21 യരുശലേമിൽ എത്തിയ ഉടനെ ശലോ​മോ​ന്റെ മകനായ രഹബെ​യാം ഇസ്രാ​യേൽഗൃ​ഹ​ത്തോ​ടു യുദ്ധം ചെയ്‌ത്‌ രാജാ​ധി​കാ​രം വീണ്ടെ​ടു​ക്കാ​നാ​യി, പരിശീ​ലനം ലഭിച്ച* 1,80,000 യോദ്ധാ​ക്കളെ യഹൂദാ​ഗൃ​ഹ​ത്തിൽനി​ന്നും ബന്യാ​മീൻ ഗോ​ത്ര​ത്തിൽനി​ന്നും കൂട്ടി​വ​രു​ത്തി.+ 22 അപ്പോൾ ദൈവ​പു​രു​ഷ​നായ ശെമയ്യയോടു+ സത്യ​ദൈവം ഇങ്ങനെ പറഞ്ഞു: 23 “നീ യഹൂദ​യി​ലെ രാജാ​വായ ശലോ​മോ​ന്റെ മകൻ രഹബെ​യാ​മി​നോ​ടും എല്ലാ യഹൂദാ​ഭ​വ​ന​ത്തോ​ടും ബന്യാ​മീൻ ഗോ​ത്ര​ത്തോ​ടും മറ്റെല്ലാ ജനങ്ങ​ളോ​ടും പറയുക: 24 ‘യഹോവ ഇങ്ങനെ പറയുന്നു: “നിങ്ങളു​ടെ സഹോ​ദ​ര​ന്മാ​രായ ഇസ്രാ​യേ​ല്യ​രോ​ടു നിങ്ങൾ യുദ്ധത്തി​നു പോക​രുത്‌. ഓരോ​രു​ത്ത​രും അവരവ​രു​ടെ വീട്ടി​ലേക്കു തിരി​ച്ചു​പോ​കണം. കാരണം ഇങ്ങനെ​യെ​ല്ലാം സംഭവി​ക്കാൻ ഇടവരു​ത്തി​യതു ഞാനാണ്‌.”’”+ അങ്ങനെ യഹോ​വ​യു​ടെ വാക്കു കേട്ട്‌ അവർ യഹോവ കല്‌പി​ച്ച​തു​പോ​ലെ അവരവ​രു​ടെ വീടു​ക​ളി​ലേക്കു മടങ്ങി​പ്പോ​യി.