своите библиски темелени верувања како Јеховин сведок, замолил за третман без трансфузија на крв (Дела 15:28, 29). Д-р Мирхед „се послужи со една ретко користена метода на трансфузија на солен раствор во пациентот за да го одржи неговиот крвен притисок“, известува Maclean’s. „Процедурата беше успешна, и таа го зајакна сѐ посилното уверување на Мирхед: ‚Даваме премногу трансфузии на крв. Мислам дека е време да побараме алтернативи‘“.

Потрагата по бескрвна хирургија била „поттикната и од грижата околу идните резерви на донирана крв — и од стравот на многуте пациенти да не добијат вирус на некоја болест преку трансфузијата“. Благодарение на истражувањето на иновативните лекари, извлекуваат корист не само Јеховините сведоци туку и многу други луѓе. „Освен отстранувањето на потребата од трансфузии во многу случаи, бескрвната хирургија го намалува ризикот — сеедно колку е мал — од инфекција преку заразена крв“ се вели во Maclean’s. Но, дури и „чистата“ крв може да носи со себе ризик од инфекција со тоа што привремено го потиснува имунолошкиот систем на пациентите.

Што стои зад цврстото уверување на Јеховините сведоци во врска со алтернативниот бескрвен третман? Можеби ќе те интересира да ја прочиташ брошурата Како може крвта да ти го спаси животот? На Јеховините сведоци ќе им биде драго да ти ја достават.