ഓരോ ദിവസ​വും നമ്മൾ വ്യത്യസ്‌ത തീരു​മാ​ന​ങ്ങ​ളെ​ടു​ക്കാ​റുണ്ട്‌. ചില തീരു​മാ​നങ്ങൾ എളുപ്പ​ത്തി​ലെ​ടു​ക്കാൻ പറ്റുന്ന​വ​യാണ്‌. രാവിലെ എന്തു കഴിക്കണം, എപ്പോൾ ഉറങ്ങണം എന്നതൊ​ക്കെ. എന്നാൽ ചില കാര്യ​ങ്ങ​ളിൽ തീരു​മാ​ന​ങ്ങ​ളെ​ടു​ക്കു​ന്നതു ബുദ്ധി​മു​ട്ടാണ്‌. നമ്മുടെ ആരോ​ഗ്യ​ത്തെ​യും സന്തോ​ഷ​ത്തെ​യും ആരാധ​ന​യെ​യും നമ്മുടെ പ്രിയ​പ്പെ​ട്ട​വ​രെ​യും ഒക്കെ ബാധി​ക്കു​ന്ന​താ​യി​രി​ക്കാം അത്‌. നമ്മളെ​ടു​ക്കുന്ന തീരു​മാ​നങ്ങൾ നമുക്കും നമ്മുടെ കുടും​ബ​ത്തി​നും പ്രയോ​ജനം ചെയ്യണ​മെ​ന്നാ​ണു നമ്മൾ ആഗ്രഹി​ക്കു​ന്നത്‌. ഏറ്റവും പ്രധാ​ന​മാ​യി, അത്‌ യഹോ​വയെ സന്തോ​ഷി​പ്പി​ക്ക​ണ​മെന്നു നമ്മൾ ആഗ്രഹി​ക്കു​ന്നു. (റോമ. 12:1, 2) ശരിയായ തീരു​മാ​ന​മെ​ടു​ക്കു​ന്ന​തി​നുള്ള പടി വസ്‌തു​തകൾ മനസ്സി​ലാ​ക്കുക എന്നതാണ്‌. അത്‌ എന്തു​കൊ​ണ്ടാണ്‌? ഗുരു​ത​ര​മായ ആരോ​ഗ്യ​പ്ര​ശ്‌ന​വു​മാ​യി ഒരു രോഗി ഡോക്ടറെ കാണു​ന്നെന്നു വിചാ​രി​ക്കുക. നന്നായി പരി​ശോ​ധി​ക്കു​ക​യോ വിവര​ങ്ങ​ളൊ​ക്കെ ചോദിച്ച്‌ അറിയു​ക​യോ ചെയ്യാതെ ആ ഡോക്ടർ ഒരു ചികിത്സ നിർദേ​ശി​ക്കു​മോ? ഒരിക്ക​ലു​മില്ല. അതു​പോ​ലെ, സാഹച​ര്യ​വു​മാ​യി ബന്ധപ്പെട്ട വസ്‌തു​തകൾ നന്നായി മനസ്സി​ലാ​ക്കി​യാൽ മാത്രമേ നമുക്കും ശരിയായ തീരു​മാ​ന​ങ്ങ​ളെ​ടു​ക്കാൻ കഴിയൂ. w25.01 പേ. 14 ഖ. 1-3

യഹോ​വ​യു​ടെ കരുണ​യെ​ക്കു​റിച്ച്‌ നമുക്ക്‌ എന്ത്‌ അറിയാം? ‘ആരും നശിച്ചു​പോ​കാൻ താൻ ആഗ്രഹി​ക്കു​ന്നില്ല’ എന്ന്‌ യഹോവ എങ്ങനെ​യാ​ണു തെളി​യി​ച്ചി​രി​ക്കു​ന്നത്‌? (2 പത്രോ. 3:9) ഗുരു​ത​ര​മായ പാപം ചെയ്‌ത ചില​രോട്‌ യഹോവ കരുണ കാണി​ച്ച​തിൽനിന്ന്‌ നമുക്ക്‌ അതു മനസ്സി​ലാ​ക്കാം. ദാവീദ്‌ രാജാ​വി​ന്റെ കാര്യ​മെ​ടു​ക്കുക: അദ്ദേഹം വ്യഭി​ചാ​ര​വും കൊല​പാ​ത​ക​വും പോ​ലെ​യുള്ള ഗുരു​ത​ര​മായ പാപങ്ങൾ ചെയ്‌തു. എന്നാൽ പശ്ചാത്ത​പി​ച്ച​പ്പോൾ യഹോവ അദ്ദേഹ​ത്തോ​ടു ക്ഷമിച്ചു. (2 ശമു. 