വായന​ക്കാ​രിൽനി​ന്നുള്ള ചോദ്യ​ങ്ങൾ

ഭക്ഷ്യോൽപ്പന്നങ്ങളിൽ ഉണക്കിയ പ്ലാസ്‌മാ പോലുള്ള രക്തഘട​കങ്ങൾ ചേർത്തി​ട്ടു​ണ്ടാ​യി​രി​ക്കു​മോ എന്ന സംഗതി​യിൽ ക്രിസ്‌ത്യാ​നി​കൾ എത്ര​ത്തോ​ളം ഉൽക്കണ്‌ഠ​പ്പെ​ടണം?

പ്രാ​ദേ​ശി​ക​മാ​യി ഭക്ഷ്യോൽപ്പ​ന്ന​ങ്ങ​ളിൽ മൃഗര​ക്ത​മോ (അതിന്റെ ഏതെങ്കി​ലും ഘടകമോ) തീർച്ച​യാ​യും ഉപയോ​ഗി​ക്ക​പ്പെ​ടു​ന്നു​ണ്ടെന്നു വിശ്വ​സി​ക്കാൻ ന്യായ​മായ അടിസ്ഥാ​ന​മു​ണ്ടെ​ങ്കിൽ ക്രിസ്‌ത്യാ​നി​കൾ ഉചിത​മായ ജാഗ്രത പാലി​ക്കണം. എന്നിരു​ന്നാ​ലും വെറും സംശയ​ത്തി​ന്റെ പേരിൽ അസ്വസ്ഥ​രാ​യി​ത്തീ​രു​ന്നത്‌ അല്ലെങ്കിൽ അടിസ്ഥാ​ന​ര​ഹി​ത​മായ ഉത്‌ക്ക​ണ്‌ഠ​യോ​ടെ ജീവി​ക്കു​ന്നതു ജ്ഞാനപൂർവ്വ​ക​മാ​യി​രി​ക്കു​ക​യില്ല.

മാനവ​ചി​രി​ത്ര​ത്തിൽ വളരെ നേര​ത്തേ​തന്നെ മനുഷ്യൻ രക്തം ഭക്ഷിക്ക​രുത്‌ എന്നു നമ്മുടെ സ്രഷ്ടാവു നിയമം വച്ചു. (ഉല്‌പത്തി 9:3, 4) തന്നിൽനി​ന്നുള്ള ഒരു ദാനമായ ജീവനെ രക്തം പ്രതി​നി​ധാ​നം ചെയ്യു​ന്നു​വെന്ന്‌ അവൻ പ്രസ്‌താ​വി​ച്ചു. ജീവി​ക​ളിൽനിന്ന്‌ എടുക്കുന്ന രക്തം ഒരു യാഗപീ​ഠ​ത്തിൽ അർപ്പി​ക്കു​ന്ന​തു​പോ​ലെ ബലികൾക്കു മാത്രമേ ഉപയോ​ഗി​ക്കാ​മാ​യി​രു​ന്നു​ള്ളു. അല്ലാത്ത​പ്പോൾ ദൈവ​ത്തി​നു തിരികെ കൊടു​ക്കു​ന്നു എന്ന അർത്ഥത്തിൽ അതു നിലത്ത്‌ ഒഴിച്ചു കളയണ​മാ​യി​രു​ന്നു. രക്തം ഭക്ഷിച്ചു​കൊ​ണ്ടു ജീവൻ നിലനിർത്തു​ന്നതു തന്റെ ജനം ഒഴിവാ​ക്ക​ണ​മാ​യി​രു​ന്നു. അവൻ ഇപ്രകാ​രം കല്‌പി​ച്ചു: “നിങ്ങൾ യാതൊ​രു ജഡത്തി​ന്റെ​യും രക്തം ഭക്ഷിക്ക​രുത്‌. എന്തു​കൊ​ണ്ടെ​ന്നാൽ സകലതരം ജഡത്തി​ന്റെ​യും ദേഹി അതിന്റെ രക്തമാണ്‌. അതു ഭക്ഷിക്കുന്ന ഏവനും ഛേദി​ക്ക​പ്പെ​ടും.” (ലേവ്യ​പു​സ്‌തകം 17:11-14, NW) രക്തം ഭക്ഷിക്കു​ന്നതു സംബന്ധിച്ച ദൈവ​ത്തി​ന്റെ വിലക്കു ക്രിസ്‌ത്യാ​നി​കൾക്കു​വേണ്ടി ആവർത്തി​ക്ക​പ്പെട്ടു. (പ്രവൃ​ത്തി​കൾ 15:28, 29) അതു​കൊണ്ട്‌ ആദിമ ക്രിസ്‌ത്യാ​നി​കൾ ശ്വാസം​മു​ട്ടി​ച്ചു​കൊന്ന മൃഗങ്ങ​ളു​ടെ മാംസ​മോ രക്ഷ സോ​സേ​ജു​ക​ളോ​പോ​ലെ രക്തം ചേർന്ന ഭക്ഷ്യപ​ദാർത്ഥങ്ങൾ ഒഴിവാ​ക്കേ​ണ്ട​തു​ണ്ടാ​യി​രു​ന്നു.

