ബൈബിൾ സത്യം അവരെ സ്വത​ന്ത്ര​രാ​ക്കി!

“നിങ്ങൾ സത്യം അറിയു​ക​യും സത്യം നിങ്ങളെ സ്വത​ന്ത്ര​രാ​ക്കു​ക​യും ചെയ്യും” എന്ന്‌ യേശുക്രി​സ്‌തു ഒരിക്കൽ ശ്രോ​താ​ക്കളോ​ടു പറഞ്ഞു. (യോഹ​ന്നാൻ 8:32) ഗൂഢവി​ദ്യ​യുടെ​യും മന്ത്രവാ​ദ​ത്തിന്റെ​യുമൊ​ക്കെ പിന്നിൽ പ്രവർത്തി​ക്കുന്ന, ഭോഷ്‌കും വഞ്ചനയും ആയുധ​മാ​ക്കിയ ഭൂതാ​ത്മാ​ക്ക​ളിൽനി​ന്നുള്ള സ്വാതന്ത്ര്യം അതിൽ ഉൾപ്പെ​ടു​ന്നു.—യോഹ​ന്നാൻ 8:44.

ഈ ലേഖന​ത്തിൽ കൊടു​ത്തി​രി​ക്കുന്ന ഓരോ അനുഭ​വ​വും, ആത്മീയ അന്ധകാ​ര​ത്തിൽനി​ന്നും ഭൂതസ്വാ​ധീ​ന​ത്തിൽനി​ന്നും ആളുകളെ മോചി​പ്പി​ക്കാൻ ബൈബി​ളി​നു കഴിയും എന്നതിന്റെ ശക്തമായ തെളി​വു​ക​ളാണ്‌. വാസ്‌ത​വ​ത്തിൽ, ദൈവ​ത്തി​ന്റെ വചനമായ ബൈബി​ളി​നു​മാത്രമേ അതിനു കഴിയൂ. അതു​കൊണ്ട്‌, ബൈബിൾ വ്യക്തി​പ​ര​മാ​യി പരി​ശോ​ധി​ച്ചുനോ​ക്കുക. തീർച്ച​യാ​യും നിങ്ങൾക്ക്‌ നിരാ​ശപ്പെടേ​ണ്ടി​വ​രില്ല! (g11-E 02)

[16-ാം പേജിലെ ചതുരം/ചിത്രം]

രംഗങ്ങൾ പുനരാ​വി​ഷ്‌ക​രി​ച്ചി​രി​ക്കു​ന്നു

● ബ്രസീ​ലി​ലുള്ള ഒരു ക്ഷേത്ര​ത്തിൽ പുരോ​ഹി​ത​യാ​യി​രു​ന്നു സൂസന്ന. തന്റെ അതീ​ന്ദ്രിയ കഴിവ്‌ മറ്റുള്ള​വരെ സഹായി​ക്കു​ന്ന​തി​നുവേണ്ടി ഉപയോ​ഗി​ക്കാൻ അവർ ആഗ്രഹി​ച്ചു. “മരിച്ചുപോയ അമ്മയു​മാ​യി സംസാ​രി​ക്കുന്ന” പതിവും അവർക്ക്‌ ഉണ്ടായി​രു​ന്നു. പക്ഷേ കുറെ കഴിഞ്ഞപ്പോൾ, ആത്മഹത്യ ചെയ്‌ത്‌ തന്റെ ലോക​ത്തിലേക്കു വരാൻ “അമ്മ” അവരെ നിർബ​ന്ധി​ക്കാൻ തുടങ്ങി. ഇത്‌ സൂസന്നയെ ഭയപ്പെ​ടു​ത്തി. ദുസ്സ്വ​പ്‌നങ്ങൾ അവരുടെ ഉറക്കം കെടുത്തി. അങ്ങനെ​യി​രി​ക്കുമ്പോ​ഴാണ്‌ സൂസന്ന​യും ഭർത്താ​വും യഹോ​വ​യു​ടെ സാക്ഷി​കളോടൊത്ത്‌ ബൈബിൾ പഠിക്കാൻ തുടങ്ങി​യത്‌. ‘പിശാ​ചിനോട്‌ എതിർത്തു​നിൽക്കാൻ’ നന്നേ പണി​പ്പെടേ​ണ്ടി​വന്നെ​ങ്കി​ലും ഒടുവിൽ അവർ വിജയി​ച്ചു; പിശാച്‌ അവരെ ‘വിട്ട്‌ ഓടിപ്പോ​യി.’ (യാക്കോബ്‌ 4:7) ഇപ്പോൾ മനസ്സമാ​ധാ​നത്തോ​ടെ ജീവി​ക്കാൻ സൂസന്ന​യ്‌ക്കും ഭർത്താ​വി​നും കഴിയു​ന്നുണ്ട്‌. സൂസന്ന പഴയതുപോ​ലെ ദുസ്സ്വ​പ്‌നങ്ങൾ കാണാ​റില്ല. “യഹോ​വയോട്‌ നന്ദിപ​റ​യാൻ കാരണങ്ങൾ ഒരുപാ​ടുണ്ട്‌. എങ്കിലും ആത്മീയ അന്ധകാ​ര​ത്തിൽനിന്ന്‌ രക്ഷിച്ച​തിന്‌ ഞാൻ വിശേ​ഷാൽ യഹോ​വയോ​ടു നന്ദി പറയുന്നു.” സൂസന്ന​യു​ടെ വാക്കുകൾ.

