രാജ്യ​ഘോ​ഷകർ റിപ്പോർട്ടു ചെയ്യുന്നു

കോം​ഗോ ജനാധി​പത്യ റിപ്പബ്ലി​ക്കിൽ യുവജ​നങ്ങൾ ദൈവത്തെ സ്‌തു​തി​ക്കു​ന്നു

നൂറ്റാ​ണ്ടു​കൾക്കു മുമ്പ്‌, നിത്യ​ത​യു​ടെ രാജാ​വി​നെ സ്‌തു​തി​ക്കു​ന്ന​തിൽ പങ്കു​ചേ​രു​ന്ന​തി​നു യുവജ​ന​ങ്ങളെ സങ്കീർത്ത​ന​ക്കാ​രൻ ഊഷ്‌മ​ള​മാ​യി ക്ഷണിച്ചു: “യുവാ​ക്ക​ളും യുവതി​ക​ളും, വൃദ്ധന്മാ​രും ബാലന്മാ​രും, . . . യഹോ​വ​യു​ടെ നാമത്തെ സ്‌തു​തി​ക്കട്ടെ; അവന്റെ നാമം മാത്രം ഉയർന്നി​രി​ക്കു​ന്നതു.” (സങ്കീർത്തനം 148:12, 13) കോം​ഗോ ജനാധി​പത്യ റിപ്പബ്ലി​ക്കിൽനി​ന്നുള്ള പിൻവ​രുന്ന അനുഭ​വങ്ങൾ ഈ അതുല്യ പദവിയെ പ്രദീ​പ്‌ത​മാ​ക്കു​ന്നു.

• ഒരു പ്രത്യേക പയനിയർ താമസി​ച്ചി​രുന്ന വീടിന്റെ ഉടമയ്‌ക്ക്‌ യഹോ​വ​യു​ടെ സാക്ഷി​ക​ളു​ടെ നടത്തയിൽ വളരെ വിലമ​തി​പ്പാ​യി​രു​ന്നു. അതു​കൊണ്ട്‌, സാക്ഷി​ക​ളോ​ടൊ​പ്പം ബൈബിൾ പഠിക്കാൻ തന്റെ അഞ്ചു വയസ്സുള്ള മകൾ ഫീഫിയെ അദ്ദേഹം അനുവ​ദി​ച്ചു. എന്റെ ബൈബിൾ കഥാ പുസ്‌തകംa പഠിക്കു​ന്ന​തിൽ ഫീഫി​യു​ടെ പുരോ​ഗതി കണ്ടിട്ട്‌ രാജ്യ​ഹാ​ളിൽ യോഗ​ങ്ങൾക്കു ഹാജരാ​കാൻ പിതാവ്‌ അവളെ അനുവ​ദി​ച്ചു. അവി​ടെ​വെച്ചു ഫീഫി സാക്ഷി​ക​ളു​ടെ പാട്ടു​പു​സ്‌ത​ക​ത്തിൽനി​ന്നു രാജ്യ​ഗീ​തങ്ങൾ പഠിച്ചു. “ദൈവ​ത്തി​ന്റെ പറുദീ​സാ വാഗ്‌ദത്തം” എന്ന 4-ാം നമ്പർ ഗീതമാ​യി​രു​ന്നു അവൾക്ക്‌ ഏറ്റവു​മി​ഷ്ടം.

ഒരു ദിവസം ഫീഫി​യു​ടെ പിതാവ്‌ അവളെ പള്ളിയിൽ കൊണ്ടു​പോ​യി. എല്ലാവ​രെ​യും അതിശ​യി​പ്പി​ച്ചു​കൊണ്ട്‌ ഫീഫി പള്ളിപ്പാ​ട്ടു​കൾ പാടാൻ വിസമ്മ​തി​ച്ചു. കാരണം? പള്ളിപ്പാ​ട്ടു​കൾ ബൈബി​ള​ധ്യ​യ​ന​ത്തിൽനി​ന്നു താൻ പഠിച്ച കാര്യ​ങ്ങൾക്കു ചേർച്ച​യി​ല​ല്ലെന്ന്‌ അവൾക്കു തോന്നി. പകരം, അവൾ സധൈ​ര്യം തന്റെ പ്രിയ​പ്പെട്ട രാജ്യ​ഗീ​തം പാടി.

പള്ളി​പ്ര​മാ​ണി​കൾ പലവട്ടം ശ്രമി​ച്ചി​ട്ടും അവർക്ക്‌ അവളുടെ മനസ്സു​മാ​റ്റാ​നാ​യില്ല. ഒടുവിൽ, അവർ അഞ്ചുവ​യ​സ്സു​കാ​രി ഫീഫിയെ പുറത്താ​ക്കാൻ തീരു​മാ​നി​ച്ചു! ഈ ദുഷ്‌പെ​രു​മാ​റ്റം വകവയ്‌ക്കാ​തെ അവളുടെ പിതാവു ശാന്തനാ​യി​രു​ന്നു. ഫീഫി തന്റെ വിശ്വാ​സ​ത്തി​നു ചേർച്ച​യിൽ ഉറച്ച നിലപാ​ടു സ്വീക​രി​ച്ച​തിൽ അവളുടെ പിതാ​വിന്‌ അഭിമാ​നം തോന്നി. ഫീഫി യഹോ​വ​യു​ടെ സാക്ഷി​ക​ളു​മാ​യുള്ള സഹവാസം തുടര​ണ​മെ​ന്നാണ്‌ അവളുടെ മാതാ​പി​താ​ക്ക​ളു​ടെ ആഗ്രഹം.

