വായന​ക്കാ​രിൽനി​ന്നുള്ള ചോദ്യ​ങ്ങൾ

സാങ്കേതികമായി പറഞ്ഞാൽ, “വേറെ ആടുകൾ,” “മഹാപു​രു​ഷാ​രം” എന്നീ ബൈബിൾപ​ദങ്ങൾ തമ്മിൽ വ്യത്യാ​സ​മു​ണ്ടോ?

ഉണ്ട്‌, എന്നിരു​ന്നാ​ലും പദത്തിന്റെ ഉപയോ​ഗം സംബന്ധി​ച്ചു നാം അനുചി​ത​മാ​യി സൂക്ഷ്‌മ​വേ​ദി​ക​ളാ​യി​രി​ക്കേ​ണ്ട​തില്ല, അല്ലെങ്കിൽ ആരെങ്കി​ലും ഈ പദങ്ങൾ പരസ്‌പരം മാറി​മാ​റി ഉപയോ​ഗി​ക്കു​ന്നെ​ങ്കിൽ അസ്വസ്ഥ​രാ​കു​ക​യും വേണ്ട.

ഈ പദങ്ങൾ കാണുന്ന ഭാഗങ്ങൾ മിക്ക ക്രിസ്‌ത്യാ​നി​കൾക്കും പരിചി​ത​മാണ്‌. ഒരു പ്രയോ​ഗം യോഹ​ന്നാൻ 10:16-ലാണ്‌. അവിടെ യേശു ഇങ്ങനെ പറഞ്ഞു: “ഈ തൊഴു​ത്തിൽ ഉൾപ്പെ​ടാത്ത വേറെ ആടുകൾ എനിക്കു ഉണ്ടു; അവയെ​യും ഞാൻ നടത്തേ​ണ്ട​താ​കു​ന്നു. അവ എന്റെ ശബ്ദം കേൾക്കും; ഒരാട്ടിൻകൂ​ട്ട​വും ഒരിട​യ​നും ആകും.” “മഹാപു​രു​ഷാ​രം” എന്ന മറേറ പ്രയോ​ഗം വെളി​പ്പാ​ടു 7:9-ൽ കാണുന്നു. നാം ഇങ്ങനെ വായി​ക്കു​ന്നു: “ഇതിന്റെ ശേഷം സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും ഭാഷക​ളി​ലും​നി​ന്നു ഉള്ളതായി ആർക്കും എണ്ണിക്കൂ​ടാത്ത ഒരു മഹാപു​രു​ഷാ​രം വെള്ളനി​ല​യങ്കി ധരിച്ചു കയ്യിൽ കുരു​ത്തോ​ല​യു​മാ​യി സിംഹാ​സ​ന​ത്തി​ന്നും കുഞ്ഞാ​ടി​ന്നും മുമ്പാകെ നിൽക്കു​ന്നതു ഞാൻ കണ്ടു.”

നമുക്ക്‌ ആദ്യം യോഹ​ന്നാൻ 10:16 പരിചി​ന്തി​ക്കാം. ആടുകൾ ആരാണ്‌? യേശു​വി​ന്റെ വിശ്വ​സ്‌താ​നു​ഗാ​മി​ക​ളെ​ല്ലാം “ആടുകൾ” എന്നു പരാമർശി​ക്ക​പ്പെ​ടു​ന്നു​വെന്ന കാര്യം മനസ്സിൽപ്പി​ടി​ക്കു​ന്നതു നന്നായി​രി​ക്കും. ലൂക്കൊസ്‌ 12:32-ൽ സ്വർഗ​ത്തിൽ പോകു​വാ​നി​രി​ക്കുന്ന തന്റെ ശിഷ്യൻമാ​രിൽപ്പെ​ട്ട​വരെ അവൻ ‘ചെറിയ ആട്ടിൻകൂ​ട്ടം’ എന്നു വിളിച്ചു. എന്തു കൂട്ടം? ആടുക​ളു​ടെ കൂട്ടം. “ചെറിയ ആട്ടിൻകൂട്ട”ത്തിലെ “ആടുകൾ” സ്വർഗ​ത്തി​ലെ രാജ്യ​ത്തി​ന്റെ ഭാഗമാ​യി​രി​ക്കും. എന്നിരു​ന്നാ​ലും, യേശു ആടുക​ളെന്നു പരിഗ​ണി​ക്കുന്ന മററു​ള്ള​വ​രും ഉണ്ട്‌, അവർക്ക്‌ ഒരു വ്യത്യസ്‌ത പ്രത്യാ​ശ​യാ​ണു​ള്ളത്‌.