[16-ാം പേജിലെ ചതുരം/ചിത്രം]

● പശ്ചിമാഫ്രി​ക്ക​യിൽ താമസി​ക്കുന്ന തിമൊ​ത്തി മൂകനും ബധിര​നു​മാണ്‌.a തന്റെ വൈക​ല്യ​ത്തി​നു പരിഹാ​രം കാണാൻ അദ്ദേഹം ഡോക്‌ടർമാ​രു​ടെ സഹായം തേടി. അവർ കൈ​യൊ​ഴി​ഞ്ഞപ്പോൾ രോഗ​ശാ​ന്തി​ക്കാ​രെ സമീപി​ച്ചു. പക്ഷേ അതു​കൊ​ണ്ടും ഫലമു​ണ്ടാ​യില്ല. “അവിടെ കണ്ട ചതിവും വഞ്ചനയും എന്നെ നിരാ​ശ​നാ​ക്കി.” അദ്ദേഹം എഴുതി. തിമൊ​ത്തി യഹോ​വ​യു​ടെ സാക്ഷി​കളോടൊത്ത്‌ ബൈബിൾ പഠിക്കാൻ തുടങ്ങി. സകല രോഗ​ങ്ങ​ളും വൈക​ല്യ​ങ്ങ​ളും ദൈവം ഉടനെ നീക്കം ചെയ്യു​മെന്ന കാര്യം അവർ ബൈബി​ളിൽനിന്ന്‌ അദ്ദേഹ​ത്തി​നു കാണി​ച്ചുകൊ​ടു​ത്തു. “ദൈവ​ത്തി​ന്റെ പുതിയ ലോക​ത്തി​നുവേണ്ടി ഞാൻ കാത്തി​രി​ക്കു​ക​യാണ്‌! ‘അന്നു ചെകി​ട​ന്മാ​രു​ടെ ചെവി അടഞ്ഞി​രി​ക്ക​യില്ല. . . . ഊമന്റെ നാവും ഉല്ലസിച്ചു ഘോഷി​ക്കും’ എന്ന ബൈബി​ളി​ന്റെ വാഗ്‌ദാ​നം നിവൃ​ത്തിയേ​റുന്ന കാലത്തി​നാ​യി!” (യെശയ്യാ​വു 35:1-6) ഇപ്പോൾ അദ്ദേഹം ഒരു ഡിവിഡി പ്ലേയർ ഉപയോ​ഗിച്ച്‌, ബധിര​രാ​യ​വരെ ബൈബിൾ സത്യങ്ങൾ അറിയി​ക്കു​ന്നു; അങ്ങനെ യഥാർഥ സ്വാതന്ത്ര്യം കണ്ടെത്താൻ അവരെ​യും സഹായി​ക്കു​ന്നു.

[അടിക്കു​റിപ്പ്‌]

[17-ാം പേജിലെ ചതുരം/ചിത്രം]