എന്നിരു​ന്നാ​ലും ഒരു പ്രാ​യോ​ഗിക വിധത്തിൽ ‘രക്തത്തിൽ നിന്ന്‌ ഒഴിഞ്ഞി​രി​ക്കാ​നുള്ള’ തങ്ങളുടെ ദൃഢനി​ശ്ച​യ​ത്തോ​ടുള്ള ചേർച്ച​യിൽ അവർ എങ്ങനെ പ്രവർത്തി​ക്കു​മാ​യി​രു​ന്നു? (പ്രവൃ​ത്തി​കൾ 21:25) അവർ, “അങ്ങാടി​യിൽ വില്‌ക്കു​ന്നതു എന്തെങ്കി​ലും മനസ്സാക്ഷി നിമിത്തം ഒന്നും അന്വേ​ഷണം കഴിക്കാ​തെ തിന്നു​വിൻ” എന്ന അപ്പോ​സ്‌ത​ല​നായ പൗലോ​സി​ന്റെ വാക്കുകൾ കേവലം ബാധക​മാ​ക്കി​യാൽ മതിയാ​യി​രു​ന്നോ?

പോരാ​യി​രു​ന്നു. 1 കൊരി​ന്ത്യർ 10:25-ലെ ആ വാക്കുകൾ ഒരു വിഗ്ര​ഹ​ത്തി​ന്റെ ആലയത്തിൽ ബലി​ചെ​യ്യ​പ്പെ​ട്ടി​രു​ന്നത്‌ ആയിരു​ന്നേ​ക്കാ​വുന്ന ഒരു മൃഗത്തി​ന്റെ മാംസ​ത്തെ​പ്പ​റ​റി​യാ​ണു പരാമർശി​ക്കു​ന്നത്‌. അക്കാലത്ത്‌ ആലയത്തിൽ മിച്ചം വരുന്ന മാംസം കച്ചവട​ക്കാർക്കു വിൽക്ക​പ്പെ​ട്ടി​രു​ന്നു, അവർ അതു തങ്ങളുടെ കടകളിൽ വിൽപ്പ​നക്കു വച്ചിരുന്ന മാംസ​ത്തിൽ ഉൾപ്പെ​ടു​ത്തു​മാ​യി​രു​ന്നു. ക്ഷേത്ര​ത്തിൽനി​ന്നുള്ള മാംസം അതിൽത്തന്നെ ചീത്തയോ ദുഷി​ച്ച​തോ അല്ല എന്നതാണു പൗലോസ്‌ പറയുന്ന ആശയം. പ്രത്യ​ക്ഷ​ത്തിൽ അവിടെ ബലി​ചെ​യ്യ​പ്പെട്ട മൃഗങ്ങ​ളു​ടെ രക്തം ചോർത്തി പുറജാ​തി ബലിപീ​ഠ​ങ്ങ​ളിൽ ഉപയോ​ഗി​ക്കുന്ന സമ്പ്രദാ​യം ഉണ്ടായി​രു​ന്നു. അതു​കൊണ്ട്‌, മിച്ചമുള്ള മാംസം ചന്തസ്ഥലത്തു വിൽക്ക​പ്പെ​ട്ടി​രു​ന്നെ​ങ്കിൽ ക്ഷേത്ര​ത്തോ​ടൊ പുറജാ​തി വ്യാജാ​ശ​യ​ങ്ങ​ളോ​ടൊ യാതൊ​രു ബന്ധവു​മി​ല്ലാ​തെ ഉചിത​മാ​യി രക്തം ചോർത്തി​ക്ക​ള​ഞ്ഞ​തും ശുദ്ധവു​മായ മാംസം എന്ന നിലയിൽ കച്ചവട​സ്ഥ​ലത്തു ലഭിക്കുന്ന മാംസ​മാ​യി ക്രിസ്‌ത്യാ​നി​കൾക്ക്‌ അത്‌ വാങ്ങാ​മാ​യി​രു​ന്നു.

