Објавителите на Царството известуваат

Божјето име ослободено од прекор

БОЖЈАТА реч, Библијата, вели: „Задржете го своето добро однесување меѓу нациите за во она, во кое зборуваат против вас како да сте злосторници, на темел на вашите добри дела чиишто очевидци се тие, да го прослават Бог во денот на неговото прегледување“ (1. Петрово 2:12). Затоа, вистинските христијани настојуваат да задржат добро однесување со цел да избегнат да му донесат прекор на Јеховиното име.

Во едно оддалечено подрачје во Замбија, кое се вика Сенанга, на еден наставник од дома му било украдено радиото. Со оглед на тоа што во тоа време Јеховините сведоци проповедале на тоа подрачје, за кражбата човекот ги обвинил нив. Ја известил полицијата, тврдејќи дека Сведоците му го украле радиото. Како доказ дека Сведоците биле во неговата куќа, тој покажал еден трактат што го нашол на подот. Меѓутоа, полицијата одбила да му поверува. Го советувала да оди и да направи уште потемелна проверка.

Старешинското тело ги охрабрило Сведоците, кои тој ден работеле во соседството на наставникот, да отидат и да поразговараат со него за тоа. Некои браќа отишле и разговарале со него, објаснувајќи му дека сакаат Јеховиното име да го ослободат од прекор. Во дискусијата му кажале дека во неговата куќа сретнале еден млад човек и дека нему му дале трактат. Според нивниот опис, наставникот го препознал човекот. Всушност, тие ѝ припаѓале на истата црква. Наставникот разговарал со младичот, но тој ги негирал обвиненијата. Потоа наставникот дискутирал за тоа со родителите на младичот и се вратил дома. По еден час мајката на младичот го вратила украденото радио.

Поттикнат од грижа на совеста, наставникот отишол кај старешинското тело и побарал простување за лажните обвиненија. Старешините го прифатиле извинувањето, но замолиле тие наоди да се кажат во јавноста за сите да знаат дека Сведоците се невини. Во училиштето било дадено соопштение, и на тој начин Јеховиното име било ослободено од прекор. Јеховините сведоци можат и понатаму слободно да проповедаат на тоа подрачје.

[Карти/слика на страница 19]

(Види во публикацијата)

АФРИКА

Замбија

[Извор на слика]

Mountain High Maps® Copyright © 1997 Digital Wisdom, Inc.