അവർ തന്റെ വിശ്വാ​സ​ത്തി​നു​വേണ്ടി പൊരു​തി

മൂന്നു വർഷം​മു​മ്പു സ്‌പെ​യ്‌നി​ലെ കാഡി​സിൽ, യഹോ​വ​യു​ടെ സാക്ഷി​ക​ളി​ലൊ​രു​വ​ളായ കാരി​ഡാഡ്‌ ബാസാൻ ലിസ്‌റ​റാന്‌ അത്യന്താ​പേ​ക്ഷി​ത​മാ​യി ഒരു ശസ്‌ത്ര​ക്രിയ വേണ്ടി​വന്നു. പിത്ത​കോ​ശ​പി​ണ്ഡം അവർക്കു പനി വരുത്തു​ക​യും രക്തപ്ര​വാ​ഹത്തെ വിഷലി​പ്‌ത​മാ​ക്കു​ക​യും ചെയ്‌തു​കൊ​ണ്ടി​രു​ന്നു. അവരെ പ്രാ​ദേ​ശിക ആശുപ​ത്രി​യിൽ പ്രവേ​ശി​പ്പി​ച്ച​പ്പോൾ രക്തപ്പകർച്ച നിരസി​ക്കു​ന്ന​തി​നുള്ള തന്റെ ബൈബി​ള​ധി​ഷ്‌ഠി​ത​മായ നിലപാട്‌ അവർ വിശദീ​ക​രി​ച്ചു. ഡോക്ടർമാർ രക്തംകൂ​ടാ​തെ ശസ്‌ത്ര​ക്രിയ ചെയ്യാ​മെന്നു സമ്മതിച്ചു. എങ്കിലും ശസ്‌ത്ര​ക്രി​യ​ന​ട​ത്തുന്ന മുറി​യി​ലേക്കു കൊണ്ടു​പോ​കു​ന്ന​തി​നു തൊട്ടു​മുമ്പ്‌ ഒരു പ്രമാ​ണ​ത്തിൽ ഒപ്പിടാൻ ഡോക്ടർമാർ അവരോട്‌ ആവശ്യ​പ്പെട്ടു. രക്തത്തെ സംബന്ധി​ച്ചുള്ള സഹോ​ദ​രി​യു​ടെ തീരു​മാ​നത്തെ ബഹുമാ​നി​ക്കാൻ അവർ മനസ്സൊ​രു​ക്ക​മു​ള്ള​വ​രാ​ണെ​ന്നും, എന്നാൽ ഒരു അടിയ​ന്തി​ര​ഘട്ടം വന്നാൽ ആവശ്യ​മെന്നു കരുതുന്ന ഏതു ചികി​ത്സ​യും നടത്തു​ന്ന​തിന്‌ തങ്ങളെ അവർ അനുവ​ദി​ക്ക​ണ​മെ​ന്നും ഈ പ്രമാണം സൂചി​പ്പി​ച്ചു.

ആശുപ​ത്രി​യിൽ സന്നിഹി​ത​നാ​യി​രുന്ന സഭയിലെ ഒരു മൂപ്പനും സാക്ഷി​യായ കാരി​ഡാ​ഡി​ന്റെ മകനും ചേർന്ന്‌ അപ്രകാ​രം ഒരു ഫാറം ഒപ്പിടു​ന്ന​തി​ന്റെ അർഥ​ത്തെ​പ്പ​ററി കാരി​ഡാ​ഡി​നെ ഉപദേ​ശി​ച്ചു. അടിയ​ന്തി​ര​ഘ​ട്ട​ത്തിൽ രക്തപ്പകർച്ച നടത്തു​ന്ന​തിന്‌ അവരുടെ ഒപ്പ്‌ ഡോക്ടർമാ​രെ അധികാ​ര​പ്പെ​ടു​ത്തു​മാ​യി​രു​ന്നു. അവരെ ശസ്‌ത്ര​ക്രി​യാ​മു​റി​യി​ലേക്കു കൊണ്ടു​പോ​കു​ന്ന​തി​നു മെഡിക്കൽ ഉദ്യോ​ഗസ്ഥർ വന്നപ്പോൾ ആ കടലാ​സിൽ താൻ ഒപ്പിടു​ക​യില്ല എന്ന്‌ അവർ വിശദീ​ക​രി​ച്ചു. ഉടനെ അവരെ മുറി​യി​ലേക്കു തിരി​കെ​ക്കൊ​ണ്ടു​പോ​വു​ക​യും അവരുടെ മനസ്സു​മാ​റ​റാൻ ശക്തമായി സമ്മർദം ചെലു​ത്തു​ക​യും ചെയ്‌തു.

