സങ്കീർത്തനം
സംഗീതസംഘനായകന്‌; “ലില്ലി”കൾക്കുവേണ്ടി ചിട്ടപ്പെടുത്തിയത്‌. ദാവീദിന്റേത്‌.
69 ദൈവമേ, എന്നെ രക്ഷിക്കേണമേ; വെള്ളം എന്റെ ജീവനു ഭീഷണി ഉയർത്തുന്നു.+
2 ഞാൻ ആഴമേറിയ ചെളിക്കുണ്ടിലേക്ക്‌ ആണ്ടുപോയിരിക്കുന്നു;+ എനിക്കു കാൽ ഉറപ്പിക്കാൻ ഇടമില്ല.
നിലയില്ലാക്കയത്തിൽ ഞാൻ അകപ്പെട്ടിരിക്കുന്നു;
ആർത്തലച്ചുവന്ന വെള്ളം എന്നെ ഒഴുക്കിക്കൊണ്ടുപോയി.+
എന്റെ ദൈവത്തിനായി കാത്തുകാത്തിരുന്ന്‌ എന്റെ കണ്ണുകൾ തളർന്നു.+
എന്നെ ഒടുക്കിക്കളയാൻ നോക്കുന്ന
എന്റെ വഞ്ചകരായ ശത്രുക്കൾ* പെരുകിയിരിക്കുന്നു.
മോഷ്ടിച്ചെടുക്കാത്തതു വിട്ടുകൊടുക്കാൻ ഞാൻ നിർബന്ധിതനായി.
5 ദൈവമേ, എന്റെ ബുദ്ധിയില്ലായ്‌മ അങ്ങ്‌ അറിയുന്നല്ലോ;
എന്റെ കുറ്റം അങ്ങയിൽനിന്ന്‌ മറഞ്ഞിരിക്കുന്നില്ല.
6 പരമാധികാരിയാം കർത്താവേ, സൈന്യങ്ങളുടെ അധിപനായ യഹോവേ,
അങ്ങയിൽ പ്രത്യാശ വെക്കുന്നവർ ഞാൻ കാരണം നാണംകെടാൻ ഇടവരരുതേ.
ഇസ്രായേലിന്റെ ദൈവമേ, അങ്ങയെ തേടുന്നവർ അപമാനിതരാകാൻ ഞാൻ കാരണക്കാരനാകരുതേ.
9 അങ്ങയുടെ ഭവനത്തോടുള്ള ശുഷ്‌കാന്തി എന്നെ തിന്നുകളഞ്ഞു;+
അങ്ങയെ നിന്ദിക്കുന്നവരുടെ നിന്ദ എന്റെ മേൽ വീണിരിക്കുന്നു.+
12 നഗരകവാടങ്ങളിൽ ഇരിക്കുന്നവർക്കു ഞാൻ സംസാരവിഷയമായി;
കുടിയന്മാർ എന്നെക്കുറിച്ച്‌ പാട്ട്‌ ഉണ്ടാക്കുന്നു.
സമൃദ്ധമായി അചഞ്ചലസ്‌നേഹം കാണിക്കുന്ന ദൈവമേ,
അങ്ങയുടെ ആശ്രയയോഗ്യമായ രക്ഷാപ്രവൃത്തികളാൽ എനിക്ക്‌ ഉത്തരമേകേണമേ.+
14 ചെളിക്കുണ്ടിൽനിന്ന്‌ എന്നെ രക്ഷിക്കേണമേ;
ഞാൻ മുങ്ങിത്താഴാൻ അനുവദിക്കരുതേ.
