ЛЕКЦИЈА 13
Како многуте религии го прикажуваат Бог во лошо светло?
Ако Бог е љубов, тогаш зошто во име на религиите кои тврдат дека го застапуваат него се прават толку многу лоши работи? Едноставно кажано, затоа што таквите религии се лажни. Тие го прикажуваат Бог во лошо светло. Како го прават тоа? Како се чувствува Бог поради тоа и што ќе преземе?
1. Како лажните религии го прикажуваат Бог во лошо светло со своите учења?
Лажните религии ја замениле „Божјата вистина со лага“ (Римјаните 1:25). На пример, повеќето религии не ги поучуваат своите верници дека Бог има име. Меѓутоа, Библијата вели дека Божјето име мора да се користи (Римјаните 10:13, 14). Кога ќе се случи нешто лошо, некои верски водачи велат дека тоа е Божја волја. Но, тоа е лага. Бог никогаш не ги предизвикува лошите работи. (Прочитај Јаков 1:13.) За жал, поради религиозните лаги, луѓето се оддалечиле од Бог.
2. Како лажните религии го прикажуваат Бог во лошо светло со своите постапки?
Лажните религии не постапуваат со луѓето онака како што постапува Јехова. Библијата вели дека гревовите на лажните религии се натрупале до небото (Откровение 18:5). Со векови, религиите се мешаат во политика и поддржуваат војни. На директен или индиректен начин, тие се одговорни за смртта на огромен број луѓе. Некои верски водачи живеат луксузно и изнудуваат пари од верниците за да можат да го задржат таквиот стил на живот. Ваквите постапки се доказ дека тие не го познаваат Бог и затоа немаат право да го застапуваат. (Прочитај 1. Јованово 4:8.)
3. Како Бог се чувствува поради она што го прават лажните религии?
Ако она што го прават лажните религии предизвикува лутина кај тебе, што мислиш, како се чувствува Јехова? Тој ги сака луѓето, но чувствува голем гнев кон верските водачи кои го прикажуваат во погрешно светло и се однесуваат лошо со верниците. Тој ветува дека лажните религии ќе бидат уништени и дека никогаш повеќе нема да постојат (Откровение 18:21). Наскоро, Бог ќе им стави крај на сите лажни религии (Откровение 18:8).
ДОЗНАЈ ПОВЕЌЕ
Во овој дел ќе дознаеш уште нешто во врска со тоа што мисли Бог за лажните религии, за кои работи се одговорни тие и зошто тоа не треба да те спречи подобро да го запознаеш Јехова.
4. Бог не ги одобрува сите религии
Многу луѓе сметаат дека религиите се различни патишта кои водат до Бог. Но, дали навистина е така? Прочитај Матеј 7:13, 14, а потоа разговарајте за ова прашање:
Што вели Библијата за патот што води во живот?
Пушти го ВИДЕОКЛИПОТ, а потоа разговарајте за следново прашање:
Дали Библијата вели дека има многу религии кои Бог ги одобрува?
5. Лажните религии воопшто не покажуваат љубов како што покажува Бог
Религиите на разни начини го прикажуваат Бог во погрешно светло. Еден од најлошите примери за тоа е нивната вмешаност во војните. Пушти го ВИДЕОКЛИПОТ, а потоа разговарајте за следниве прашања:
Што правеле многу цркви за време на Втората светска војна?
Што мислиш ти за она што го правеле тие?
Прочитај Јован 13:34, 35 и 17:16. Потоа разговарајте за овие прашања:
Што мислиш, како се чувствува Јехова поради тоа што религиите се мешаат во војните?
Лажните религии се виновни за многу лоши работи. Според тебе, од што се гледа дека тие не го следат примерот на Бог во покажувањето љубов?
Лажните религии воопшто не покажуваат љубов како што покажува Бог
6. Бог сака луѓето да се ослободат од лажните религии
Прочитај Откровение 18:4,a а потоа разговарајте за ова прашање:
Бог сака да му помогне на секој човек да се ослободи од лажната религија на која ѝ припаѓа. Како се чувствуваш ти поради тоа?
7. Продолжи да учиш за вистинскиот Бог
Дали учењата и постапките на лажните религии треба да влијаат врз твојот став кон Бог? Да речеме дека еден син не сака да го слуша својот татко, си заминува од дома и почнува да прави многу лоши работи. Таткото не ги одобрува постапките на својот син. Зошто не би било фер да го обвиниме таткото за она што го прави неговиот непослушен син?
Дали би било фер да го обвиниме Јехова за лошите постапки на лажните религии и поради тоа да престанеме да учиме за него?
НЕКОИ ВЕЛАТ: „Сите религии се добри“.
Дали и ти мислиш така?
Иако многу религии тврдат дека ги поучуваат луѓето за добри работи, зошто Бог не ги одобрува сите нив?
ШТО НАУЧИ:
Лажните религии го прикажуваат Бог во погрешно светло со своите лажни учења и лоши постапки. Бог ќе ги уништи сите лажни религии.
Како би одговорил?
Што мислиш за погрешните учења и постапки на лажните религии?
Како гледа Јехова на лажните религии?
Што ќе направи Бог со лажните религии?
ИСТРАЖУВАЈ
Дознај поради кои две работи Бог не ги одобрува повеќето религии.
Дали може да го обожаваме Јехова на свој начин или треба да припаѓаме на некоја религија?
„Дали мора да припаѓаме на некоја религија?“ (Статија на интернет)
Еден свештеник се измачувал поради она што се случувало во неговата религија. Но тоа не го спречило да го запознае вистинскиот Бог.
„Зошто еден свештеник ја напуштил својата црква“ (Разбудете се! од февруари 2015)
Со векови, религиите кажуваат лаги за Бог поради кои луѓето мислат дека тој е суров и дека не се грижи за нив. Прочитај за три такви лаги и дознај која е вистината.
„Лаги што го оцрнуваат Бог“ (Стражарска кула од 1 ноември 2013)