Преку своето Царство, Јехова наскоро ќе ги отстрани сите наши проблеми. Оваа вест е толку добра што треба секој да ја слушне! Исус сакал неговите следбеници да ја споделат оваа порака со сите луѓе (Матеј 28:19, 20). Дали Јеховините сведоци се послушни на Исусовата заповед?

1. Како денес се исполнува Матеј 24:14?

Исус прорекол: „Оваа добра вест за царството ќе биде проповедана по целиот свет“ (Матеј 24:14). Јеховините сведоци се радосни што учествуваат во ова важно дело. Ние ја проповедаме добрата вест низ целиот свет на преку 1.000 јазици! За ова огромно дело се потребни многу труд и голема организираност, и тоа не би можело да се изврши без Јеховината помош.

2. Колкав труд вложуваме за да им проповедаме на луѓето?

Проповедаме секаде каде што има луѓе. Исто како христијаните од првиот век, и ние проповедаме „од куќа до куќа“ (Дела 5:42). Благодарение на овој организиран и темелен пристап, секоја година водиме разговори со милиони луѓе. Но, бидејќи луѓето не се секогаш дома, проповедаме и на јавни места. Се трудиме да ја искористиме секоја можност за да им кажеме на другите за Јехова и за неговата намера.

3. Кој има одговорност да ја проповеда добрата вест?

Секој вистински христијанин треба да им ја проповеда добрата вест на другите. За нас ова е важна одговорност. Ние проповедаме колку што можеме повеќе бидејќи знаеме дека во прашање се животите на луѓето. (Прочитај 1. Тимотеј 4:16.) Ние не сме платени за ова дело. Библијата вели: „Бесплатно добивте, бесплатно давајте“ (Матеј 10:7, 8). Иако сите не ја прифаќаат добрата вест, ние не се откажуваме. Зошто? Бидејќи на тој начин покажуваме дека сме му послушни на Јехова и го радуваме неговото срце.

ДОЗНАЈ ПОВЕЌЕ

4. Даваме сѐ од себе за да им проповедаме на сите луѓе

ВИДЕОКЛИП: Проповедаме „сѐ до крајот на земјата“ (7:38)

• Што ти остави впечаток во врска со сиот труд што го вложуваат Јеховините сведоци во проповедањето?

Прочитај Матеј 22:39 и Римјаните 10:13-15, а потоа разговарајте за овие прашања:

• Како со нашата служба покажуваме дека ги сакаме луѓето?

• Како гледа Јехова на оние што ја проповедаат добрата вест? (Види го стих 15.)

5. Ние сме Божји соработници

Многу искуства покажуваат дека Јехова го води проповедничкото дело. Да разгледаме еден пример од Нов Зеланд. Едно попладне додека проповедал од куќа до куќа, еден брат по име Пол сретнал една жена. Истото тоа утро, таа му се молела на Бог користејќи го неговото име, Јехова, и во молитвата побарала некој да ја посети. Пол вели: „Само три часа откако таа му се помолила на Јехова, јас бев на нејзината врата“.

Прочитај 1. Коринќаните 3:9, а потоа разговарајте за ова прашање:

• Како искуствата, како што е ова од Нов Зеланд, покажуваат дека Јехова го води проповедничкото дело?

Прочитај Дела 1:8, а потоа разговарајте за ова прашање:

• Зошто ни е потребна помошта од Јехова во службата на проповедање?

Дали си знаел?

Секоја седмица, на состанокот што се одржува во работен ден добиваме обука за службата на проповедање. Ако си присуствувал на ваков состанок, што мислиш за таа обука?

6. Ние проповедаме затоа што сме послушни на Божјата заповед

Во првиот век, некои противници се обиделе да ги спречат следбениците на Исус да проповедаат. Но, првите христијани по законски пат го бранеле своето право да ја проповедаат добрата вест (Филипјаните 1:7). Истото го прават и Јеховините сведоци денес.a

ВИДЕОКЛИП: Како го браниме своето право да ја проповедаме добрата вест (2:28)

Прочитај Дела 5:27-42, а потоа разговарајте за ова прашање:

• Зошто не престануваме да проповедаме? (Види ги стиховите 29, 38 и 39.)

ШТО НАУЧИ:

Исус им заповедал на своите следбеници да им ја проповедаат добрата вест на луѓето од сите народи. Јехова му помага на својот народ да го изврши ова дело.

Како би одговорил?

• Како добрата вест се проповеда по целиот свет?

• Како со нашата служба покажуваме дека ги сакаме луѓето?

• Што мислиш, дали проповедањето може да ти донесе радост? Зошто мислиш така?

ИСТРАЖУВАЈ

Види како Јеховините сведоци проповедаат во големите градови.

Посебен вид сведочење на јавни места во Париз (5:11)

Како Јеховините сведоци им проповедаат на бегалците?

Грижа за духовните потреби на бегалците (5:59)

Дознај зошто една жена е среќна што го посветила својот живот на проповедањето.

Мило ми е што ја избрав полновремената служба (6:29)

Прочитај за некои значајни пресуди кои придонеле слободно да се проповеда добрата вест.

