സംഖ്യ
24 ഇസ്രായേലിനെ അനുഗ്രഹിക്കുന്നത്‌ യഹോവയ്‌ക്ക്‌ ഇഷ്ടമെന്നു കണ്ടപ്പോൾ ബിലെയാം പിന്നെ ദുശ്ശകുനം+ നോക്കി പോയില്ല. പകരം വിജനഭൂമിക്കു നേരെ മുഖം തിരിച്ചു. 2 ബിലെയാം നോക്കിയപ്പോൾ ഇസ്രായേൽ ഗോത്രംഗോത്രമായി പാളയമടിച്ചിരിക്കുന്നതു കണ്ടു.+ അപ്പോൾ ദൈവത്തിന്റെ ആത്മാവ്‌ ബിലെയാമിന്റെ മേൽ വന്നു.+ 3 അയാൾ ഈ പ്രാവചനികസന്ദേശം അറിയിച്ചു:+
“ബയോരിന്റെ മകനായ ബിലെയാമിന്റെ മൊഴികൾ,
കണ്ണുകൾ തുറന്നുകിട്ടിയവന്റെ വാക്കുകൾ,
4 ദൈവികവചനങ്ങൾ കേൾക്കുന്നവന്റെ,
സർവശക്തന്റെ ദർശനം കണ്ടവന്റെ,
കണ്ണുകൾ അടയ്‌ക്കാതെ കുമ്പിട്ടവന്റെ, വചനങ്ങൾ:+
6 അവ താഴ്‌വരകൾപോലെ* നീണ്ടുകിടക്കുന്നു,+
നദീതീരത്തെ തോട്ടങ്ങൾപോലെതന്നെ.
അവ യഹോവ നട്ട അകിൽ മരങ്ങൾപോലെയും
വെള്ളത്തിന്‌ അരികെയുള്ള ദേവദാരുപോലെയും ആണ്‌.
7 അവന്റെ രണ്ടു തുകൽത്തൊട്ടിയിൽനിന്നും വെള്ളം തുളുമ്പുന്നു,
8 അവനെ ദൈവം ഈജിപ്‌തിൽനിന്ന്‌ കൊണ്ടുവരുന്നു;
ദൈവം അവർക്കു കാട്ടുപോത്തിന്റെ കൊമ്പുകൾപോലെയാണ്‌.
തന്നെ ദ്രോഹിക്കുന്ന ജനതകളെ ഇസ്രായേൽ വിഴുങ്ങിക്കളയും,+
അവൻ അവരുടെ അസ്ഥികൾ കാർന്നുതിന്നും, അവന്റെ അസ്‌ത്രങ്ങൾ അവരെ ചിതറിക്കും.
9 അവൻ പതുങ്ങിക്കിടക്കുന്നു, ഒരു സിംഹത്തെപ്പോലെ വിശ്രമിക്കുന്നു.
അതെ, ഒരു സിംഹം! അവനെ ഉണർത്താൻ ആരു ധൈര്യപ്പെടും!
നിന്നെ അനുഗ്രഹിക്കുന്നവർ അനുഗ്രഹം നേടും,
നിന്നെ ശപിക്കുന്നവർ ശാപം പേറും.”+
10 അപ്പോൾ ബാലാക്കിനു ബിലെയാമിനോടു കടുത്ത കോപം തോന്നി. ബാലാക്ക്‌ പുച്ഛത്തോടെ തന്റെ കൈ കൂട്ടിയടിച്ചുകൊണ്ട്‌ ബിലെയാമിനോടു പറഞ്ഞു: “എന്റെ ശത്രുക്കളെ ശപിക്കാനാണു ഞാൻ നിന്നെ വിളിച്ചുവരുത്തിയത്‌.+ പക്ഷേ നീ ഈ മൂന്നു തവണയും അവരെ അനുഗ്രഹിച്ചു! 11 മതി, വേഗം നിന്റെ വീട്ടിലേക്കു പൊയ്‌ക്കൊള്ളുക. നിന്നെ അതിയായി ആദരിക്കാൻ ഞാൻ നിശ്ചയിച്ചിരുന്നു.+ പക്ഷേ നിന്നെ ആദരിക്കുന്നത്‌ ഇതാ, യഹോവ തടഞ്ഞിരിക്കുന്നു.”
