സങ്കീർത്തനം
നാലാം പുസ്‌തകം
(സങ്കീർത്തനങ്ങൾ 90-106)
ദൈവപുരുഷനായ മോശയുടെ ഒരു പ്രാർഥന.+
90 യഹോവേ, തലമുറതലമുറയായി അങ്ങ്‌ ഞങ്ങളുടെ വാസസ്ഥാനമല്ലോ.*+
2 പർവതങ്ങൾ ഉണ്ടായതിനു മുമ്പേ,
അങ്ങ്‌ ഭൂമിക്കും ഫലപുഷ്ടിയുള്ള ദേശത്തിനും ജന്മം നൽകിയതിനു* മുമ്പേ,+
3 അങ്ങ്‌ മർത്യനെ പൊടിയിലേക്കു തിരികെ അയയ്‌ക്കുന്നു;
“മനുഷ്യമക്കളേ, മടങ്ങുക”+ എന്ന്‌ അങ്ങ്‌ പറയുന്നു.
4 അങ്ങയുടെ വീക്ഷണത്തിൽ ആയിരം വർഷം ഇന്നലെ കഴിഞ്ഞുപോയ ഒരു ദിവസംപോലെ,+
രാത്രിയിലെ ഒരു യാമംപോലെ* മാത്രം.
5 അങ്ങ്‌ അവരെ തുടച്ചുനീക്കുന്നു;+ വെറുമൊരു നിദ്രപോലെയാണ്‌ അവർ;
പ്രഭാതത്തിൽ അവർ മുളച്ചുപൊങ്ങുന്ന പുൽനാമ്പുപോലെ.+
6 രാവിലെ അതു പുതുജീവനോടെ പൂത്തുലയുന്നു;
എന്നാൽ, വൈകുന്നേരമാകുമ്പോൾ അതു വാടിക്കരിയുന്നു.+
8 ഞങ്ങളുടെ തെറ്റുകൾ അങ്ങ്‌ തിരുമുമ്പിൽ വെക്കുന്നു;*+
അങ്ങയുടെ മുഖപ്രകാശത്താൽ ഞങ്ങളുടെ രഹസ്യങ്ങൾ വെളിച്ചത്താകുന്നു.+
9 അങ്ങയുടെ ഉഗ്രകോപത്താൽ ഞങ്ങളുടെ നാളുകൾ ചുരുങ്ങുന്നു,*
ഞങ്ങളുടെ ജീവിതം ഒരു നെടുവീർപ്പുപോലെ പെട്ടെന്ന്‌ അവസാനിക്കുന്നു.
പക്ഷേ, അക്കാലമത്രയും കഷ്ടതകളും സങ്കടങ്ങളും നിറഞ്ഞതാണ്‌;
അവ പെട്ടെന്നു കടന്നുപോകുന്നു, ഞങ്ങൾ ദൂരേക്കു പറന്നകലുന്നു.+
11 അങ്ങയുടെ കോപത്തിൻശക്തി അളന്ന്‌ തിട്ടപ്പെടുത്താൻ ആർക്കാകും?
അങ്ങയുടെ ക്രോധം അങ്ങ്‌ അർഹിക്കുന്ന ഭയഭക്തിയോളം വലുത്‌.+
13 യഹോവേ, മടങ്ങിവരേണമേ!+ ഇങ്ങനെ എത്ര നാൾ തുടരും?+
അങ്ങയുടെ ദാസന്മാരോട്‌ അലിവ്‌ തോന്നേണമേ.+
14 പ്രഭാതത്തിൽ അങ്ങയുടെ അചഞ്ചലമായ സ്‌നേഹത്താൽ ഞങ്ങളെ തൃപ്‌തരാക്കേണമേ.+
അങ്ങനെ, ജീവിതകാലം മുഴുവൻ ഞങ്ങൾ സന്തോഷത്തോടെ ആർത്തുല്ലസിക്കട്ടെ.+
15 ഞങ്ങളെ കഷ്ടപ്പെടുത്തിയ ദിവസങ്ങളുടെ എണ്ണത്തിനനുസരിച്ച്‌,
ഞങ്ങൾ ദുരിതം അനുഭവിച്ച വർഷങ്ങൾക്കനുസരിച്ച്‌,+
ഞങ്ങൾ സന്തോഷം അനുഭവിക്കാൻ അവസരം തരേണമേ.+
17 നമ്മുടെ ദൈവമായ യഹോവയുടെ പ്രീതി നമ്മുടെ മേലുണ്ടായിരിക്കട്ടെ;
ഞങ്ങളുടെ കൈകളുടെ പ്രവൃത്തികൾ അങ്ങ്‌ സഫലമാക്കേണമേ.
അതെ, ഞങ്ങളുടെ കൈകളുടെ പ്രവൃത്തികൾ സഫലമാക്കേണമേ.+