സങ്കീർത്തനം
ദാവീദ്‌ രചിച്ച ശ്രുതിമധുരമായ ഗാനം.
29 വീരപുത്രന്മാരേ, യഹോവ അർഹിക്കുന്നതു കൊടുക്കുവിൻ,
യഹോവയുടെ മഹത്ത്വത്തിനും ശക്തിക്കും അനുസൃതമായി കൊടുക്കുവിൻ.+
2 യഹോവയ്‌ക്കു തിരുനാമത്തിനു ചേർന്ന മഹത്ത്വം നൽകുവിൻ;
വിശുദ്ധവസ്‌ത്രാലങ്കാരത്തോടെ* യഹോവയുടെ മുന്നിൽ വണങ്ങുവിൻ.*
യഹോവ പെരുവെള്ളത്തിന്മീതെയാണ്‌.+
5 യഹോവയുടെ ശബ്ദം ദേവദാരുക്കളെ പിളർക്കുന്നു;
അതെ, ലബാനോനിലെ ദേവദാരുക്കളെ യഹോവ തകർത്തെറിയുന്നു.+
6 ലബാനോൻ* കാളക്കുട്ടിയെപ്പോലെയും
സീറിയോൻ+ കാട്ടുപോത്തിൻകുട്ടിയെപ്പോലെയും തുള്ളിച്ചാടാൻ ദൈവം ഇടയാക്കുന്നു.
7 യഹോവയുടെ ശബ്ദം തീജ്വാലകളുടെ അകമ്പടിയോടെ വരുന്നു;+
8 യഹോവയുടെ ശബ്ദം വിജനഭൂമിയെ* പ്രകമ്പനം കൊള്ളിക്കുന്നു;+
യഹോവ കാദേശ്‌വിജനഭൂമിയെ+ വിറപ്പിക്കുന്നു.
9 യഹോവയുടെ ശബ്ദം കേൾക്കുമ്പോൾ പേടമാൻ പേടിച്ച്‌ പ്രസവിക്കുന്നു,
ആ ശബ്ദം കാടുകളെ വെളുപ്പിക്കുന്നു.+
ദൈവത്തിന്റെ ആലയത്തിലുള്ള എല്ലാവരും “മഹത്ത്വം!” എന്ന്‌ ആർപ്പിടുന്നു.
11 യഹോവ തന്റെ ജനത്തിനു ശക്തി പകരും.+
സമാധാനം നൽകി യഹോവ തന്റെ ജനത്തെ അനുഗ്രഹിക്കും.+