3 അപ്പോൾ അവർ പറഞ്ഞു: “ഇസ്രായേ​ലി​ന്റെ ദൈവ​മായ യഹോ​വ​യു​ടെ ഉടമ്പടിപ്പെ​ട്ടകം നിങ്ങൾ മടക്കി അയയ്‌ക്കുന്നെ​ങ്കിൽ അതു വെറുതേ കൊടു​ത്തു​വി​ട​രുത്‌. ഒരു അപരാ​ധ​യാ​ഗത്തോടൊ​പ്പം മാത്രമേ നിങ്ങൾ അതു മടക്കി അയയ്‌ക്കാ​വൂ.+ എങ്കിലേ നിങ്ങൾ സുഖം പ്രാപി​ക്കു​ക​യു​ള്ളൂ. ആ ദൈവ​ത്തി​ന്റെ കൈ നിങ്ങളെ വിട്ടു​മാ​റാ​ത്തത്‌ എന്തു​കൊണ്ടെന്നു നിങ്ങൾക്ക്‌ അപ്പോൾ മനസ്സി​ലാ​കു​ക​യും ചെയ്യും.” 4 അപ്പോൾ അവർ ചോദി​ച്ചു: “അപരാ​ധ​യാ​ഗ​മാ​യി എന്താണു ഞങ്ങൾ ആ ദൈവ​ത്തിന്‌ അയയ്‌ക്കേ​ണ്ടത്‌?” അപ്പോൾ അവർ പറഞ്ഞു: “ഫെലി​സ്‌ത്യപ്ര​ഭു​ക്ക​ന്മാ​രു​ടെ എണ്ണത്തിന്‌ അനുസൃതമായി+ സ്വർണംകൊ​ണ്ടുള്ള അഞ്ചു മൂലക്കു​രു,* സ്വർണംകൊ​ണ്ടുള്ള അഞ്ച്‌ എലികൾ എന്നിവ അയയ്‌ക്കണം. കാരണം, നിങ്ങ​ളെ​യും നിങ്ങളു​ടെ പ്രഭു​ക്ക​ന്മാരെ​യും ക്ലേശി​പ്പി​ച്ചത്‌ ഒരേ ബാധയാ​ണ​ല്ലോ.