യഹൂദ രാജാ​വായ ഹിസ്‌കി​യ​യ്‌ക്കു 39 വയസ്സു​ള്ള​പ്പോൾ ഗുരു​ത​ര​മായ ഒരു രോഗം പിടി​പെട്ടു. രോഗം കാരണം ഹിസ്‌കിയ മരിക്കു​മെ​ന്നുള്ള യഹോ​വ​യു​ടെ സന്ദേശം പ്രവാ​ച​ക​നായ യശയ്യ ഹിസ്‌കി​യയെ അറിയി​ച്ചു. (2 രാജാ. 20:1) പ്രതീ​ക്ഷ​യ്‌ക്ക്‌ ഒരു വകയു​മി​ല്ലെന്നു തോന്നിയ സാഹച​ര്യം. ആ വാർത്ത കേട്ട​പ്പോൾ തകർന്നു​പോയ ഹിസ്‌കിയ പൊട്ടി​ക്ക​രഞ്ഞു. സഹായ​ത്തി​നാ​യി യഹോ​വ​യോട്‌ അപേക്ഷി​ച്ചു. നിറക​ണ്ണു​ക​ളോ​ടെ​യുള്ള ഹിസ്‌കി​യ​യു​ടെ യാചന യഹോ​വ​യു​ടെ ഹൃദയത്തെ തൊട്ടു. യഹോവ ഹിസ്‌കി​യ​യോ​ടു പറഞ്ഞു: “ഞാൻ നിന്റെ പ്രാർഥന കേട്ടി​രി​ക്കു​ന്നു, നിന്റെ കണ്ണീർ കാണു​ക​യും ചെയ്‌തി​രി​ക്കു​ന്നു. ഇതാ ഞാൻ നിന്നെ സുഖ​പ്പെ​ടു​ത്തു​ന്നു.” ഹിസ്‌കി​യ​യു​ടെ ആയുസ്സു കൂട്ടു​മെ​ന്നും അസീറി​യൻ രാജാ​വി​ന്റെ കൈയിൽനിന്ന്‌ യരുശ​ലേ​മി​നെ വിടു​വി​ക്കു​മെ​ന്നും യശയ്യയി​ലൂ​ടെ യഹോവ ഹിസ്‌കി​യ​യോ​ടു പറഞ്ഞു. (2 രാജാ. 20:4-6) പ്രതീ​ക്ഷ​യ്‌ക്ക്‌ ഒരു വകയു​മി​ല്ലെന്നു തോന്നുന്ന തരത്തി​ലുള്ള ആരോ​ഗ്യ​പ്ര​ശ്‌നം നിങ്ങൾ നേരി​ടു​ക​യാ​ണോ? യഹോ​വ​യോ​ടു പ്രാർഥി​ക്കുക, കണ്ണുനീ​രോ​ടെ ആണെങ്കിൽപ്പോ​ലും. “മനസ്സലി​വുള്ള പിതാ​വും ഏതു സാഹച​ര്യ​ത്തി​ലും ആശ്വാസം തരുന്ന ദൈവ​വും” ആയ യഹോവ, ‘നമ്മുടെ കഷ്ടതക​ളി​ലെ​ല്ലാം നമ്മളെ ആശ്വസി​പ്പി​ക്കു​മെന്ന്‌’ ബൈബിൾ ഉറപ്പു​ത​രു​ന്നു.—2 കൊരി. 1:3, 4. w24.12 പേ. 24 ഖ. 15-17

പുനരു​ത്ഥാ​ന​പ്പെ​ട്ടു​വ​രുന്ന നമ്മുടെ പ്രിയ​പ്പെ​ട്ട​വരെ സ്വീക​രി​ക്കു​ന്നതു നമുക്ക്‌ എത്ര വലിയ സന്തോ​ഷ​മാ​യി​രി​ക്കും! ഇനി യഹോ​വ​യു​ടെ എണ്ണമറ്റ സൃഷ്ടി​ക​ളെ​ക്കു​റിച്ച്‌ പഠിച്ചു​കൊണ്ട്‌ യഹോ​വയെ കൂടുതൽ അടുത്ത​റി​യു​ന്ന​തി​നെ​ക്കു​റിച്ച്‌ ചിന്തി​ച്ചു​നോ​ക്കൂ. (സങ്കീ. 104:24; യശ. 11:9) ഏറ്റവും പ്രധാ​ന​മാ​യി, കുറ്റ​ബോ​ധ​ത്തി​ന്റെ ഒരു നേരിയ കണിക​പോ​ലു​മി​ല്ലാ​തെ യഹോ​വയെ ആരാധി​ക്കാൻ കഴിയു​ന്നത്‌ എത്ര ആവേശം തരുന്ന ഒരു കാര്യ​മാണ്‌. “പാപത്തി​ന്റെ താത്‌കാ​ലി​ക​മായ സുഖത്തി​നു”വേണ്ടി മനോ​ഹ​ര​മായ ഈ ഭാവി അനു​ഗ്ര​ഹങ്ങൾ നിങ്ങൾ വിറ്റു​ക​ള​യു​മോ? (എബ്രാ. 