12:1-12) ഇനി, മനശ്ശെ രാജാ​വി​ന്റെ കാര്യം പറഞ്ഞാൽ, ആയുസ്സി​ന്റെ അധിക​ഭാ​ഗ​വും അങ്ങേയറ്റം ദുഷ്ടത ചെയ്‌തു​കൂ​ട്ടിയ ആളായി​രു​ന്നു അദ്ദേഹം. അത്രയും മോശ​മായ കാര്യങ്ങൾ ചെയ്‌തി​ട്ടും മനശ്ശെ പിന്നീട്‌ പശ്ചാത്ത​പി​ച്ച​പ്പോൾ യഹോവ ക്ഷമിക്കു​ക​യും കരുണ കാണി​ക്കു​ക​യും ചെയ്‌തു. (2 ദിന. 33:9-16) ഈ ഉദാഹ​ര​ണങ്ങൾ നമ്മളെ എന്താണു പഠിപ്പി​ക്കു​ന്നത്‌? കരുണ കാണി​ക്കാൻ ഒരു അടിസ്ഥാ​നം ഉള്ളപ്പോൾ യഹോവ ഉറപ്പാ​യും കരുണ കാണി​ക്കും. തങ്ങൾ ഗുരു​ത​ര​മായ പാപങ്ങൾ ചെയ്‌തെന്നു തിരി​ച്ച​റി​യു​ക​യും പശ്ചാത്ത​പി​ക്കു​ക​യും ചെയ്യു​ന്ന​തു​കൊണ്ട്‌ യഹോവ അത്തരം ആളുകളെ ഉയിർപ്പി​ക്കും. w24.05 പേ. 4 ഖ. 12

ഈജി​പ്‌തിൽനിന്ന്‌ ഇസ്രാ​യേ​ല്യ​രെ വിടു​വി​ച്ച​ശേഷം വിശു​ദ്ധ​കൂ​ടാ​ര​ത്തിൽ പുരോ​ഹി​ത​ന്മാ​രാ​യി സേവി​ക്കാൻ യഹോവ ചില ആളുകളെ നിയമി​ച്ചു. അതു​പോ​ലെ വിശു​ദ്ധ​കൂ​ടാ​ര​ത്തി​ലെ മറ്റു ജോലി​കൾ ചെയ്യാൻ ലേവ്യ​രെ​യും നിയമി​ച്ചാ​ക്കി. എന്നാൽ വിശു​ദ്ധ​കൂ​ടാ​ര​ത്തിൽ സേവി​ച്ചി​രു​ന്ന​വർക്കോ അതിന്‌ അടുത്തുള്ള കൂടാ​ര​ങ്ങ​ളിൽ താമസി​ച്ചി​രു​ന്ന​വർക്കോ മറ്റുള്ള​വ​രെ​ക്കാൾ എന്തെങ്കി​ലും പ്രത്യേ​ക​പ​രി​ഗണന യഹോവ കൊടു​ത്തോ? ഇല്ല. യഹോവ പക്ഷപാ​ത​മുള്ള ദൈവമല്ല. വിശു​ദ്ധ​കൂ​ടാ​ര​ത്തിൽ സേവി​ക്കു​ന്ന​വർക്കും വിശു​ദ്ധ​കൂ​ടാ​ര​ത്തിന്‌ അടുത്ത്‌ താമസി​ക്കു​ന്ന​വർക്കും മാത്രമല്ല എല്ലാ ഇസ്രാ​യേ​ല്യർക്കും യഹോ​വ​യു​മാ​യി ഒരു അടുത്ത ബന്ധത്തി​ലേക്കു വരാൻ പറ്റുമാ​യി​രു​ന്നു. ഉദാഹ​ര​ണ​ത്തിന്‌, വിശു​ദ്ധ​കൂ​ടാ​ര​ത്തി​നു മുകളി​ലുള്ള അത്ഭുത​ക​ര​മായ മേഘസ്‌തം​ഭ​വും രാത്രി​യി​ലെ അഗ്നിസ്‌തം​ഭ​വും ജനത്തിലെ എല്ലാവർക്കും കാണാ​മെന്ന്‌ യഹോവ ഉറപ്പാക്കി. (പുറ. 40:38) ഈ മേഘം മറ്റൊരു സ്ഥലത്തേക്കു നീങ്ങി​ത്തു​ട​ങ്ങു​ന്നത്‌ എല്ലാവർക്കും, വിശു​ദ്ധ​കൂ​ടാ​ര​ത്തിൽനിന്ന്‌ ഒരുപാട്‌ അകലെ താമസി​ക്കു​ന്ന​വർക്കു​പോ​ലും കാണാൻ പറ്റുമാ​യി​രു​ന്നു. അങ്ങനെ അവർക്കും കൂടാരം അഴിച്ച്‌, സാധന​ങ്ങ​ളൊ​ക്കെ എടുത്ത്‌, എല്ലാവ​രു​ടെ​യും​കൂ​ടെ പോകാൻ കഴിഞ്ഞു. (സംഖ്യ 9:15-23) അതു​പോ​ലെ ഇന്നും, നമ്മൾ എവി​ടെ​യാണ്‌ ജീവി​ക്കു​ന്ന​തെ​ങ്കി​ലും യഹോ​വ​യു​ടെ സ്‌നേ​ഹ​വും കരുത​ലും സംരക്ഷ​ണ​വും നമുക്കും കിട്ടും. w24.06 പേ. 4 ഖ. 10-12