Соломон укажува на важноста на праведноста. Тој вели: „Имотот на богатиот му е укрепен град, а на сиромашните сиромаштвото е нивна погибел. Праведниот печали за живот, а нечесниот печали за грев“ (Пословици 10:15, 16).

Од друга страна, пак, сеедно дали еден праведен човек има многу или малку во материјален поглед, неговата чесна активност го води во живот. Како? Па, тој е задоволен со она што го има. Не дозволува неговата финансиска ситуација да ја попречи неговата добра положба пред Бог. Сеедно дали е богат или сиромав, начинот на живот му донесува среќа на праведникот сега и надеж за вечен живот во иднина (Јов 42:10-13). Злобниот нема корист дури и ако стекне богатство. Наместо да ја цени неговата заштитничка вредност и да живее во согласност со Божјата волја, тој богатството го користи за да унапредува живот на грев.