സസ്യവർഗങ്ങൾ അപ്രത്യ​ക്ഷ​മാ​കു​ന്നു—എന്തു​കൊണ്ട്‌?

ചൈന​യിൽ, 1949-ൽ ഏകദേശം 10,000 ഇനങ്ങളിൽപ്പെട്ട ഗോതമ്പ്‌ കൃഷി​ചെ​യ്യു​ക​യു​ണ്ടാ​യി. എന്നാൽ 1970-കളായ​പ്പോ​ഴേ​ക്കും അവയിൽ 1,000 ഇനം മാത്രമേ ഉപയോ​ഗ​ത്തി​ലു​ണ്ടാ​യി​രു​ന്നു​ള്ളൂ. റിപ്പോർട്ട​നു​സ​രിച്ച്‌, ഐക്യ​നാ​ടു​ക​ളിൽ 1804-നും 1904-നും മധ്യേ കൃഷി​ചെയ്‌ത 7,098 ഇനം ആപ്പിളു​ക​ളിൽ ഏകദേശം 86 ശതമാ​ന​വും ഇല്ലാതാ​യി​രി​ക്കു​ന്നു. കൂടാതെ, റിപ്പോർട്ട്‌ ഓൺ ദ സ്റ്റേറ്റ്‌ ഓഫ്‌ ദ വേൾഡ്‌സ്‌ പ്ലാൻറ്‌ ജെനറ്റിക്‌ റിസോ​ഴ്‌സസ്‌ ഫോർ ഫുഡ്‌ ആൻഡ്‌ അഗ്രി​ക്കൾച്ചർ പറയു​ന്ന​ത​നു​സ​രിച്ച്‌, “മുട്ടക്കൂ​സി​ന്റെ 95 ശതമാ​ന​വും ചോള​ത്തി​ന്റെ 91 ശതമാ​ന​വും പയറിന്റെ 94 ശതമാ​ന​വും തക്കാളി​യു​ടെ 81 ശതമാ​ന​വും ഇനങ്ങൾ മേലാൽ സ്ഥിതി​ചെ​യ്യു​ന്നില്ല.” ലോക​മെ​മ്പാ​ടു​മുള്ള രാജ്യ​ങ്ങ​ളിൽനി​ന്നു സമാന​മായ സ്ഥിതി​വി​വ​ര​ക്ക​ണ​ക്കു​കൾ റിപ്പോർട്ടു​ചെ​യ്യ​പ്പെ​ടു​ന്നു. എന്നാൽ പെട്ടെ​ന്നുള്ള ഈ കുറവിന്‌ കാരണ​മെ​ന്താണ്‌? ആധുനി​ക​കാ​ലത്തെ വാണി​ജ്യ​പ​ര​മായ കൃഷി​യു​ടെ വ്യാപ​ന​വും തത്‌ഫ​ല​മാ​യി കുടുംബ കൃഷി​യി​ട​ങ്ങ​ളു​ടെ എണ്ണത്തി​ലു​ണ്ടാ​കുന്ന കുറവു​മാണ്‌ മുഖ്യ കാരണ​മെന്നു ചിലർ പറയുന്നു. ഇത്‌, പരമ്പരാ​ഗ​ത​മാ​യി കൃഷി​ചെ​യ്യുന്ന വൈവി​ധ്യ​മാർന്ന വിളക​ളു​ടെ നാശത്തിൽ കലാശി​ച്ചി​രി​ക്കു​ന്നു.

