അലൈം​ഗിക ജീവിതം—വിവാ​ഹാ​ന​ന്ത​ര​വും?

യോ​സേ​ഫു​മാ​യുള്ള വിവാ​ഹ​ജീ​വി​ത​ത്തിൽ മറിയ നിത്യ​ക​ന്യ​ക​യാ​യി​രു​ന്നു​വെന്ന അവകാ​ശ​വാ​ദ​ത്തി​നു വിശ്വാ​സ്യത വരുത്താ​നുള്ള ശ്രമത്തി​ന്റെ ഭാഗമാ​യി, അനേകം ചിത്ര​കാ​ര​ന്മാ​രും കൊത്തു​പ​ണി​ക്കാ​രും യോ​സേ​ഫി​നെ വൃദ്ധനാ​യി ചിത്രീ​ക​രി​ച്ചി​ട്ടുണ്ട്‌. ഭർത്താവ്‌ എന്നതി​നെ​ക്കാൾ യോ​സേഫ്‌ യഥാർഥ​ത്തിൽ മറിയ​യ്‌ക്ക്‌ ഒരു രക്ഷാകർത്താ​വാ​യി​രു​ന്നു​വെ​ന്നാണ്‌ അവരുടെ വാദം. എന്നാൽ ജോൺ പോൾ രണ്ടാമൻ പാപ്പാ ഈയിടെ ഒരു വ്യത്യസ്‌ത കാഴ്‌ച​പ്പാട്‌ അവതരി​പ്പി​ച്ചു. യോ​സേഫ്‌ “ആ സമയത്ത്‌ ഒരു വൃദ്ധനാ​യി​രു​ന്നില്ല” എന്ന്‌ അദ്ദേഹം പറയുന്നു. മറിച്ച്‌ “ദൈവ​ദാ​ന​മായ അവന്റെ ആന്തരിക പൂർണത അലൈം​ഗിക സ്‌നേ​ഹ​ത്തിൽ മറിയ​യോ​ടൊ​പ്പം വൈവാ​ഹിക ജീവിതം നയിക്കാൻ അവനെ പ്രേരി​പ്പി​ച്ചു.”

മറിയ നിത്യ​ക​ന്യ​ക​യാ​യി നില​കൊ​ള്ളാൻ ഉദ്ദേശി​ച്ചി​രു​ന്നെ​ങ്കിൽ, അവൾ എന്തിനു വിവാ​ഹ​നി​ശ്ച​യ​ത്തിൽ ഏർപ്പെട്ടു? “കന്യക​യാ​യി ജീവി​ക്കാ​നുള്ള ഉദ്ദേശ്യ​ത്തെ​ക്കു​റിച്ച്‌ യോ​സേ​ഫും മറിയ​യും വിവാ​ഹ​നി​ശ്ചയ സമയത്ത്‌ ഒരു ധാരണ​യി​ലെ​ത്തി​യി​രു​ന്ന​താ​യി ഊഹി​ക്കാം,” പാപ്പാ പറയുന്നു.

എന്നാൽ ബൈബിൾ പറയു​ന്നത്‌ മറ്റൊ​ന്നാണ്‌. “പുത്രനെ പ്രസവി​ക്കും​വരെ അവളു​മാ​യി” യോ​സേഫ്‌ “ബന്ധപ്പെ​ട്ടില്ല” എന്നു മത്തായി​യു​ടെ വിവരണം പറയുന്നു. (മത്തായി 1:25, കത്തോ​ലി​ക്കാ ന്യൂ അമേരി​ക്കൻ ബൈബിൾ, ചെരി​ച്ചെ​ഴു​ത്തു ഞങ്ങളു​ടേത്‌.) യേശു​വി​ന്റെ ജനനത്തി​നു​ശേഷം, യോ​സേ​ഫി​ന്റെ​യും മറിയ​യു​ടെ​യും വൈവാ​ഹി​ക​ബന്ധം യാതൊ​രു തരത്തി​ലും അലൈം​ഗി​ക​മാ​യി​രു​ന്നില്ല. ഇതിനുള്ള ഒരു തെളി​വാണ്‌ പിന്നീ​ടുള്ള സുവി​ശേഷ വിവര​ണ​ങ്ങ​ളിൽ യേശു​വി​നു സഹോ​ദ​രീ​സ​ഹോ​ദ​ര​ന്മാ​രു​ള്ള​താ​യി പറയു​ന്നത്‌.—മത്തായി 13:55, 56.

അതു​കൊണ്ട്‌, യേശു​വി​നെ പ്രസവി​ക്കു​മ്പോൾ മറിയ കന്യക​യാ​യി​രു​ന്നു​വെന്നു ബൈബിൾ പ്രസ്‌താ​വി​ക്കു​ന്നു​ണ്ടെ​ങ്കി​ലും, ശിഷ്ടജീ​വി​തം യോ​സേ​ഫി​നോ​ടൊ​പ്പം അവൾ ലൈം​ഗി​ക​ബ​ന്ധ​മി​ല്ലാ​തെ തുടർന്നു​വെന്നു പറയു​ന്ന​തി​നു യാതൊ​രു അടിസ്ഥാ​ന​വു​മില്ല.