സങ്കീർത്തനം
സംഗീതസംഘനായകന്‌; യദൂഥൂന്റേത്‌.* ദാവീദ്‌ രചിച്ച ശ്രുതിമധുരമായ ഗാനം.
62 അതെ, ഞാൻ മൗനമായി ദൈവത്തിനുവേണ്ടി കാത്തിരിക്കുന്നു.
എന്റെ രക്ഷ വരുന്നതു ദൈവത്തിൽനിന്നല്ലോ.+
2 അതെ, ദൈവമാണ്‌ എന്റെ പാറ, എന്റെ രക്ഷ, എന്റെ സുരക്ഷിതസങ്കേതം;+
ഞാൻ ഒരിക്കലും വല്ലാതെ പതറിപ്പോകില്ല.+
3 ഒരു മനുഷ്യനെ കൊല്ലാൻ എത്ര കാലം നിങ്ങൾ അവനെ ആക്രമിക്കും?+
നിങ്ങളെല്ലാം ചെരിഞ്ഞുനിൽക്കുന്ന മതിൽപോലെ, വീഴാറായിരിക്കുന്ന കൻമതിൽപോലെ, അപകടകാരികളാണ്‌.*
4 ഉന്നതസ്ഥാനത്തുനിന്ന്‌ അവനെ വീഴിക്കാൻ അവർ കൂടിയാലോചിക്കുന്നു;
നുണ പറയുന്നതിൽ ആനന്ദം കണ്ടെത്തുന്നവരാണ്‌ അവർ.
വായ്‌കൊണ്ട്‌ അനുഗ്രഹിക്കുന്നെങ്കിലും ഉള്ളുകൊണ്ട്‌ അവർ ശപിക്കുകയാണ്‌.+ (സേലാ)
5 എന്നാൽ ഞാൻ മൗനമായി ദൈവത്തിനുവേണ്ടി കാത്തിരിക്കുന്നു.*+
എന്റെ പ്രത്യാശയുടെ ഉറവ്‌ ദൈവമാണല്ലോ.+
7 ദൈവത്തെ ആശ്രയിച്ചാണ്‌ എന്റെ രക്ഷയും എന്റെ മഹത്ത്വവും.
ദൈവമാണ്‌ എന്റെ ഉറപ്പുള്ള പാറ, എന്റെ അഭയം.+
8 ജനങ്ങളേ, എപ്പോഴും ദൈവത്തിൽ ആശ്രയിക്കൂ!
ദൈവത്തിനു മുന്നിൽ നിങ്ങളുടെ ഹൃദയം പകരൂ!+
ദൈവമല്ലോ നമ്മുടെ അഭയം.+ (സേലാ)
അവരെയെല്ലാം ഒന്നിച്ച്‌ ത്രാസ്സിൽ വെച്ചാൽ ഒരു ശ്വാസത്തിന്റെയത്രപോലും ഭാരം വരില്ല.+
10 പിടിച്ചുപറിയിൽ ആശ്രയിക്കരുത്‌;
കവർച്ചയിൽ വെറുതേ പ്രതീക്ഷ അർപ്പിക്കരുത്‌.
നിങ്ങളുടെ സമ്പത്തു വർധിക്കുമ്പോൾ നിങ്ങളുടെ മനസ്സു മുഴുവൻ അതിലാകരുത്‌.+
11 ഒരിക്കൽ ദൈവം സംസാരിച്ചു; രണ്ടു പ്രാവശ്യം ഞാൻ അതു കേട്ടു:
ശക്തി ദൈവത്തിന്റേത്‌.+