എന്നിരു​ന്നാ​ലും, ശ്വാസം മുട്ടി​ച്ചു​കൊന്ന മൃഗങ്ങ​ളു​ടെ മാംസ​മോ (രക്തം ചേർത്ത സോ​സേ​ജോ) കൂടെ കടകളിൽ വിൽപ്പ​നക്കു വച്ചിരു​ന്ന​താ​യി ആ ക്രിസ്‌ത്യാ​നി​കൾക്ക്‌ അറിയാ​മാ​യി​രു​ന്നെ​ങ്കിൽ കാര്യം വ്യത്യ​സ്‌ത​മാ​യി​രി​ക്കു​മാ​യി​രു​ന്നു. ഏതു മാംസം വാങ്ങണം എന്ന കാര്യ​ത്തിൽ അവർ ശ്രദ്ധി​ക്ക​ണ​മാ​യി​രു​ന്നു. രക്തം ചേർന്ന മാം​സ്യോൽപ്പ​ന്ന​ങ്ങൾക്ക്‌ ഒരു പ്രത്യേക നിറമു​ണ്ടെ​ങ്കിൽ അവർക്ക്‌ അവ തിരി​ച്ച​റി​യാൻ കഴിയു​മാ​യി​രു​ന്നു. (ഇന്ന്‌ രക്തം ചേർന്ന സോ​സേ​ജു​കൾ സാധാ​ര​ണ​മാ​യി​രി​ക്കുന്ന നാടു​ക​ളിൽ അവ തിരി​ച്ച​റി​യാൻ കഴിയു​ന്ന​തു​പോ​ലെ​തന്നെ) അല്ലെങ്കിൽ ക്രിസ്‌ത്യാ​നി​കൾ സൽപ്പേ​രുള്ള ഒരു കശാപ്പു​കാ​ര​നോ​ടോ മാംസ​വിൽപ്പ​ന​ക്കാ​ര​നോ​ടോ ആലോചന ചോദി​ച്ചേ​ക്കാം. ഏതെങ്കി​ലും മാംസ​ത്തിൽ രക്തം കലർന്നി​ട്ടുണ്ട്‌ എന്ന്‌ സംശയി​ക്കാൻ അവർക്കു കാരണ​മൊ​ന്നു​മി​ല്ലാ​യി​രു​ന്നെ​ങ്കിൽ അവർക്ക്‌ അതു വാങ്ങു​ക​യും ഭക്ഷിക്കു​ക​യും ചെയ്യാ​മാ​യി​രു​ന്നു.

പൗലോസ്‌ ഇപ്രകാ​ര​വും​കൂ​ടെ എഴുതി: “നിങ്ങളു​ടെ ന്യായ​ബോ​ധം എല്ലാവർക്കും അറിവാ​യ്‌വ​രട്ടെ.” (ഫിലി​പ്പി​യർ 4:5, NW) അതു മാസം വാങ്ങുന്ന സംഗതി​യി​ലും ബാധക​മാ​കാം. ഇസ്ര​യേല്യ നിയമ​മോ ഒന്നാം നൂററാ​ണ്ടി​ലെ ക്രിസ്‌തീയ ഭരണസം​ഘ​ത്തി​ന്റെ കല്‌പ​ന​യോ, മാംസം സംബന്ധിച്ച്‌ അന്വേ​ഷി​ക്കുന്ന കാര്യ​ത്തിൽ ദൈവ​ത്തി​ന്റെ ജനം അങ്ങേയ​ററം പോക​ണ​മെ​ന്നോ ലഭ്യമായ മാംസ​ത്തിൽ രക്തം ഉണ്ടായി​രി​ക്കു​ന്ന​താ​യി ലവലേ​ശ​മെ​ങ്കി​ലും സംശയ​മു​ണ്ടെ​ങ്കിൽ അവർ സസ്യഭു​ക്കു​ക​ളാ​ക​ണ​മെ​ന്നോ സൂചി​പ്പി​ച്ചില്ല.

