2. а) Која титула ја користел Исус за себеси? б) На што се осврнува Јехова кога вели: „Јас сум првиот и последниот“? в) На што укажува Исусовата титула „Првиот и Последниот“?

² Меѓутоа, нашата страхопочит не треба да прерасне во морбиден страв. Исус го смирил Јован, и ова го гледаме од следните зборови што ги кажува апостолот: „А тој ја положи својата десна рака врз мене и рече: ‚Не плаши се. Јас сум Првиот и Последниот, и жив сум‘“ (Откровение 1:17б, 18а). Во Исаија 44:6, Јехова со право вели дека само Тој е единствен семоќен Бог: „Јас сум првиот и последниот, освен мене нема Бог“.a Кога Исус себеси се нарекува „Првиот и Последниот“, не тврди дека му е рамен на Јехова, Величествениот Творец, туку ја употребува оваа титула која Бог заслужено му ја дал. Во Исаија, кога Јехова вели дека само Тој е вистински Бог, се осврнува на својата положба. Тој е вечен, и освен него навистина нема друг Бог (1. Тимотеј 1:17). А кога Исус во Откровението ја спомнува титулата што му е дадена, се осврнува на своето воскресение кое е единствено од таков вид.