11:25) ഒരിക്ക​ലു​മില്ല അല്ലേ? നമ്മൾ ഇന്നു ചെയ്യുന്ന ഏതൊരു ത്യാഗ​ത്തെ​യും കടത്തി​വെ​ട്ടു​ന്ന​താണ്‌ ആ അനു​ഗ്ര​ഹങ്ങൾ. എന്നാൽ ഒന്ന്‌ ഓർക്കുക, പറുദീ​സാ​ഭൂ​മി എന്നത്‌ എന്നും ഒരു ഭാവി​പ്ര​ത്യാ​ശ​യാ​യി തുടരില്ല, അത്‌ ഉടനെ ഒരു യാഥാർഥ്യ​മാ​യി മാറും. തന്റെ മകനെ ഒരു സമ്മാന​മാ​യി തരാൻമാ​ത്രം യഹോവ നമ്മളെ സ്‌നേ​ഹി​ച്ചി​ല്ലാ​യി​രു​ന്നെ​ങ്കിൽ ഇതൊ​ന്നും സാധ്യ​മാ​കു​മാ​യി​രു​ന്നില്ല. w25.01 പേ. 29 ഖ. 12

യഹോ​വ​യിൽ ശക്തമായ വിശ്വാ​സം പ്രകട​മാ​ക്കിയ പലരു​ടെ​യും പേരുകൾ എബ്രാ​യർക്ക്‌ എഴുതിയ കത്തിൽ രേഖ​പ്പെ​ടു​ത്തി​യി​ട്ടുണ്ട്‌. അതിൽ എടുത്തു​പ​റ​യേണ്ട ഒരു വ്യക്തി​യാ​ണു മോശ. (എബ്രാ. 3:2-5; 11:23-25) ദൈവ​ത്തി​ലുള്ള മോശ​യു​ടെ വിശ്വാ​സം അസ്ഥാന​ത്താ​യി​പ്പോ​യില്ല. തരിശായ വിജന​ഭൂ​മി​യിൽപോ​ലും ജനത്തിനു നിലനിൽക്കാൻ വേണ്ട ഭക്ഷണവും വെള്ളവും യഹോവ അത്ഭുത​ക​ര​മാ​യി കൊടു​ത്തു. (പുറ. 15:22-25; സങ്കീ. 78:23-25) എന്നാൽ ശക്തമായ വിശ്വാ​സ​മു​ണ്ടാ​യി​രു​ന്നെ​ങ്കി​ലും, ഇസ്രാ​യേ​ല്യ​രെ അത്ഭുത​ക​ര​മാ​യി വിടു​വി​ച്ചു​കൊ​ണ്ടു​വന്ന്‌ ഏതാണ്ട്‌ ഒരു വർഷത്തി​നു ശേഷം, അവർക്ക്‌ ഇറച്ചി കൊടു​ക്കാ​നുള്ള യഹോ​വ​യു​ടെ പ്രാപ്‌തി​യെ മോശ ചോദ്യം ചെയ്‌തു. ലക്ഷക്കണ​ക്കി​നു വരുന്ന ആളുകൾക്ക്‌ എങ്ങനെ ആ വിജന​ഭൂ​മി​യിൽവെച്ച്‌ ആവശ്യ​ത്തിന്‌ ഇറച്ചി കൊടു​ക്കു​മെന്നു മോശ ചിന്തിച്ചു. അതിനു മറുപ​ടി​യാ​യി യഹോവ മോശ​യോട്‌ ഇങ്ങനെ ചോദി​ച്ചു: “യഹോ​വ​യു​ടെ കൈ അത്ര ചെറു​താ​ണോ?” (സംഖ്യ 11:21-23) ശരിക്കും പറഞ്ഞാൽ യഹോവ മോശ​യോട്‌ ഇങ്ങനെ ചോദി​ക്കു​ന്ന​തു​പോ​ലെ​യാ​യി​രു​ന്നു: ‘ഞാൻ ചെയ്യു​മെന്നു പറഞ്ഞ കാര്യം എനിക്കു ചെയ്യാൻ കഴിയില്ല എന്നാണോ നിനക്കു തോന്നു​ന്നത്‌?’ w25.03 പേ. 26, 27 ഖ. 1-2