• കൗമാ​ര​പ്രാ​യ​ക്കാ​ര​നായ ലൂക്കോ​ഡി, യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തീരു​മാ​നി​ച്ചു. എന്നാൽ അവന്റെ പിതാവ്‌ അതിനെ ശക്തമായി എതിർത്തു. ഒരിക്കൽ ലൂക്കോ​ഡി രാജ്യ​ഹാ​ളിൽ യോഗ​ത്തി​നു പോകാൻ ഒരുങ്ങവേ, പിതാവ്‌ വെട്ടു​കത്തി കാട്ടി അവനെ ഭീഷണി​പ്പെ​ടു​ത്തി. മറ്റൊരു സന്ദർഭ​ത്തിൽ ലൂക്കോ​ഡി​യു​ടെ പിതാവ്‌ അവന്റെ പുറത്ത്‌ വടി​കൊ​ണ്ട​ടിച്ച്‌ ആഴമായ മുറി​വു​ണ്ടാ​ക്കി. ശക്തമായ എതിർപ്പു​ണ്ടാ​യി​രു​ന്നി​ട്ടും യഹോ​വ​യു​ടെ സാക്ഷി​യാ​കാ​നുള്ള തീരു​മാ​ന​ത്തിൽ ലൂക്കോ​ഡി ഉറച്ചു​നി​ന്നു. അവൻ പുരോ​ഗതി കൈവ​രിച്ച്‌ സ്‌നാ​പ​ന​മേറ്റു. ഇപ്പോ​ഴവൻ നിരന്ത​ര​പ​യ​നി​യ​റാ​യി സേവി​ക്കു​ന്നു.

ലൂക്കോ​ഡി​യു​ടെ നിലപാട്‌ അവന്റെ ഇളയ പെങ്ങൾ സോനാ​യിൽ വളരെ​യ​ധി​കം മതിപ്പു​ള​വാ​ക്കി. അങ്ങനെ അവളും യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി. എന്നാൽ അതിൽനി​ന്നു സോനാ​യെ തടയു​ന്ന​തിന്‌ പിതാവ്‌ അവളെ സാക്ഷി​ക​ളാ​രു​മി​ല്ലാത്ത മറ്റൊരു ഗ്രാമ​ത്തി​ലെ സ്‌കൂ​ളി​ലാ​ക്കി. എന്നുവ​രി​കി​ലും, താൻ പഠിച്ച കാര്യ​ങ്ങ​ളെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കു​ന്നതു സോനാ ഒരു ശീലമാ​ക്കി. തത്‌ഫ​ല​മാ​യി, അവളുടെ അമ്മാവന്റെ മകൾക്കും താത്‌പ​ര്യ​മാ​യി.

സോനാ​യു​ടെ പ്രസം​ഗ​പ്ര​വർത്ത​ന​ത്തെ​ക്കു​റി​ച്ചു സമീപ ഗ്രാമ​ത്തി​ലെ സാക്ഷികൾ കേട്ട​പ്പോൾ അവർ അവളെ സന്ദർശിച്ച്‌ ക്രമമായ ഒരു കുടുംബ ബൈബി​ള​ധ്യ​യ​ന​ത്തി​നു ക്രമീ​ക​രണം ചെയ്‌തു. അവൾ പുരോ​ഗതി കൈവ​രിച്ച്‌ പെട്ടെ​ന്നു​തന്നെ തന്റെ ആങ്ങള​യെ​പ്പോ​ലെ സമർപ്പി​ച്ചു സ്‌നാ​പ​ന​മേറ്റ ഒരു യഹോ​വ​യു​ടെ സാക്ഷി​യാ​യി. മാത്രമല്ല, അവളുടെ അമ്മാവന്റെ മകൾ ഇപ്പോൾ സ്‌നാ​പ​ന​മേൽക്കാത്ത ഒരു പ്രസാ​ധി​ക​യാണ്‌. ഇപ്പോൾ ഈ ഗ്രാമ​ത്തിൽ ഒരു പുസ്‌ത​കാ​ധ്യ​യനം നടത്തി​വ​രു​ന്നു.

യുവജ​ന​ങ്ങൾ യഹോ​വ​യു​ടെ നാമത്തെ സ്‌തു​തി​ക്കു​ന്ന​തിൽ പങ്കു​ചേ​രു​ന്നത്‌ എത്ര മനോ​ഹ​ര​വും ഉന്മേഷ​ദാ​യ​ക​വു​മാണ്‌!

[അടിക്കു​റി​പ്പു​കൾ]