ശരി​യേത്‌, തെറ്റേത്‌ എന്നു നിങ്ങളു​ടെ കുട്ടി​യോ​ടു വെറുതേ പറയു​ന്ന​തു​കൊ​ണ്ടാ​യില്ല. പിൻവ​രു​ന്ന​തു​പോ​ലുള്ള ചില ചോദ്യ​ങ്ങ​ളെ​ക്കു​റിച്ച്‌ ന്യായ​വാ​ദം ചെയ്യാൻ കുട്ടിയെ സഹായി​ക്കേ​ണ്ട​തു​മുണ്ട്‌: ‘നമുക്കു താത്‌പ​ര്യം തോന്നി​യേ​ക്കാ​വുന്ന ചില കാര്യങ്ങൾ ബൈബിൾ വിലക്കു​ന്നത്‌ എന്തു​കൊ​ണ്ടാണ്‌? ബൈബി​ളി​ലെ നിലവാ​രങ്ങൾ എല്ലായ്‌പോ​ഴും എന്റെ നന്മയ്‌ക്കു​വേ​ണ്ടി​യാ​ണെന്ന്‌ എനിക്ക്‌ ഉറപ്പു​ള്ളത്‌ എന്തു​കൊണ്ട്‌?’ (യശ. 48:17, 18) സ്‌നാ​ന​പ്പെ​ടാൻ നിങ്ങളു​ടെ കുട്ടി ആഗ്രഹം പ്രകടി​പ്പി​ക്കു​ന്നെ​ങ്കിൽ അതോ​ടൊ​പ്പം വന്നു​ചേ​രുന്ന ഉത്തരവാ​ദി​ത്വ​ങ്ങ​ളെ​ക്കു​റിച്ച്‌ ഗൗരവ​മാ​യി ചിന്തി​ക്കാ​നും കുട്ടിയെ സഹായി​ക്കുക. അതിന്റെ പ്രയോ​ജ​നങ്ങൾ എന്തൊ​ക്കെ​യാണ്‌? എന്തൊക്കെ ത്യാഗങ്ങൾ ചെയ്യേ​ണ്ടി​വ​ന്നേ​ക്കാം? ത്യാഗ​ങ്ങ​ളു​മാ​യി താരത​മ്യം ചെയ്യു​മ്പോൾ ലഭിക്കുന്ന പ്രയോ​ജ​നങ്ങൾ വലുതാ​ണെന്നു പറയു​ന്നത്‌ എന്തു​കൊണ്ട്‌? (മർക്കോ. 10:29, 30) സ്‌നാ​ന​ത്തി​നു മുമ്പ്‌ ഈ വിഷയ​ങ്ങ​ളെ​ക്കു​റിച്ച്‌ ചിന്തി​ക്കേ​ണ്ടതു വളരെ പ്രധാ​ന​മാണ്‌. ഈ കാര്യ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കാൻ കുട്ടി​കളെ സഹായി​ക്കു​മ്പോൾ അവർക്കു വ്യക്തി​പ​ര​മാ​യി ഒരു കാര്യം ബോധ്യം വന്നേക്കാം. ഏതു കാര്യം? ബൈബിൾനി​ല​വാ​രങ്ങൾ എപ്പോ​ഴും തങ്ങളുടെ പ്രയോ​ജ​ന​ത്തി​ലേ കലാശി​ക്കൂ എന്ന കാര്യം! w17.12 21 ¶14-15

പ്രിയ സഹോ​ദ​ര​ങ്ങളേ, നിങ്ങളിൽ പലരും ഗുരു​ത​ര​മായ രോഗ​ങ്ങ​ളോ​ടു മല്ലിടു​ന്ന​വ​രാണ്‌. ഇനി, വാർധ​ക്യ​ത്തി​ലേക്കു കടന്ന പലർക്കും പ്രായം​ചെന്ന അവരുടെ കുടും​ബാം​ഗ​ങ്ങളെ പരിച​രി​ക്കേ​ണ്ട​താ​യി​ട്ടുണ്ട്‌. ആഡംബ​ര​ങ്ങൾക്കു​വേ​ണ്ടി​യല്ല, കുടും​ബ​ത്തി​ന്റെ അടിസ്ഥാന ആവശ്യ​ങ്ങൾക്കു​വേണ്ടി പാടു​പെ​ടു​ന്ന​വ​രാ​ണു മറ്റു ചിലർ. ചിലർക്കാ​ണെ​ങ്കിൽ പല പ്രശ്‌നങ്ങൾ ഒരേ സമയത്ത്‌ നേരി​ടേ​ണ്ടി​വ​രു​ന്നു​ണ്ടെ​ന്നും ഞങ്ങൾക്ക്‌ അറിയാം. ജീവനി​ല്ലാത്ത തന്റെ സൃഷ്ടി​ക​ളിൽ യഹോവ താത്‌പ​ര്യം കാണി​ക്കു​ന്നെ​ങ്കിൽ, തന്നെ സ്‌നേ​ഹി​ക്കു​ക​യും സേവി​ക്കു​ക​യും ചെയ്യുന്ന നിങ്ങ​ളെ​ക്കു​റിച്ച്‌ യഹോ​വ​യ്‌ക്ക്‌ എന്തായി​രി​ക്കും തോന്നുക! (സങ്കീ. 