സങ്കീർത്തനം
118 യഹോവയോടു നന്ദി പറയുവിൻ, ദൈവം നല്ലവനല്ലോ;+
ദൈവത്തിന്റെ അചഞ്ചലസ്‌നേഹം എന്നും നിലനിൽക്കുന്നത്‌.
2 “ദൈവത്തിന്റെ അചഞ്ചലമായ സ്‌നേഹം എന്നും നിലനിൽക്കുന്നത്‌” എന്ന്‌
ഇസ്രായേൽ ഇപ്പോൾ പറയട്ടെ.
3 “ദൈവത്തിന്റെ അചഞ്ചലമായ സ്‌നേഹം എന്നും നിലനിൽക്കുന്നത്‌” എന്ന്‌
അഹരോൻഗൃഹത്തിലുള്ളവർ ഇപ്പോൾ പറയട്ടെ.
4 “ദൈവത്തിന്റെ അചഞ്ചലമായ സ്‌നേഹം എന്നും നിലനിൽക്കുന്നത്‌” എന്ന്‌
യഹോവയെ ഭയപ്പെടുന്നവർ ഇപ്പോൾ പറയട്ടെ.
5 എന്റെ കഷ്ടതയിൽ ഞാൻ യാഹിനെ* വിളിച്ചപേക്ഷിച്ചു;
യാഹ്‌ എനിക്ക്‌ ഉത്തരമേകി; എന്നെ സുരക്ഷിതസ്ഥാനത്തേക്കു* കൊണ്ടുവന്നു.+
6 യഹോവ എന്റെ പക്ഷത്തുണ്ട്‌; ഞാൻ പേടിക്കില്ല.+
മനുഷ്യന്‌ എന്നോട്‌ എന്തു ചെയ്യാനാകും?+
10 ജനതകൾ ഒന്നടങ്കം എന്നെ ചുറ്റിവളഞ്ഞു,
എന്നാൽ, യഹോവയുടെ നാമത്തിൽ
ഞാൻ അവരെയെല്ലാം തുരത്തിയോടിച്ചു.+
11 അവർ എന്നെ വളഞ്ഞു; അതെ, നാലു വശത്തുനിന്നും വളഞ്ഞു,
എന്നാൽ, യഹോവയുടെ നാമത്തിൽ
ഞാൻ അവരെയെല്ലാം തുരത്തിയോടിച്ചു.
12 തേനീച്ച പൊതിയുംപോലെ അവർ എന്നെ വളഞ്ഞു,
പക്ഷേ, മുൾപ്പടർപ്പിലെ തീ അണയ്‌ക്കുംപോലെ അവരെ പെട്ടെന്ന്‌ അണച്ചുകളഞ്ഞു.
യഹോവയുടെ നാമത്തിൽ ഞാൻ അവരെയെല്ലാം തുരത്തി.+
യഹോവയുടെ വലങ്കൈ ശക്തി തെളിയിക്കുന്നു.+
20 ഇത്‌ യഹോവയുടെ കവാടം.
നീതിമാൻ അതിലൂടെ പ്രവേശിക്കും.+
24 ഇത്‌ യഹോവ ഒരുക്കിയ ദിവസം;
നമുക്ക്‌ ആനന്ദിച്ചുല്ലസിക്കാനുള്ള ദിവസം.
25 യഹോവേ, ദയവുചെയ്‌ത്‌ ഞങ്ങളെ രക്ഷിച്ചാലും! ഞങ്ങൾ യാചിക്കുകയാണ്‌.
യഹോവേ, ദയവുചെയ്‌ത്‌ ഞങ്ങൾക്കു വിജയം തരേണമേ.
26 യഹോവയുടെ നാമത്തിൽ വരുന്നവൻ അനുഗൃഹീതൻ;+
യഹോവയുടെ ഭവനത്തിൽനിന്ന്‌ ഞങ്ങൾ നിങ്ങളെ അനുഗ്രഹിക്കുന്നു.