12 ബിലെയാം ബാലാക്കിനോടു പറഞ്ഞു: “താങ്കൾ അയച്ച ദൂതന്മാരോട്‌, 13 ‘ബാലാക്ക്‌ സ്വന്തം വീടു നിറയെ സ്വർണവും വെള്ളിയും തന്നാലും യഹോവയുടെ ആജ്ഞ ധിക്കരിച്ചുകൊണ്ട്‌ സ്വന്തം ഇഷ്ടപ്രകാരം* നല്ലതാകട്ടെ ചീത്തയാകട്ടെ ഒന്നും ചെയ്യാൻ എനിക്കു കഴിയില്ല; യഹോവ പറയുന്നതു മാത്രമേ ഞാൻ സംസാരിക്കൂ’ എന്നു ഞാൻ പറഞ്ഞതല്ലേ?+ 14 ഞാൻ ഇതാ, എന്റെ ജനത്തിന്റെ അടുത്തേക്കു പോകുകയാണ്‌. വരൂ, ഭാവിയിൽ* ഈ ജനം താങ്കളുടെ ജനത്തെ എന്തു ചെയ്യുമെന്നു ഞാൻ താങ്കൾക്കു പറഞ്ഞുതരാം.” 15 അങ്ങനെ ബിലെയാം ഈ പ്രാവചനികസന്ദേശം അറിയിച്ചു:+
“ബയോരിന്റെ മകനായ ബിലെയാമിന്റെ മൊഴികൾ,
കണ്ണുകൾ തുറന്നുകിട്ടിയവന്റെ വാക്കുകൾ,+
16 ദൈവികവചസ്സുകൾ കേൾക്കുന്നവന്റെ,
അത്യുന്നതന്റെ പരിജ്ഞാനം നേടിയവന്റെ, വചനങ്ങൾ.
കണ്ണുകൾ അടയ്‌ക്കാതെ കുമ്പിട്ടപ്പോൾ
സർവശക്തന്റെ ഒരു ദർശനം അവൻ കണ്ടു:
17 ഞാൻ അവനെ കാണും, പക്ഷേ ഇപ്പോഴല്ല;
ഞാൻ അവനെ ദർശിക്കും, പക്ഷേ ഉടനെയല്ല.
19 യാക്കോബിൽനിന്നുള്ള ഒരാൾ ജയിച്ചടക്കും,+
നഗരത്തിൽനിന്ന്‌ രക്ഷപ്പെട്ട എല്ലാവരെയും അവൻ കൊന്നുമുടിക്കും.”
20 അമാലേക്കിനെ കണ്ടപ്പോൾ ബിലെയാം പ്രാവചനികസന്ദേശം തുടർന്നു:
21 കേന്യരെ+ കണ്ടപ്പോൾ പ്രാവചനികസന്ദേശം തുടർന്നുകൊണ്ട്‌ ബിലെയാം പറഞ്ഞു:
“നിന്റെ വാസസ്ഥലം സുരക്ഷിതം, ശൈലത്തിൽ നീ നിന്റെ പാർപ്പിടം സ്ഥാപിച്ചിരിക്കുന്നു.
22 എന്നാൽ കെയീനെ ഒരാൾ കത്തിച്ച്‌ ചാമ്പലാക്കും.
അസീറിയ നിന്നെ ബന്ദിയാക്കിക്കൊണ്ടുപോകാൻ ഇനി എത്ര നാൾ?”
23 പ്രാവചനികസന്ദേശം തുടർന്നുകൊണ്ട്‌ ബിലെയാം പറഞ്ഞു:
“കഷ്ടം! ദൈവം ഇതു ചെയ്യുമ്പോൾ ആരു ശേഷിക്കും?
24 കിത്തീമിന്റെ+ തീരത്തുനിന്ന്‌ കപ്പലുകൾ വരും,
അസീറിയയെ+ അവ ക്ലേശിപ്പിക്കും,
ഏബെരിനെയും അവ ക്ലേശിപ്പിക്കും.
എന്നാൽ അവനും പൂർണമായി നശിച്ചുപോകും.”
25 പിന്നെ ബിലെയാം+ എഴുന്നേറ്റ്‌ തന്റെ സ്ഥലത്തേക്കു മടങ്ങി. ബാലാക്കും തന്റെ വഴിക്കു പോയി.