പല സംഭാ​ഷ​ണ​ങ്ങൾക്കു​ശേഷം അവരെ ബോധ്യ​പ്പെ​ടു​ത്തു​ന്ന​തി​നു​വേണ്ടി ഫോറൻസിക്‌ ജഡ്‌ജി​യെ വിളി​പ്പി​ച്ചു​വെ​ങ്കി​ലും പ്രയോ​ജ​ന​മു​ണ്ടാ​യില്ല. തന്നിൽ രക്തപ്പകർച്ച​ന​ട​ത്താൻ അവരെ അനുവ​ദി​ച്ചാൽ ദൈവ​മു​മ്പാ​കെ താൻ കുററ​ക്കാ​രി​യാ​യി​ത്തീ​രു​മെന്നു കരുതു​ന്ന​താ​യി കാരി​ഡാഡ്‌ വിശദീ​ക​രി​ച്ചു. മോ​ശൈക ന്യായ​പ്ര​മാ​ണ​ത്തിൻകീ​ഴിൽ, ഒരു സ്‌ത്രീ ബലാത്സം​ഗം ചെയ്യ​പ്പെ​ടു​ന്നെ​ങ്കിൽ, സഹായ​ത്തി​നാ​യി നിലവി​ളി​ച്ചു​കൊണ്ട്‌ എതിർത്താൽ അവൾ കുററ​ക്കാ​രി ആകുമാ​യി​രു​ന്നില്ല എന്ന്‌ അവർ ചൂണ്ടി​ക്കാ​ട്ടി. (ആവർത്തനം 22:23-27) “ഡോക്ടർമാർ എന്റെ ഹിതത്തെ അവഗണി​ക്കു​ക​യും മനസ്സാ​ക്ഷി​യെ അതി​ക്ര​മി​ക്കു​വാൻ മുതി​രു​ക​യും ആണ്‌, അതു​കൊണ്ട്‌ അവരെന്നെ ബലാത്സം​ഗം ചെയ്യു​ന്നു​വെ​ന്ന​പോ​ലെ ഞാൻ എതിർക്കേ​ണ്ട​തുണ്ട്‌” എന്ന്‌ അവർ പറഞ്ഞു.

പല മണിക്കൂ​റു​കൾ കടന്നു​പോ​യി, അവസാനം രക്തപ്പകർച്ച​കൂ​ടാ​തെ അവരിൽ ശസ്‌ത്ര​ക്രി​യ​ന​ട​ത്താൻ ഡോക്ടർമാർ സമ്മതിച്ചു. ശസ്‌ത്ര​ക്രി​യാ​മു​റി​യിൽ യഹോ​വ​യോ​ടു പ്രാർഥി​ക്കു​ന്ന​തി​നാ​യി കാരി​ഡാഡ്‌ അനുവാ​ദം വാങ്ങി. അവർ അതു​ചെ​യ്‌തു, ശസ്‌ത്ര​ക്രിയ ഒരു വിജയ​വും ആയിരു​ന്നു.

എന്നിരു​ന്നാ​ലും, പിന്നീടു കാരി​ഡാ​ഡി​ന്റെ അവസ്ഥ വഷളായി, അവരുടെ ഹിതത്തെ അവഗണി​ച്ചു​കൊ​ണ്ടു ബലമായി രക്തപ്പകർച്ച​ന​ട​ത്തു​ന്ന​തി​നു ഡോക്ടർമാർ തീരു​മാ​നി​ച്ചു. അങ്ങനെ ഒരു ഡോക്ട​റും നേഴ്‌സും രക്തപ്പകർച്ചക്കു തയ്യാ​റെ​ടു​ത്തു. തന്റെ ബലഹീ​ന​മായ അവസ്ഥകൂ​ട്ടാ​ക്കാ​തെ കാരി​ഡാഡ്‌ സർവശ​ക്തി​യും ഉപയോ​ഗി​ച്ചു ചെറു​ത്തു​നി​ന്നു. അവർ ഒരു​പ്ര​കാ​ര​ത്തിൽ രക്തം പകരാ​നുള്ള കുഴൽ കടിച്ചു​കീ​റു​ക​പോ​ലും ചെയ്‌തു. അവസാനം തങ്ങൾ ചെയ്‌ത​തിൽ ലജ്ജിത​നാ​യി ഡോക്ടർ പിൻവാ​ങ്ങി. “എനിക്ക്‌ ഇതു പൂർത്തി​യാ​ക്കാൻ കഴിയില്ല. ഞാൻ കീഴട​ങ്ങു​ന്നു!” അദ്ദേഹം പറഞ്ഞു.

കാരി​ഡാഡ്‌ വിഷമ​ഘട്ടം തരണം​ചെ​യ്യു​ക​യും മററു​കു​ഴ​പ്പ​ങ്ങ​ളൊ​ന്നു​മി​ല്ലാ​തെ സുഖം​പ്രാ​പി​ക്കു​ക​യും ചെയ്‌തു. ഡോക്ടർമാർക്കും നേഴ്‌സു​മാർക്കും അവരുടെ വിശ്വാ​സ​ത്തി​ലും ധൈര്യ​ത്തി​ലും മതിപ്പു​പ്ര​ക​ട​മാ​ക്കാ​തി​രി​ക്കാൻ കഴിഞ്ഞില്ല. ഈ സംഭവ​ങ്ങ​ളെ​ല്ലാം നടന്നതു കാരി​ഡാ​ഡിന്‌ 94 വയസ്സു​ള്ള​പ്പോ​ഴാ​യി​രു​ന്നു.