എന്നെ വെറുക്കുന്നവരിൽനിന്ന്‌ എന്നെ രക്ഷിക്കേണമേ;
ആഴക്കയത്തിൽനിന്ന്‌ എന്നെ കരകയറ്റേണമേ.+
16 യഹോവേ, എനിക്ക്‌ ഉത്തരമേകേണമേ. അങ്ങയുടെ അചഞ്ചലമായ സ്‌നേഹം എത്ര നല്ലത്‌!+
അങ്ങയുടെ മഹാകരുണയ്‌ക്കു ചേർച്ചയിൽ എന്നിലേക്കു തിരിയേണമേ.+
വേഗം ഉത്തരമേകേണമേ; ഞാൻ ആകെ കഷ്ടത്തിലാണ്‌.+
18 എന്റെ അടുത്തേക്കു വന്ന്‌ എന്നെ രക്ഷിക്കേണമേ;
ശത്രുക്കളുടെ കൈയിൽനിന്ന്‌ എന്നെ മോചിപ്പിക്കേണമേ.*
19 ഞാൻ അനുഭവിക്കുന്ന നിന്ദയും അവഹേളനവും അപമാനവും അങ്ങയ്‌ക്ക്‌ അറിയാമല്ലോ.+
എന്റെ ശത്രുക്കളെയെല്ലാം അങ്ങ്‌ കാണുന്നു.
20 നിന്ദ എന്റെ ഹൃദയം തകർത്തുകളഞ്ഞിരിക്കുന്നു; എനിക്കേറ്റ മുറിവ്‌ ഭേദമാക്കാനാകാത്തതാണ്‌.*
ഞാൻ സഹതാപം പ്രതീക്ഷിച്ചു; പക്ഷേ, കാര്യമുണ്ടായില്ല.+
ആശ്വാസകർക്കായി കൊതിച്ചു; പക്ഷേ, ആരെയും കണ്ടില്ല.+
23 കാണാൻ പറ്റാത്ത വിധം അവരുടെ കണ്ണുകൾ ഇരുണ്ടുപോകട്ടെ;
അവരുടെ അരക്കെട്ടുകൾ എപ്പോഴും വിറയ്‌ക്കട്ടെ.
26 കാരണം അങ്ങ്‌ പ്രഹരിച്ചവന്റെ പിന്നാലെ അവർ പായുന്നു;
അങ്ങ്‌ മുറിവേൽപ്പിച്ചവരുടെ വേദനകളെക്കുറിച്ച്‌ അവർ വാതോരാതെ വിവരിക്കുന്നു.
27 അവരുടെ കുറ്റത്തോടു കുറ്റം കൂട്ടേണമേ;
അങ്ങയുടെ നീതിയിൽ അവർക്ക്‌ ഓഹരിയൊന്നുമില്ലാതിരിക്കട്ടെ.
28 ജീവനുള്ളവരുടെ പുസ്‌തകത്തിൽനിന്ന്‌* അവരുടെ പേര്‌ മായ്‌ച്ചുകളയേണമേ;+
നീതിമാന്മാരുടെ പട്ടികയിൽ അവരുടെ പേര്‌ ചേർക്കരുതേ.+
29 ഞാനോ ആകെ കഷ്ടതയിലും വേദനയിലും ആണ്‌.+
ദൈവമേ, അങ്ങയുടെ രക്ഷാശക്തി എന്നെ സംരക്ഷിക്കട്ടെ.
30 ദൈവനാമത്തെ ഞാൻ പാടി സ്‌തുതിക്കും;
നന്ദിവാക്കുകളാൽ ഞാൻ എന്റെ ദൈവത്തെ മഹത്ത്വപ്പെടുത്തും.
32 സൗമ്യർ അതു കണ്ട്‌ ആഹ്ലാദിക്കും,
ദൈവത്തെ അന്വേഷിക്കുന്നവരേ, നിങ്ങളുടെ ഹൃദയം ചൈതന്യം പ്രാപിക്കട്ടെ.
34 ആകാശവും ഭൂമിയും ദൈവത്തെ സ്‌തുതിക്കട്ടെ.+
സമുദ്രവും അതിൽ ചരിക്കുന്ന സകലവും ദൈവത്തെ വാഴ്‌ത്തട്ടെ.