19:1, 3, 14) നമ്മുടെ സ്‌നേ​ഹ​വാ​നായ പിതാ​വി​നു നിങ്ങ​ളെ​ക്കു​റിച്ച്‌ എല്ലാം അറിയാം. യഹോവ “നിങ്ങളു​ടെ തലയിലെ ഓരോ മുടി​യി​ഴ​യും എണ്ണിത്തി​ട്ട​പ്പെ​ടു​ത്തി​യി​രി​ക്കു​ന്നു.” (മത്താ. 10:30) സങ്കീർത്ത​ന​ക്കാ​രൻ ഈ ഉറപ്പു തരുന്നു: “കുറ്റമി​ല്ലാ​ത്തവർ അനുഭ​വി​ക്കു​ന്ന​തെ​ല്ലാം യഹോ​വ​യ്‌ക്ക്‌ അറിയാം.” (സങ്കീ. 37:18) അതെ, നിങ്ങൾ നേരി​ടുന്ന പരി​ശോ​ധ​നകൾ യഹോവ കാണു​ന്നുണ്ട്‌, അവ ഓരോ​ന്നും സഹിച്ചു​നിൽക്കാ​നുള്ള ശക്തി തരാൻ യഹോ​വ​യ്‌ക്കു കഴിയും. w18.01 7 ¶1; 8 ¶4

പത്രോസ്‌ തബീഥയെ പുനരു​ത്ഥാ​ന​പ്പെ​ടു​ത്തിയ സംഭവ​ത്തെ​ക്കു​റിച്ച്‌ കേട്ട “ധാരാളം പേർ കർത്താ​വിൽ വിശ്വ​സി​ച്ചു.” കർത്താ​വി​നെ​ക്കു​റി​ച്ചും മരിച്ച​വരെ ഉയിർപ്പി​ക്കാൻ യഹോ​വ​യ്‌ക്കു കഴിവു​ണ്ടെ​ന്ന​തി​നെ​ക്കു​റി​ച്ചും സാക്ഷ്യം കൊടു​ക്കാൻ ആ പുതിയ ശിഷ്യ​ന്മാർക്കു കഴിയു​മാ​യി​രു​ന്നു. (പ്രവൃ. 9:36-42) മറ്റൊരു പുനരു​ത്ഥാ​ന​ത്തി​നും അനേകർ സാക്ഷി​ക​ളാ​യി. ഒരിക്കൽ അപ്പോ​സ്‌ത​ല​നായ പൗലോസ്‌, ഇന്നത്തെ തുർക്കി​യു​ടെ വടക്കു​പ​ടി​ഞ്ഞാ​റാ​യി സ്ഥിതി​ചെ​യ്യുന്ന ത്രോ​വാ​സി​ലെ ഒരു വീടിന്റെ മുകളി​ലത്തെ മുറി​യിൽ ഒരു യോഗ​ത്തിൽ പങ്കെടു​ക്കു​ക​യാ​യി​രു​ന്നു. പൗലോ​സി​ന്റെ പ്രസംഗം അർധരാ​ത്രി​വരെ നീണ്ടു. യൂത്തി​ക്കൊസ്‌ എന്ന ഒരു യുവാവ്‌ ജനൽപ്പ​ടി​യിൽ ഇരുന്ന്‌ പ്രസംഗം കേൾക്കു​ക​യാ​യി​രു​ന്നു. ഉറക്കത്തിൽ ആണ്ടു​പോയ അവൻ മൂന്നാം നിലയിൽനിന്ന്‌ താഴേക്കു വീണു. ഒരുപക്ഷേ വൈദ്യ​നായ ലൂക്കോ​സാ​യി​രി​ക്കാം ആദ്യം യൂത്തി​ക്കൊ​സി​ന്റെ അടുത്ത്‌ എത്തിയത്‌. അവനെ പരി​ശോ​ധി​ച്ച​പ്പോൾ ലൂക്കോ​സി​നു കാര്യം മനസ്സി​ലാ​യി. വീഴ്‌ച​യിൽ യൂത്തി​ക്കൊ​സി​നു പരിക്കു​പ​റ്റു​ക​യോ ബോധം പോകു​ക​യോ അല്ല ചെയ്‌തത്‌, യൂത്തി​ക്കൊസ്‌ മരിച്ചു! അപ്പോ​ഴേ​ക്കും പൗലോസ്‌ താഴെ ഇറങ്ങി​വ​ന്നി​രു​ന്നു. യൂത്തി​ക്കൊ​സി​നെ കെട്ടി​പ്പി​ടിച്ച്‌ അദ്ദേഹം ഇങ്ങനെ വിളി​ച്ചു​പ​റഞ്ഞു: “ഇവന്‌ ഇപ്പോൾ ജീവനുണ്ട്‌.” ആ അത്ഭുതം കണ്ടുനി​ന്ന​വരെ അത്‌ എത്ര ആഴമായി സ്വാധീ​നി​ച്ചു​കാ​ണും! പുനരു​ത്ഥാ​നം നടന്നെന്നു മനസ്സി​ലാ​യ​പ്പോൾ ആളുകൾക്കു “വലിയ ആശ്വാ​സ​മാ​യി.”​—പ്രവൃ. 20:7-12. w17.12 5 ¶10-11