„Законско потврдување на нашето право да проповедаме“ (Божјето Царство владее!, поглавје 13)

Сите што сакаат да станат христијани треба да се крстат. Тоа се гледа од зборовите на Исус запишани во Матеј 28:19, 20. (Прочитај.) Но, како треба некој да биде крстен? И, што треба да направи за да ја постигне таа цел?

1. Како треба некој да биде крстен?

Зборот „крштава“ доаѓа од еден грчки збор што значи „нурнува“ под вода. Исус се крстил така што бил нурнат во реката Јордан и веднаш потоа излегол од водата (Марко 1:9, 10) Исто како Исус, вистинските христијани се крштаваат со нурнување, односно целосно потопување во вода.

2. Што покажува крштавањето?

Со своето крштавање, покажуваме дека сме му го заветувале својот живот на Јехова. На кој начин некој му дава таков завет на Бог? Така што, пред да се крсти, во лична молитва му кажува дека сака да му служи засекогаш. Тој му ветува дека ќе го обожава само него и дека најважно во животот ќе му биде да ја врши неговата волја. Така покажува дека одлучил да се „одрече од себе“ и да оди по Исус, односно да живее според неговите учења и да го следи неговиот пример (Матеј 16:24). Тоа што некој ќе му го заветува својот живот на Јехова и ќе се крсти, му овозможува да има поблизок однос со него и со другите соверници.

3. Што треба некој да прави за да може да се крсти?

Пред да се крстиш, важно е да учиш за Јехова и да стекнеш силна вера во него. (Прочитај Евреите 11:6.) А како што ќе стекнуваш сѐ повеќе знаење и вера, твојата љубов кон Јехова ќе станува сѐ посилна. Тоа ќе те поттикне да сакаш да им зборуваш на другите за него и да живееш според неговите мерила (2. Тимотеј 4:2; 1. Јованово 5:3). Кога некој ќе почне да води „живот достоен на Јехова“ и се труди потполно да му угоди, веројатно ќе сака да му го заветува својот живот и да се крсти (Колошаните 1:9, 10).a

ДОЗНАЈ ПОВЕЌЕ

4. Што учиме од крштавањето на Исус?

Прочитај Матеј 3:13-17 за да дознаеш повеќе детали во врска со крштавањето на Исус. Потоа разговарајте за овие прашања:

• Дали Исус бил бебе кога се крстил?

• На кој начин се крстил? Дали само бил попрскан со вода?

Откако се крстил, Исус почнал да извршува една посебна задача што ја добил од Бог. Прочитај Лука 3:21-23 и Јован 6:38, а потоа разговарајте за ова прашање:

• Откако Исус се крстил, која задача му била на прво место во животот?

5. Крштавањето е достижна цел

Можеби си мислиш дека ти никогаш не би можел да му го заветуваш својот живот на Бог и да се крстиш. Но, тоа што ќе продолжиш да учиш за Јехова и сѐ подобро да го запознаваш ќе ти помогне еден ден да ја донесеш таа важна одлука. За да дознаеш што им помогнало на некои да го направат тој чекор, пушти го ВИДЕОКЛИПОТ.

ВИДЕОКЛИП: Како можеш да станеш пријател со Јехова (1:11)

Прочитај Јован 17:3 и Јаков 1:5, а потоа разговарајте за ова прашање:

• Што може да му помогне на некој духовно да напредува за да може да се крсти?

1. А. Му го заветуваме својот живот на Јехова така што во молитва му кажуваме дека сакаме да му служиме засекогаш

2. Б. Кога се крштаваме, им покажуваме на другите дека сме му се заветувале на Бог

6. Со крштавањето стануваме дел од Јеховиното семејство

Кога се крштаваме, стануваме дел од едно обединето меѓународно семејство. Без оглед на тоа кои сме и од каде сме, сите имаме исти верувања и живееме според истите морални мерила. Прочитај Псалм 25:14 и 133:1, а потоа разговарајте за ова прашање:

• Како крштавањето влијае врз нашиот однос со Јехова и со соверниците?

ШТО НАУЧИ:

Исус поучувал дека сите што сакаат да станат христијани треба да се крстат. За да ја оствари таа цел, едно лице треба да изгради силна вера во Јехова, да живее според неговите мерила и да му го заветува својот живот.

Како би одговорил?

• Како треба некој да биде крстен и зошто крштавањето е важно?

• Што покажува крштавањето?

• Што треба да прави некој пред да му го заветува својот живот на Бог и да се крсти?

ИСТРАЖУВАЈ

Дознај како треба некој да биде крстен.

„Што е крштавање?“ (Статија на интернет)

Дознај што треба да прави некој за да може да се крсти.

„Љубовта и благодарноста кон Јехова водат до крштавање“ (Стражарска кула од март 2020)

Прочитај една животна приказна која покажува дека крштавањето не е одлука која се темели само на чувства.

„Сакаа сам да ја откријам вистината“ (Стражарска кула од 1 февруари 2013)

Прочитај зошто крштавањето е цел која вреди да си ја поставиш и како можеш да ја оствариш.

„Дали да се крстам?“ (Младите прашуваат — делотворни одговори, том 2, поглавје 37)