ഇതു നമുക്കു യോഹ​ന്നാൻ 10-ാം അധ്യാ​യ​ത്തിൽ കാണാം. താൻ സ്വർഗ​ത്തി​ലെ ജീവനി​ലേക്കു വിളി​ക്കുന്ന തന്റെ അപ്പോ​സ്‌ത​ലൻമാ​രെ​പ്പോ​ലെ​യുള്ള ആടുക​ളെ​ക്കു​റി​ച്ചു പറഞ്ഞ​ശേഷം 16-ാം വാക്യ​ത്തിൽ യേശു ഇങ്ങനെ കൂട്ടി​ച്ചേർത്തു: “ഈ തൊഴു​ത്തിൽ ഉൾപ്പെ​ടാത്ത വേറെ ആടുകൾ എനിക്കു ഉണ്ടു. അവയെ​യും ഞാൻ നടത്തേ​ണ്ട​താ​കു​ന്നു.” ഭൗമി​ക​പ്ര​തീ​ക്ഷ​യുള്ള ആളുക​ളെ​ക്കു​റി​ച്ചാ​യി​രു​ന്നു യേശു ഈ വാക്യ​ത്തിൽ സംസാ​രി​ച്ചത്‌ എന്നു യഹോ​വ​യു​ടെ സാക്ഷികൾ നേര​ത്തെ​തന്നെ തിരി​ച്ച​റി​ഞ്ഞി​ട്ടുണ്ട്‌. അബ്രാ​ഹാം, സാറാ, നോഹ, മലാഖി എന്നിങ്ങനെ ക്രിസ്‌തീ​യ​പൂർവ​കാ​ലത്തെ അനേകം വിശ്വ​സ്‌തർക്ക്‌ അത്തരം പ്രതീ​ക്ഷ​ക​ളാ​ണു​ണ്ടാ​യി​രു​ന്നത്‌. അതു​കൊണ്ട്‌ ഉചിത​മാ​യും നമുക്ക്‌ അവരെ യോഹ​ന്നാൻ 10:16-ലെ ‘വേറെ ആടുകളി’ൽപ്പെടു​ത്താം. സഹസ്രാ​ബ്ദ​വാ​ഴ്‌ച​യിൽ അങ്ങനെ​യുള്ള വിശ്വസ്‌ത ക്രിസ്‌തീ​യ​പൂർവ സാക്ഷികൾ പുനരു​ത്ഥാ​നം പ്രാപി​ക്കു​ക​യും അന്നു ക്രിസ്‌തു​യേ​ശു​വി​നെ​ക്കു​റി​ച്ചു പഠിക്കു​ക​യും അവനെ സ്വീക​രി​ക്കു​ക​യും ചെയ്യും. അങ്ങനെ അവർ നല്ല ഇടയന്റെ “വേറെ ആടുകൾ” ആയിത്തീ​രും.

