രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

ഒരു ഗോ​ത്ര​നാ​യകൻ വാദി​ക്കു​ന്നു

നീതി​യും വിശ്വ​സ്‌ത​ത​യും പ്രിയ​പ്പെ​ടു​ക​യും ഈ ഗുണങ്ങൾക്കു വേണ്ടി വാദി​ക്കു​ക​യും ചെയ്യുന്ന പ്രമുഖർ ഇപ്പോ​ഴും ലോക​ത്തു​ണ്ടെ​ന്ന​റി​യു​ന്നത്‌ പ്രോൽസാ​ഹ​ജ​ന​ക​മാണ്‌. യഹോ​വ​യു​ടെ സാക്ഷി​ക​ളു​ടെ പ്രവർത്തനം നിരോ​ധി​ച്ചി​രി​ക്കുന്ന ഒരാ​ഫ്രി​ക്കൻ രാജ്യത്തെ ഒരു ഗോ​ത്ര​നാ​യ​കന്റെ ഉദാഹ​രണം അതി​ലൊ​ന്നാണ്‌. റിപ്പോർട്ടു നമ്മോ​ടി​പ്ര​കാ​രം പറയുന്നു:

“അടുത്ത​യി​ട​യ്‌ക്ക്‌ ഞങ്ങളുടെ പട്ടണത്തിൽ വ്യത്യസ്‌ത മതസമൂ​ഹ​ങ്ങ​ളു​ടെ ഒരു മതൈക്യ സമ്മേളനം നടന്നു. അതിൽ കത്തോ​ലി​ക്ക​രും പ്രസ്‌ബി​റേ​റ​റി​യൻ സഭക്കാ​രും പെന്ത​ക്കോ​സ്‌തു​കാ​രും മററും ഉൾപ്പെ​ട്ടി​രു​ന്നു. സമ്മേള​ന​ത്തി​ന്റെ അവസാന ഭാഗത്ത്‌ പ്രസം​ഗി​ക്കു​ന്ന​തി​നു​വേണ്ടി ഈ നേതാ​വി​നെ​യും ക്ഷണിക്കു​ക​യു​ണ്ടാ​യി. ജനക്കൂ​ട്ടത്തെ അതിശ​യി​പ്പി​ക്കു​മാറ്‌, അദ്ദേഹം മററ്‌ കാര്യ​ങ്ങ​ളോ​ടൊ​പ്പം യഹോ​വ​യു​ടെ സാക്ഷി​ക​ളു​ടെ വിശ്വ​സ്‌ത​ത​യും ഉന്നത ധാർമ്മിക നിലവാ​ര​ങ്ങ​ളും അനുക​രി​ക്കാൻ അവരോ​ടാ​വ​ശ്യ​പ്പെട്ടു. കൂടാതെ, എല്ലാവ​രും യഹോ​വ​യു​ടെ സാക്ഷി​ക​ളാ​യി​രു​ന്നെ​ങ്കിൽ ഈ ദേശത്ത്‌ സമാധാ​നം ഉണ്ടായി​രു​ന്നേനെ എന്നും അദ്ദേഹം കൂട്ടി​ച്ചേർത്തു.