ഒരു മൃഗത്തെ കൊന്ന ഇസ്ര​യേല്യ വേട്ടക്കാ​രൻ അതിന്റെ രക്തം ചോർത്തി​ക്ക​ള​യു​മാ​യി​രു​ന്നു. (ആവർത്തനം 12:15, 16 താരത​മ്യം ചെയ്യുക.) അയാളു​ടെ കുടും​ബ​ത്തിന്‌ ആ മാംസം മുഴുവൻ ഭക്ഷിക്കാൻ കഴിയി​ല്ലെ​ങ്കിൽ അതിൽ കുറേ അയാൾ വിൽക്കു​മാ​യി​രു​ന്നു. ഉചിത​മാ​യി രക്തം ചോർത്തി​ക്കളഞ്ഞ മാംസ​ത്തിൽപോ​ലും ഒരു ചെറിയ അംശം രക്തം ഉണ്ടായി​രി​ക്കും. എന്നാൽ മാംസം വാങ്ങുന്ന യഹൂദൻ മൃഗത്തെ കൊന്ന്‌ എത്ര മിനി​ററു കഴിഞ്ഞാണ്‌ രക്തം ചോർത്തി​യത്‌, രക്തം ചോർത്താൻ ഏതു രക്ഷ ധമനി അഥവാ സിരയാണ്‌ മുറി​ച്ചത്‌ അല്ലെങ്കിൽ മൃഗം എങ്ങനെ​യാണ്‌ തൂക്കി​യി​ട​പ്പെ​ട്ടത്‌, എത്ര സമയ​ത്തേക്ക്‌ എന്നതു​പോ​ലുള്ള വിവരങ്ങൾ അന്വേ​ഷി​ക്കേ​ണ്ട​തു​ണ്ടാ​യി​രു​ന്നു എന്നു ബൈബി​ളിൽ യാതൊ​രു സൂചന​യു​മില്ല. മാത്ര​വു​മല്ല, ക്രിസ്‌ത്യാ​നി​കൾ മാംസം ഭക്ഷിക്കു​ന്ന​തി​നു മുമ്പു വിശദ​മാ​യി കാര്യങ്ങൾ അറിഞ്ഞു കൃത്യ​മായ നിഗമ​ന​ത്തിൽ എത്താൻ തക്കവണ്ണം അസാധാ​രണ മുൻക​രു​ത​ലു​കൾ എടുക്ക​ണ​മെന്നു ഭരണസം​ഘം എഴുതി​യില്ല.

ഇന്നു മിക്കരാ​ജ്യ​ങ്ങ​ളി​ലും മാം​സോൽപ്പ​ന്നങ്ങൾ, കൊല്ലു​മ്പോൾ രക്തം ചോർത്തി​ക്കളഞ്ഞ മൃഗങ്ങ​ളു​ടെ മാംസം ഉപയോ​ഗി​ച്ചു തയ്യാറാ​ക്കുക എന്നതു നിയമം, സമ്പ്രദാ​യം അല്ലെങ്കിൽ മതപര​മായ ആചാരം ആയിത്തീർന്നി​രി​ക്കു​ന്നു. (രക്ത സോ​സേ​ജു​കൾപോ​ലുള്ള അസാധാ​രണ ഇനങ്ങൾ മാത്രം ഇതിന്‌ ഒരു അപവാ​ദ​മാണ്‌.) അപ്രകാ​രം അത്തരം പ്രദേ​ശ​ങ്ങ​ളി​ലുള്ള ക്രിസ്‌ത്യാ​നി​കൾ സാധാ​ര​ണ​യാ​യി മൃഗങ്ങളെ കൊല്ലു​ക​യും മാംസം തയ്യാറാ​ക്കു​ക​യും ചെയ്യുന്ന വിധം സംബന്ധിച്ച്‌ അതിരു​ക​ടന്ന്‌ ഉൽക്കണ്‌ഠ​പ്പെ​ടേ​ണ്ട​തില്ല. വിശാ​ല​മായ അർത്ഥത്തിൽ അവർക്ക്‌ ‘ചന്തയിൽ വിൽക്കുന്ന മാംസം ഒന്നും അന്വേ​ഷി​ക്കാ​തെ തിന്നാൻ കഴിയും, രക്തത്തിൽ നിന്ന്‌ ഒഴിഞ്ഞി​രി​ക്കു​ന്ന​താ​യി ഒരു ശുദ്ധമ​ന​സ്സാ​ക്ഷി അവർക്കു​ണ്ടാ​യി​രി​ക്കാ​നും കഴിയും.