● എസ്‌തോ​ണി​യ​ക്കാ​രി​യായ എവ്‌ലീൻ ഗൂഢവി​ദ്യ​യിൽ ഉൾപ്പെ​ട്ടി​രു​ന്നു. യേശു​വിനെപ്പോ​ലെ രോഗി​കളെ സുഖ​പ്പെ​ടു​ത്താൻ അവരും ആഗ്രഹി​ച്ചു, വിശേ​ഷി​ച്ചും തന്റെ രോഗി​ണി​യായ അമ്മയെ. ഗുരു​ത​ര​മായ രോഗങ്ങൾ കണ്ടുപി​ടിച്ച്‌ ഭേദമാ​ക്കാൻ അവർ ‘പെൻഡു​ലങ്ങൾ’ ഉപയോ​ഗി​ച്ചി​രു​ന്നു. അങ്ങനെ​യി​രി​ക്കെ അവർ ബൈബിൾ പഠിക്കാൻ തുടങ്ങി. “ഇത്രയും കാലം ഞാൻ കബളി​പ്പി​ക്കപ്പെ​ടു​ക​യാ​യി​രുന്നെന്ന്‌ അപ്പോ​ഴാണ്‌ എനിക്കു മനസ്സി​ലാ​യത്‌.” എവ്‌ലീൻ പറയുന്നു. “ഭൂതവി​ദ്യയോ​ടു ബന്ധപ്പെട്ട പുസ്‌ത​ക​ങ്ങ​ളും പെൻഡു​ല​ങ്ങ​ളുമെ​ല്ലാം ഞാൻ കത്തിച്ചു​ക​ളഞ്ഞു.” തന്നെ സ്വത​ന്ത്ര​യാ​ക്കിയ ആ ബൈബിൾ സത്യങ്ങൾ മറ്റുള്ള​വരെ പഠിപ്പി​ക്കു​ക​യാണ്‌ അവർ ഇന്ന്‌.

[17-ാം പേജിലെ ചതുരം/ചിത്രം]

● പാപ്പുവ ന്യൂ ഗിനി​യി​ലെ ഒരു ദ്വീപി​ലാണ്‌ മേരി വളർന്നു​വ​ന്നത്‌. മരിച്ച​വരെ അവിട​ത്തു​കാർക്ക്‌ വലിയ ഭയമാണ്‌. ഗ്രാമ​ത്തി​ലുള്ള ആരെങ്കി​ലും മരിച്ചാൽ, മേരി വീട്ടിൽ മറ്റാരുടെയെ​ങ്കി​ലും കട്ടിലി​ന​ടി​യി​ലാണ്‌ ഉറങ്ങി​യി​രു​ന്നത്‌. ഒറ്റയ്‌ക്കു കിടന്നാൽ പ്രേതാ​ത്മാവ്‌ ഉപദ്ര​വി​ക്കു​മെന്ന പേടി​യാ​യി​രു​ന്നു അവൾക്ക്‌. ബൈബിൾ പഠിച്ചപ്പോ​ഴാണ്‌ മരിച്ചവർ ശവക്കു​ഴി​യിൽ ഉറങ്ങു​ക​യാണെ​ന്നും പറുദീ​സാ​ഭൂ​മി​യിലേക്ക്‌ ഉയിർത്തെ​ഴുന്നേൽക്കു​ന്ന​തു​വരെ അവർ അവി​ടെ​ത്തന്നെ ആയിരി​ക്കുമെ​ന്നും മേരിക്ക്‌ മനസ്സി​ലാ​യത്‌. (ലൂക്കോസ്‌ 23:43; യോഹ​ന്നാൻ 11:11-14) ഇപ്പോൾ മേരിക്ക്‌ മരിച്ച​വരെ ഒട്ടും ഭയമില്ല!

[17-ാം പേജിലെ ചതുരം/ചിത്രം]

● ഐക്യ​നാ​ടു​ക​ളി​ലെ ഒരു ക്രിസ്‌തീയ കുടും​ബ​ത്തി​ലാണ്‌ അലിസ്യ വളർന്നത്‌. പക്ഷേ, ഭൂതവി​ദ്യ​യു​മാ​യി ബന്ധപ്പെട്ട പുസ്‌ത​കങ്ങൾ വായി​ക്കാ​നും സിനി​മകൾ കാണാ​നും അവൾക്കു വലിയ ഇഷ്ടമാ​യി​രു​ന്നു. അങ്ങനെ​യി​രി​ക്കെ താൻ ബൈബി​ളിൽനി​ന്നു മനസ്സി​ലാ​ക്കി​യി​രുന്ന കാര്യ​ങ്ങളെ​ക്കു​റിച്ച്‌ അവൾ ഗൗരവ​മാ​യി ചിന്തി​ക്കാൻ തുടങ്ങി. താൻ ‘ഒരേസ​മയം യഹോ​വ​യു​ടെ മേശയി​ലും ഭൂതങ്ങ​ളു​ടെ മേശയി​ലും’ പങ്കുപ​റ്റാൻ ശ്രമി​ക്കു​ക​യാണെന്ന്‌ അവൾ തിരി​ച്ച​റി​ഞ്ഞു. തെറ്റു​മ​ന​സ്സി​ലാ​ക്കി അവൾ അതു തിരുത്തി. ഇപ്പോൾ അവൾക്ക്‌ ദൈവ​മു​മ്പാ​കെ ഒരു ശുദ്ധമ​ന​സ്സാ​ക്ഷി​യുണ്ട്‌.—1 കൊരി​ന്ത്യർ 10:21.