“പിറേറ ദിവസം സമ്മേളന പ്രതി​നി​ധി​ക​ളാ​യി​രി​ക്കുന്ന സഭകളി​ലെ പ്രമുഖ വ്യക്തികൾ ഗോ​ത്ര​നേ​താ​വി​ന്റെ ആസ്ഥാന​ത്തെത്തി അദ്ദേഹം യഹോ​വ​യു​ടെ സാക്ഷി​കളെ പുകഴ്‌ത്തി​യ​തി​നെ​ച്ചൊ​ല്ലി വലിയ പ്രതി​ഷേധം രേഖ​പ്പെ​ടു​ത്തി. യഹോ​വ​യു​ടെ സാക്ഷി​ക​ളു​ടെ പ്രവർത്തനം ഈ പ്രദേ​ശത്ത്‌ നിരോ​ധി​ച്ചി​രി​ക്ക​യാ​ണെ​ന്നുള്ള കാര്യം അറിയി​ല്ലേ എന്ന്‌ അവർ അദ്ദേഹ​ത്തോട്‌ ചോദി​ച്ചു. യഹോ​വ​യു​ടെ സാക്ഷി​ക​ളിൽ താൻ യാതൊ​രു കുററ​വും കണ്ടിട്ടി​ല്ലെന്ന്‌ നേതാവ്‌ തറപ്പിച്ചു പറഞ്ഞു. അദ്ദേഹം തുടർന്ന്‌ ഇപ്രകാ​രം പറഞ്ഞു: ‘ഒരു ഗോ​ത്ര​നാ​യ​ക​നെ​ന്ന​നി​ല​യി​ലുള്ള എന്റെ സേവന കാലത്ത്‌ ഒരിക്കൽ പോലും യഹോ​വ​യു​ടെ ഒരു സാക്ഷിയെ കുററ​കൃ​ത്യം സംബന്ധിച്ച്‌ എന്റെ കോട​തി​യിൽ കൊണ്ടു​വ​രാൻ ഇടയാ​യി​ട്ടില്ല. നേരെ മറിച്ച്‌, പറമ്പിൽ നിന്ന്‌ കപ്പ മോഷണം പോയാൽ പലപ്പോ​ഴും ഒരു കത്തോ​ലി​ക്ക​നെ​യാണ്‌ മോഷ്‌ടാ​വെന്ന നിലയിൽ പിടി​കൂ​ടു​ന്നത്‌. ചേമ്പ്‌ മോഷണം പോയാൽ ഒരു പ്രസ്‌ബി​റേ​റ​റി​യൻ സഭക്കാ​ര​നാണ്‌ അതിനു​ത്ത​ര​വാ​ദി. നിങ്ങളു​ടെ സഭാം​ഗങ്ങൾ എന്റെ നാടിനെ ഗർഭഛി​ദ്ര​ത്താൽ ദുഷി​പ്പി​ച്ചി​രി​ക്ക​യാണ്‌. എന്നാൽ അത്തരം കുററ​കൃ​ത്യ​ങ്ങൾ നിമിത്തം യഹോ​വ​യു​ടെ ഒരു സാക്ഷി​യെ​പ്പോ​ലും എന്റെ കോട​തി​യിൽ കൊണ്ടു​വ​ന്നി​ട്ടില്ല. ദൈവ​ത്തി​ന്റെ പ്രമാ​ണങ്ങൾ അത്തരം ദുഷ്‌കൃ​ത്യ​ങ്ങളെ കുററം വിധി​ക്കു​ന്നി​ല്ലേ, അതോ സഭകൾ ദൈവ​ത്തി​ന്റെ പ്രമാ​ണ​ത്തിൻകീ​ഴി​ലല്ലേ?’ പുരോ​ഹി​തൻമാർക്ക്‌ ഉത്തരം മുട്ടി​പ്പോ​യി.

“പിന്നീട്‌ ഗോ​ത്ര​നാ​യകൻ യഹോ​വ​യു​ടെ സാക്ഷി​ക​ളു​ടെ പ്രതി​നി​ധി​കളെ വിളിച്ച്‌ തങ്ങളുടെ ദൈവ​ത്തി​ന്റെ​മേ​ലും യഹോ​വ​യു​ടെ സാക്ഷി​കളെ പുകഴ്‌ത്തിയ ഗോ​ത്ര​നാ​യ​കന്റെ മേലും യാതൊ​രു നിന്ദയും വരാതി​രി​ക്കാൻ വളരെ ശ്രദ്ധയു​ള്ള​വ​രാ​യി​രി​ക്കാൻ പ്രോൽസാ​ഹി​പ്പി​ച്ചു.”

ഇപ്പോൾ സത്യത്തി​നു​വേണ്ടി പുതി​യവർ പലരും തങ്ങളുടെ നിലപാട്‌ സ്വീക​രി​ക്കു​ന്ന​താ​യി റിപ്പോർട്ടു പറയുന്നു. അടുത്ത​കാ​ലത്ത്‌ ഒരു സാക്ഷിക്ക്‌ തന്റെ പ്രദേ​ശത്തെ മൂന്ന്‌ പ്രമു​ഖ​രു​മാ​യി ബൈബി​ള​ദ്ധ്യ​യനം തുടങ്ങാൻ കഴി​ഞ്ഞെന്ന്‌ റിപ്പോർട്ടു ചെയ്യ​പ്പെ​ടു​ന്നു. അതിൽ ഒരാൾ ഒരു ഗോത്ര നേതാ​വാണ്‌. ഇപ്പോൾ ഇവർ മൂവരും യഹോ​വ​യു​ടെ സാക്ഷി​ക​ളു​ടെ മീററിം​ഗു​കൾക്ക്‌ ഹാജരാ​കു​ന്നുണ്ട്‌!

സത്യ​ത്തെ​യും നീതി​യെ​യും സ്‌നേ​ഹി​ക്കു​ന്ന​വ​രെ​യും തന്റെ ദാസൻമാർക്കു​വേണ്ടി വാദി​ക്കു​ന്ന​വ​രെ​യും യഹോ​വ​യാം ദൈവം കുറി​ക്കൊ​ള്ളു​ന്നു.—മത്തായി 10:42. (g87 10/1)