എന്നിരു​ന്നാ​ലും, ക്രിസ്‌ത്യാ​നി​കളെ അസ്വസ്ഥ​രാ​ക്കി​യി​ട്ടുള്ള രക്തത്തിന്റെ വ്യാപാ​ര​പ​ര​മായ ഉപയോ​ഗം സംബന്ധി​ച്ചു ചില സന്ദർഭ​ങ്ങ​ളിൽ സാങ്കേ​തിക റിപ്പോർട്ടു​കൾ പുറത്തു വന്നിട്ടുണ്ട്‌. മാം​സോൽപ്പ​ന്നങ്ങൾ തയ്യാറാ​ക്കുന്ന വ്യവസാ​യ​ത്തോ​ടു ബന്ധപ്പെട്ട ചിലർ കൊല​ചെ​യ്യ​പ്പെ​ടുന്ന മൃഗങ്ങ​ളിൽനി​ന്നു ലഭിക്കുന്ന വളരെ​യ​ധി​കം രക്തം ശേഖരി​ച്ചു വളമാ​യോ മൃഗഭ​ക്ഷ​ണ​മാ​യോ ഉപയോ​ഗി​ച്ചു​കൊണ്ട്‌ അതിനു പ്രയു​ക്ത​ത​യും അതിൽനി​ന്നു ലാഭവും കണ്ടെത്താ​മെന്നു ന്യായ​വാ​ദം ചെയ്യുന്നു. അത്തരം രക്തമോ (രക്തഘട​ക​ങ്ങ​ളോ) സംസ്‌ക​രിച്ച മാംസാ​ഹാ​രം ഉപയോ​ഗി​ക്ക​പ്പെ​ട്ടേ​ക്കു​മോ എന്നറി​യാൻ ഗവേഷകർ പഠനം നടത്തി​യി​ട്ടുണ്ട്‌. ചില വ്യാപാ​ര​സ്ഥാ​പ​നങ്ങൾ സോ​സേ​ജു​പോ​ലുള്ള ഉല്‌പ​ന്ന​ങ്ങ​ളി​ലെ ചെറിയ ശതമാനം മാംസ​ത്തി​നു​പ​കരം ഉപയോ​ഗി​ക്കാ​വുന്ന ദ്രാവ​ക​രൂ​പ​ത്തി​ലു​ള്ള​തോ ശീതി​ക​രി​ച്ച​തോ ഉണക്കി​പ്പൊ​ടി​ച്ച​തോ ആയ പ്ലാസ്‌മാ (അല്ലെങ്കിൽ നിറം നീക്കിയ ചുവന്ന രക്താണു​ക്കൾ) ഉത്‌പാ​ദി​പ്പി​ക്കു​ക​പോ​ലും ചെയ്‌തി​ട്ടുണ്ട്‌. മററു പഠനങ്ങൾ, ഇറച്ചി​പ്പൊ​ടി​ക്കും ബേക്കറി സാധന​ങ്ങൾക്കും മററു ഭക്ഷ്യോൽപ്പ​ന്ന​ങ്ങൾക്കും പശിമ നൽകാ​നോ പാനീ​യ​ങ്ങൾക്കു പ്രോ​ട്ടീ​നും ഇരുമ്പും ചേർക്കാ​നോ ഉണങ്ങി​പ്പൊ​ടിച്ച രക്തഘട​കങ്ങൾ ഉപയോ​ഗി​ക്കു​ന്ന​തി​നെ കേന്ദ്രീ​ക​രി​ച്ചാ​യി​രു​ന്നി​ട്ടുണ്ട്‌.