സ്വർഗ​ത്തി​ലേ​ക്കു​ള്ള കൂട്ടത്തി​ന്റെ പൊതു​വി​ളി അവസാ​നി​ച്ച​ശേഷം ലക്ഷക്കണ​ക്കി​നാ​ളു​കൾ സത്യ​ക്രി​സ്‌ത്യാ​നി​ക​ളാ​യി​ത്തീർന്നി​ട്ടു​ണ്ടെ​ന്നും നമുക്ക​റി​യാം. അവർ “ചെറിയ ആട്ടിൻകൂട്ട”ത്തിന്റെ ഭാഗമ​ല്ലാ​ത്ത​തി​നാൽ അവരും ഉചിത​മാ​യി “വേറെ ആടുകൾ” എന്നു വിളി​ക്ക​പ്പെ​ടു​ന്നു. ഇന്നു വേറെ ആടുകൾ ഒരു ഭൗമി​ക​പ​റു​ദീ​സ​യി​ലേക്ക്‌ അതിജീ​വിച്ച്‌ തുടർന്നും ജീവി​ക്കു​ന്ന​തി​നു നോക്കി​പ്പാർത്തി​രി​ക്കു​ന്നു.

ഇപ്പോൾ, വെളി​പ്പാ​ടു 7:9-ൽ പറഞ്ഞി​രി​ക്കുന്ന “മഹാപു​രു​ഷാ​രം” ഏതാണ്‌ എന്നതു സംബന്ധി​ച്ചെന്തു പറയാൻ കഴിയും? 13-ാം വാക്യ​വും അതിലെ ചോദ്യ​വും ശ്രദ്ധി​ക്കുക, ‘ഇവർ ആർ? എവി​ടെ​നി​ന്നു വന്നു?’ വെളി​പ്പാ​ടു 7:14-ൽ നാം ഉത്തരം കണ്ടെത്തു​ന്നു: “ഇവർ മഹാക​ഷ്ട​ത്തിൽനി​ന്നു വന്നവർ.” അതു​കൊ​ണ്ടു മഹാക​ഷ്ട​ത്തിൽനി​ന്നു പുറത്തു​വ​രു​ന്നവർ, അഥവാ അതിനെ അതിജീ​വി​ക്കു​ന്നവർ, ചേർന്ന്‌ ഉളവാ​കു​ന്ന​താ​ണു “മഹാപു​രു​ഷാ​രം.” 17-ാം വാക്യം പറയു​ന്ന​തു​പോ​ലെ, അവർ ഭൂമി​യിൽ ‘ജീവജ​ല​ത്തി​ന്റെ ഉറവു​ക​ളി​ലേക്കു നടത്ത​പ്പെ​ടും.’

എന്നിരു​ന്നാ​ലും, ഇവർ മഹോ​പ​ദ്ര​വത്തെ അതിജീ​വി​ക്ക​ണ​മെ​ങ്കിൽ സത്യാ​രാ​ധകർ ആയിത്തീർന്നു​കൊ​ണ്ടു കുഞ്ഞാ​ടി​ന്റെ രക്തത്തിൽ നേര​ത്തെ​തന്നെ തങ്ങളുടെ അങ്കികൾ അലക്കി​യി​രി​ക്കണം എന്നു മനസ്സി​ലാ​ക്കാ​വു​ന്ന​താണ്‌. അതു​കൊണ്ട്‌, കഷ്ടത്തി​നു​ശേ​ഷ​മുള്ള ഈ പുരു​ഷാ​ര​ത്തെ​യാ​ണു വെളി​പ്പാ​ടു 7:9 വർണി​ക്കു​ന്ന​തെ​ങ്കി​ലും രാഷ്‌ട്രങ്ങൾ വ്യാജ​മ​ത​ങ്ങളെ ആക്രമി​ക്കു​ന്ന​തോ​ടെ ആരംഭി​ക്കുന്ന മഹാക​ഷ്ട​ത്തി​നു​മു​മ്പു യഹോ​വക്ക്‌ ഇപ്പോൾ വിശു​ദ്ധ​സേ​വനം അർപ്പി​ക്കു​ന്ന​വ​രാ​യി ഭൗമി​ക​പ്ര​ത്യാ​ശ​യുള്ള എല്ലാവർക്കും “മഹാപു​രു​ഷാ​രം” എന്ന പദം നമുക്കു ബാധക​മാ​ക്കാൻ കഴിയും.