സസ്യവർഗ​ങ്ങൾ ഇല്ലാതാ​കു​ന്ന​തു​മൂ​ലം വിളകൾ കൂടുതൽ എളുപ്പ​ത്തിൽ നശി​ച്ചേ​ക്കാം. ഉദാഹ​ര​ണ​ത്തിന്‌, 1845-49 വർഷങ്ങ​ളിൽ അയർലൻഡി​ലു​ണ്ടായ കടുത്ത ഉരുള​ക്കി​ഴങ്ങ്‌ ക്ഷാമ​ത്തെ​ക്കു​റി​ച്ചു പരിചി​ന്തി​ക്കുക. ഒരു സസ്യ​രോ​ഗ​ത്താൽ ഉരുള​ക്കി​ഴങ്ങ്‌ വിളയു​ടെ അധിക​പ​ങ്കും നശിച്ച​പ്പോൾ ഏതാണ്ട്‌ 7,50,000 ആളുകൾ പട്ടിണി​നി​മി​ത്തം മരണമ​ടഞ്ഞു. ഈ ദുരന്ത​ത്തി​നുള്ള ജീവശാ​സ്‌ത്ര​പ​ര​മായ കാരണ​മോ? “ജനിതക സമാനത,” ഐക്യ​രാ​ഷ്‌ട്ര​ങ്ങ​ളു​ടെ ഒരു റിപ്പോർട്ടു പറയുന്നു.

സസ്യജ​നി​തക വിഭവങ്ങൾ ശേഖരി​ക്കു​ന്ന​തി​നും സംരക്ഷി​ക്കു​ന്ന​തി​നു​മാ​യി 1970-കളിലും 1980-കളിലു​മാ​യി ലോകത്ത്‌ ആകമാനം 1,000-ത്തിലധി​കം ജീൻബാ​ങ്കു​കൾ തുറന്നു. എന്നാൽ ആ ജീൻബാ​ങ്കു​ക​ളി​ല​ധി​ക​വും നാമാ​വ​ശേ​ഷ​മാ​യി​ക്കൊ​ണ്ടി​രി​ക്കു​ക​യാണ്‌. ചിലതാ​കട്ടെ ഇതി​നോ​ട​കം​തന്നെ പൂട്ടി​പ്പോ​യി​രി​ക്കു​ന്നു. റിപ്പോർട്ട​നു​സ​രിച്ച്‌, ഇപ്പോൾ ഏകദേശം 30 രാജ്യ​ങ്ങൾക്കു മാത്രമേ സസ്യവി​ത്തു​കൾ കേടു​കൂ​ടാ​തെ ദീർഘ​കാ​ല​ത്തേക്കു സൂക്ഷി​ക്കു​ന്ന​തി​നും സംരക്ഷി​ക്കു​ന്ന​തി​നു​മുള്ള സൗകര്യ​ങ്ങ​ളു​ള്ളൂ.

ക്രിസ്‌തു​വി​ന്റെ രാജ്യ​ഭ​ര​ണ​ത്തിൽ, യഹോ​വ​യാം ദൈവം “സകലജാ​തി​കൾക്കും മൃഷ്ട​ഭോ​ജ​ന​ങ്ങൾകൊ​ണ്ടും മട്ടൂറിയ വീഞ്ഞു​കൊ​ണ്ടും ഒരു വിരുന്നു കഴിക്കും; മേദസ്സു​നി​റഞ്ഞ മൃഷ്ട​ഭോ​ജ​നങ്ങൾ കൊണ്ടും മട്ടു നീക്കി തെളി​ച്ചെ​ടുത്ത വീഞ്ഞു കൊണ്ടും ഉള്ള വിരുന്നു തന്നേ,” എന്ന്‌ ബൈബിൾ വാഗ്‌ദാ​നം ചെയ്യുന്നു. (യെശയ്യാ​വു 25:6) “സകലജ​ഡ​ത്തി​ന്നും ആഹാരം കൊടു​ക്കുന്ന”വനും ജനിതക വൈവി​ധ്യ​ത്തി​ന്റെ രൂപകൽപ്പി​താ​വു​മായ യഹോ​വ​യാം ദൈവം ഭക്ഷണത്തി​നു​വേ​ണ്ടി​യുള്ള മനുഷ്യ​ന്റെ സകല ആവശ്യ​ങ്ങ​ളും തൃപ്‌തി​പ്പെ​ടു​ത്തു​മെ​ന്ന​തിൽ നമുക്ക്‌ എത്ര കൃതജ്ഞ​ത​യു​ള്ള​വ​രാ​യി​രി​ക്കാം!—സങ്കീർത്തനം 136:25; ഉല്‌പത്തി 1:29.