എന്നിരു​ന്നാ​ലും, അത്തരം ഗവേഷ​ണങ്ങൾ ദശകങ്ങ​ളാ​യി തുടർന്നു പോന്നി​ട്ടു​ണ്ടെന്നു കുറി​ക്കൊ​ള്ളേ​ണ്ട​താണ്‌. എന്നാൽ മിക്കരാ​ജ്യ​ങ്ങ​ളി​ലും അത്തരം ഉൽപ്പന്ന​ങ്ങ​ളു​ടെ ഉപയോ​ഗം വളരെ പരിമി​ത​മാ​ണെന്ന്‌ അല്ലെങ്കിൽ നിലവി​ലി​ല്ലെ​ന്നു​പോ​ലും തോന്നു​ന്നു. അത്‌ എന്തു​കൊ​ണ്ടെന്നു ചില മാതൃ​കാ​റി​പ്പോർട്ടു​കൾ കാണി​ച്ചു​ത​രു​ന്നു:

“രക്തം പോഷക മൂല്യ​മു​ള്ള​തും പ്രയോ​ജ​ന​ക​ര​വു​മായ പ്രോ​ട്ടീ​നു​ക​ളു​ടെ ഒരു ഉറവാണ്‌. എന്നിരു​ന്നാ​ലും കന്നുകാ​ലി​ക​ളു​ടെ രക്തത്തിന്റെ കടും​നി​റ​വും പ്രത്യേ​ക​മായ രുചി​യും നിമിത്തം മനുഷ്യർക്കുള്ള ഭക്ഷണത്തിൽ അതു വളരെ കുറച്ചു​മാ​ത്രമേ ഉപയോ​ഗി​ക്ക​പ്പെ​ട്ടി​ട്ടു​ള്ളു.”—ഭക്ഷ്യശാ​സ്‌ത്ര​വാർത്താ​പ​ത്രിക (Journal of Food Science) വാല്യം 55, ലക്കം 2, 1990.

“രക്തത്തിൽ നിന്നെ​ടു​ക്കുന്ന പ്രോ​ട്ടീ​നു​കൾ വളരെ എളുപ്പം ലയിക്കു​ക​യും അലിഞ്ഞു​ചേ​രു​ക​യും ചെയ്യു​മെ​ന്നു​ള്ള​തി​നാൽ . . . ഭക്ഷ്യവ​സ്‌തു​ക്ക​ളിൽ അവ ചേർക്കു​ന്ന​തിൽ പല നേട്ടങ്ങ​ളു​മുണ്ട്‌. എന്നിരു​ന്നാ​ലും വിശേ​ഷാൽ ഉണങ്ങിയ പ്ലാസ്‌മ ആരോ​ഗ്യ​പ്ര​ദ​മാ​ക്കാൻ ഫലപ്ര​ദ​മായ മാർഗ്ഗ​ങ്ങ​ളൊ​ന്നും ജപ്പാനിൽ ഇതുവരെ സ്ഥിരീ​കൃ​ത​മാ​യി​ട്ടില്ല.”—ജേർണൽ ഓഫ്‌ ഫുഡ്‌ സയൻസ്‌ വാല്യം 56, ലക്കം 1, 1991.

ഒരു പായ്‌ക്ക​റ​റി​ലെ ഭക്ഷ്യഘ​ട​കങ്ങൾ പുറത്തു പട്ടിക​പ്പെ​ടു​ത്ത​ണ​മെന്ന്‌ അനേകം ഗവൺമെൻറു​ക​ളും നിബന്ധന വച്ചിട്ടു​ള്ള​തി​നാൽ ചില ക്രിസ്‌ത്യാ​നി​കൾ ഇടക്കിടെ ഭക്ഷണ പായ്‌ക്ക​റ​റു​ക​ളു​ടെ ലേബലു​കൾ പരി​ശോ​ധി​ച്ചി​ട്ടുണ്ട്‌. രക്തം കലർന്നേ​ക്കാ​മെന്നു വിശ്വ​സി​ക്കാൻ കാരണ​മുള്ള ഏതു ഉൽപ്പന്ന​ത്തി​ന്റെ കാര്യ​ത്തി​ലും അവർ ക്രമമാ​യി അതു ചെയ്‌തേ​ക്കാം. രക്തം, രക്തപ്ലാസ്‌മ, പ്ലാസ്‌മ, ഗ്ലോബിൻ (അഥവാ ഗ്ലോബു​ലിൻ) പ്രോ​ട്ടീൻ അല്ലെങ്കിൽ ഹിമോ​ഗ്ലോ​ബിൻ (അഥവാ ഗ്ലോബിൻ) അയൺ എന്നിവ പോലുള്ള വസ്‌തു​ക്കൾ പട്ടിക​പ്പെ​ടു​ത്തി​യി​ട്ടുള്ള ഉൽപ്പന്നങ്ങൾ ഒഴിവാ​ക്കു​ന്നതു തീർച്ച​യാ​യും ഉചിത​മാ​യി​രി​ക്കും. ഈ രംഗത്ത്‌ ഒരു യൂറോ​പ്യൻ കമ്പനി​യു​ടെ വ്യാപാര വിജ്ഞാ​പനം ഇപ്രകാ​രം സമ്മതി​ച്ചു​പ​റഞ്ഞു: “ഭക്ഷ്യവ​സ്‌തു​വി​ന്റെ ഘടനയോ അതിന്റെ മൂല്യ​മോ സംബന്ധിച്ച്‌ ഉപഭോ​ക്താ​വു തെററി​ദ്ധ​രി​ക്കാ​തി​രി​ക്കാൻ ഒരു ഘടക​മെ​ന്ന​നി​ല​യിൽ ഗ്ലോബി​ന്റെ ഉപയോ​ഗം ഭക്ഷ്യോൽപ്പ​ന്ന​ത്തി​ന്റെ പൊതി​ച്ചി​ലിൽ രേഖ​പ്പെ​ടു​ത്തി​യി​രി​ക്കണം.”