ചുരു​ക്ക​ത്തിൽ, ഭൂമി​യിൽ എന്നേക്കും ജീവി​ക്കാൻ പ്രത്യാ​ശ​യുള്ള എല്ലാ ദൈവ​ദാ​സൻമാ​രെ​യും ഉൾപ്പെ​ടു​ത്തുന്ന വിശാ​ല​മായ പദമാണു “വേറെ ആടുകൾ” എന്നു നമുക്ക്‌ ഓർത്തി​രി​ക്കാം. ആസന്നമാ​യി​രി​ക്കുന്ന മഹാക​ഷ്ടത്തെ അതിജീ​വി​ക്കാ​നുള്ള പ്രത്യാ​ശ​യോ​ടെ ഒരു “മഹാപു​രു​ഷാര”മായി ഇന്നു കൂട്ടി​ച്ചേർക്ക​പ്പെ​ട്ടു​കൊ​ണ്ടി​രി​ക്കുന്ന, എണ്ണത്തിൽ താരത​മ്യേന പരിമി​ത​മായ ചെമ്മരി​യാ​ടു​തു​ല്യർ അതിലുൾപ്പെ​ടു​ന്നു. അതു​കൊണ്ട്‌ ഇന്നു ജീവി​ക്കുന്ന വിശ്വസ്‌ത ക്രിസ്‌ത്യാ​നി​ക​ളിൽ മിക്കവ​രും “വേറെ ആടുക”ളാണ്‌, അവർ “മഹാപു​രു​ഷാര”ത്തിന്റെ ഭാഗവു​മാണ്‌.

എന്നിരു​ന്നാ​ലും, ഈ പ്രത്യേക വിവരങ്ങൾ സംബന്ധി​ച്ചു വ്യക്തത​യു​ള്ള​വ​രാ​യി​രി​ക്കു​ന്നതു നല്ലതാ​ണെ​ങ്കി​ലും യാതൊ​രു ക്രിസ്‌ത്യാ​നി​യും അമിത പദബോ​ധ​മു​ള്ളവൻ—പദവി​മർശകൻ—ആയിരി​ക്കേ​ണ്ട​തി​ല്ലെന്ന്‌ ആവർത്തി​ച്ചു​പ​റ​യു​ന്നതു പ്രയോ​ജ​ന​ക​ര​മാണ്‌. “അഹങ്കാ​രം​കൊ​ണ്ടു ചീർത്തി​രി”ക്കുന്ന, “വാക്കു​ക​ളെ​ക്കു​റി​ച്ചു വാഗ്വാ​ദ​ങ്ങളി”ലേർപ്പെ​ടുന്ന ചിലർക്കു പൗലോസ്‌ മുന്നറി​യി​പ്പു കൊടു​ക്കു​ക​യു​ണ്ടാ​യി. (1 തിമോ​ത്തി 6:4, NW) പദങ്ങൾ തമ്മിലുള്ള ചില വ്യത്യാ​സങ്ങൾ നാം വ്യക്തി​പ​ര​മാ​യി തിരി​ച്ച​റി​ഞ്ഞി​ട്ടു​ണ്ടെ​ങ്കിൽ നല്ലതു​തന്നെ. എന്നിരു​ന്നാ​ലും, അതേ കൃത്യ​ത​യോ​ടെ ബൈബിൾ പദങ്ങൾ ഉപയോ​ഗി​ക്കാ​തി​രു​ന്നേ​ക്കാ​വുന്ന മറെറാ​രാ​ളെ നാം പുറ​മേ​യോ അകമേ​യോ വിമർശി​ക്കേ​ണ്ട​തില്ല.