Да се покажува ценење за откупнината

¹ Желбата да се покаже ценење за пријателот или роднината кој умрел е вообичаена во сите култури. Оваа желба може особено да биде јака кога некој сакан ќе умре додека ги спасува животите на други луѓе. Сите оние кои ја делат надежта за вечен живот ги имаат најголемите причини да покажуваат ценење за откупнината така што ќе присуствуваат на Споменот на Христовата смрт на 6. април (2. Кор. 5:14; 1. Јов. 2:2).

² Цени ја Јеховината љубов: Колку е прикладно да го покажуваме нашето најдлабоко ценење за нашиот најголем Добротвор, Јехова Бог, кој ја обезбедил откупнината! (1. Јов. 4:9, 10). Длабочината на Јеховината љубов се гледа во единствениот подарок што ни го дал како жртва за нас, не само еден од милионите праведни ангели, туку својот единороден, најљубен Син (Изр. 8:22, 30). Овој Син, Исус Христос, кој најдобро го познава Јехова, нѐ потсетил: „Бог толку го возљуби светот, што Го даде Својот Единороден Син, та секој што верува во Него, да не погине, но да има живот вечен“ (Јован 3:16).

³ Цени ја љубовта на Исус Христос: Исто така, прикладно е да се покаже длабоко ценење за Исус Христос кој ја дал својата душа како жртва за многумина (Мат. 20:28). Неговата љубов се гледа во неговото спремно подложување на Јеховината волја за него во врска со откупнината. Размисли како ги напуштил своите поволни околности во друштво со својот Татко и миријадите праведни ангели со цел да биде откупнина за нас. Не го одвратил ниту предизвикот да живее меѓу грешни луѓе и да им биде подложен, ниту спознанието дека обезбедувањето на откупнината ќе бара од него да умре. Наместо тоа, „зеде обличје на слуга и се изедначи со луѓето; . . . Сам се смири [се понизи, NW], откако стана послушен дури до самата смрт, и тоа смрт на крст [маченички столб, NW]“ (Фил. 2:5-8).

⁴ Како покажуваме ценење за откупнината?: Нашето ценење за откупнината мора да се искаже со многу повеќе отколку само да се каже едно обично благодарам. Треба да учиме за Божјата подготовка за спасението преку Исус Христос (Јован 17:3). Потоа мораме да покажеме вера во откупнината (Дела 3:19). Од своја страна, мораме да бидеме мотивирани да му се предадеме на Јехова Бог и да се крстиме (Мат. 16:24). Ако живееме според нашето предание, треба да си ја откупиме секоја прилика да им кажуваме на другите за извонредната подготовка на откупнината за спасение (Рим. 10:10).

⁵ Овие барања не се нешто кое ги надминува нашите способности. Михеј 6:8 нѐ уверува: „Што бара од тебе Господ [Јехова, NW]; да работиш правично, да сакаш милосрдни дела и смирено [скромно, NW] да врвиш пред твојот Бог“. Слично на тоа, Давид му рекол на Јехова: „Од Тебе е сѐ, и добиеното од Твојата рака Ти го дадовме“ (1. Лет. 29:14).

⁶ За да го продлабочиме нашето ценење за Јеховината чудесна подготовка, зошто да не ги прочитаме 112 до 126 поглавје од книгата Најголемиот човек и да продискутираме за нив како семејство пред датумот на Споменот? На тој начин, секој од нас ќе може душевно да се подготви да покаже ценење за жртвата на Спомен-свеченоста која ќе се одржи на 6. април 1993.