എന്നിരു​ന്നാ​ലും ലേബലു​കൾ പരി​ശോ​ധി​ക്കു​ന്ന​തി​ലും കശാപ്പു​കാ​രോട്‌ അന്വേ​ഷണം നടത്തു​ന്ന​തി​ലും പോലും ന്യായ​ബോ​ധം ആവശ്യ​മാണ്‌. ലോക​ത്തി​ലെ​ല്ലാ​യി​ട​ത്തു​മുള്ള എല്ലാ ക്രിസ്‌ത്യാ​നി​ക​ളും പായ്‌ക്ക​റ​റി​ലുള്ള എല്ലാ ഭക്ഷണപ​ദാർത്ഥ​ങ്ങ​ളു​ടെ​യും ലേബലു​ക​ളെ​ല്ലാം പരി​ശോ​ധി​ക്കു​ക​യോ ഹോട്ട​ലു​ക​ളി​ലെ​യും ഭക്ഷ്യവിൽപ്പ​ന​ശാ​ല​ക​ളി​ലെ​യും ജോലി​ക്കാ​രെ ചോദ്യം​ചെ​യ്യു​ക​യോ ചെയ്യണ​മെന്നല്ല. ‘ഈ പ്രദേ​ശ​ത്തോ രാജ്യ​ത്തോ സാധാരണ ഭക്ഷ്യോൽപ്പ​ന്ന​ങ്ങ​ളിൽ രക്തമോ രക്തഘട​ക​ങ്ങ​ളോ ചേർക്കു​ന്ന​താ​യി സ്ഥിരീ​ക​രിച്ച തെളി​വു​ണ്ടോ?’ എന്ന്‌ ഒന്നാമ​താ​യി ഒരു ക്രിസ്‌ത്യാ​നിക്ക്‌ തന്നോ​ടു​തന്നെ ചോദി​ക്കാൻ കഴിയും. മിക്ക സ്ഥലങ്ങളി​ലും അതിനുള്ള ഉത്തരം ഇല്ല എന്നാണ്‌. അതു​കൊണ്ട്‌, വിദൂ​ര​മായ സാദ്ധ്യ​ത​ക​ളെ​പ്പ​ററി പരി​ശോ​ധ​നകൾ നടത്താൻ വ്യക്തി​പ​ര​മാ​യി തങ്ങൾ വളരെ​യ​ധി​കം സമയവും ശ്രദ്ധയും ചെലവി​ടേ​ണ്ട​തില്ല എന്ന്‌ അനേകം ക്രിസ്‌ത്യാ​നി​കൾ തീരു​മാ​നി​ച്ചി​രി​ക്കു​ന്നു. ആ വിധത്തിൽ വിചാ​രി​ക്കാ​തെ ഒരാൾ സ്വന്തം മനസ്സാ​ക്ഷി​യ​നു​സ​രി​ച്ചു പ്രവർത്തി​ക്കണം, ദൈവ​മു​മ്പാ​കെ ശുദ്ധമ​ന​സ്സാ​ക്ഷി​യോ​ടെ മററു വിധത്തിൽ കാര്യങ്ങൾ ചെയ്യു​ന്ന​വരെ വിധി​ക്ക​യു​മ​രുത്‌.—റോമർ 14:2-4, 12.

രക്തം​ചേർന്ന ഭക്ഷ്യവ​സ്‌തു​ക്കൾ ഉത്‌പാ​ദി​പ്പി​ക്കാ​മെ​ങ്കി​ലും അതിന്റെ ചെലവും നിയമ​ത​ട​സ്സ​ങ്ങ​ളും മററും ഘടകങ്ങ​ളും നിമിത്തം അവ വ്യാപ​ക​മാ​യി ഉത്‌പാ​ദി​പ്പി​ക്ക​പ്പെ​ടു​ന്നി​ല്ലാ​യിരി​ക്കാം. ഉദാഹ​ര​ണ​ത്തിന്‌, 1991 സെപ്‌റ​റം​ബ​റി​ലെ ഭക്ഷ്യസം​സ്‌ക​രണം (Food Processing) എന്ന പ്രസി​ദ്ധീ​ക​രണം ഇപ്രകാ​രം കുറി​ക്കൊ​ണ്ടു: “സംസ്‌ക​രിച്ച മാംസാ​ഹാ​ര​ത്തിൽ (തയ്യാർചെയ്‌ത ഇറച്ചി​യ​ട​യിൽ) 1 ശതമാ​ന​ത്തിൽ കുറഞ്ഞ അളവിൽ പ്ലാസ്‌മ ഉള്ളതു​സം​ബ​ന്ധി​ച്ചു ബുദ്ധി​മു​ട്ടുള്ള ഉത്‌പാ​ദ​കർക്ക്‌ അതിനു പകരം മോരു ചേർത്തു നിർമ്മി​ച്ചാ​ലും അതു ശുദ്ധമാ​ണെന്നു ലേബൽ ചെയ്യാ​വു​ന്ന​താണ്‌.”

മിക്കരാ​ജ്യ​ങ്ങ​ളി​ലെ​യും നിയമ​വും സമ്പ്രദാ​യ​വും അല്ലെങ്കിൽ അഭിരു​ചി​യും സാധാ​ര​ണ​യാ​യി കൊല​ചെ​യ്യ​പ്പെ​ടുന്ന മൃഗങ്ങ​ളിൽനി​ന്നു രക്തം ചോർത്തി​ക്ക​ള​യു​ന്ന​തി​നും അതു മററു ഭക്ഷ്യോൽപ്പ​ന്ന​ങ്ങ​ളിൽ ഉപയോ​ഗി​ക്കാ​തി​രി​ക്കു​ന്ന​തി​നും ഇടയാ​ക്കു​ന്നു​വെന്ന്‌ ഊന്നി​പ്പ​റ​യേ​ണ്ടി​യി​രി​ക്കു​ന്നു. പ്രാ​ദേ​ശി​ക​മാ​യി അവസ്ഥ വ്യത്യ​സ്‌ത​മാ​ണെന്ന്‌ അല്ലെങ്കിൽ അടുത്ത​കാ​ലത്ത്‌ ഒരു മാററം വന്നിട്ടു​ണ്ടെന്നു വിശ്വ​സി​ക്കു​ന്ന​തിന്‌ ഈടുററ അടിസ്ഥാ​ന​മി​ല്ലെ​ങ്കിൽ കേവല സാദ്ധ്യ​ത​യോ കേട്ടു​കേൾവി​യോ നിമിത്തം അസ്വസ്ഥ​രാ​കു​ന്ന​തി​നെ​തി​രെ ക്രിസ്‌ത്യാ​നി​കൾ ജാഗ്രത പാലി​ക്കണം. എന്നാൽ ഭക്ഷണത്തി​ലോ വൈദ്യ​ചി​കി​ത്സ​യി​ലോ രക്തം ഉപയോ​ഗി​ക്ക​പ്പെ​ട്ടി​ട്ടു​ണ്ടെ​ന്നുള്ള ഉറപ്പോ അതിനുള്ള നല്ല സാദ്ധ്യ​ത​യോ ഉള്ളപ്പോൾ രക്തം വർജ്ജി​ക്കാ​നുള്ള ദൈവ​കൽപ്പന അനുസ​രി​ക്കുന്ന സംഗതി​യിൽ നാം ദൃഢനി​ശ്ച​യ​മു​ള്ള​വ​രാ​യി​രി​ക്കണം.