പ്രവാ​ച​ക​ന്മാ​രു​ടെ മാതൃക അനുക​രി​ക്കുക—മീഖാ

 1. മീഖാ എങ്ങനെ ചിന്തി​ച്ചു​കാ​ണും, അവന്റെ ശുശ്രൂഷ വൃഥാ​വി​ലാ​കാ​തി​രു​ന്നത്‌ എന്തു​കൊണ്ട്‌?

¹ ‘ഈ ദുഷിച്ച വ്യവസ്ഥി​തി​യു​ടെ അവസാനം എന്നായി​രി​ക്കും വരിക?’ യഹൂദ​യ്‌ക്കും ഇസ്രാ​യേ​ലി​നും എതി​രെ​യുള്ള യഹോ​വ​യു​ടെ ന്യായ​വി​ധി​ദൂ​തു​കൾ പ്രഖ്യാ​പി​ച്ചു​കൊ​ണ്ടി​രുന്ന സമയത്ത്‌ മീഖാ പ്രവാ​ചകൻ സമാന​മാ​യി ചിന്തി​ച്ചി​ട്ടു​ണ്ടാ​യി​രി​ക്കണം. എങ്കിലും അവന്റെ ശുശ്രൂഷ വൃഥാ​വി​ലാ​യില്ല. ബി.സി. 740-ൽ മീഖാ​യു​ടെ ജീവി​ത​കാ​ല​ത്തു​തന്നെ ശമര്യ​യ്‌ക്കെ​തി​രെ​യുള്ള യഹോ​വ​യു​ടെ വാക്കുകൾ നിവൃ​ത്തി​യേറി. (മീഖാ 1:6, 7) പിന്നീട്‌, ബി.സി. 607-ൽ യെരു​ശ​ലേം നശിപ്പി​ക്ക​പ്പെട്ടു. (മീഖാ 3:12) യഹോ​വ​യു​ടെ ന്യായ​വി​ധി​ക്കാ​യി കാത്തി​രി​ക്കവെ ഇന്ന്‌ നമുക്ക്‌ എങ്ങനെ മീഖായെ അനുക​രി​ക്കാം?

 2. യഹോ​വ​യു​ടെ ദിവസ​ത്തി​നാ​യി കാത്തി​രി​ക്കവെ നാം ക്ഷമ കാണി​ക്കേ​ണ്ടത്‌ ഏതു വിധത്തിൽ, എന്തു​കൊണ്ട്‌?

² ക്ഷമയു​ള്ള​വ​രാ​യി​രി​ക്കുക: “ഞാനോ യഹോ​വ​യി​ങ്ക​ലേക്കു നോക്കും; എന്റെ രക്ഷയുടെ ദൈവ​ത്തി​ന്നാ​യി കാത്തി​രി​ക്കും; എന്റെ ദൈവം എന്റെ പ്രാർത്ഥന കേൾക്കും” എന്നു മീഖാ എഴുതി. (മീഖാ 7:7) എന്നാൽ മീഖാ വെറുതെ കാത്തി​രി​ക്കു​ക​യാ​യി​രു​ന്നില്ല. യഹോ​വ​യു​ടെ പ്രവാ​ച​ക​നെന്ന നിലയിൽ അവൻ തിരക്കി​ലാ​യി​രു​ന്നു. യഹോ​വ​യു​ടെ ദിവസ​ത്തി​നാ​യി കാത്തി​രി​ക്കവെ നാമും “വിശു​ദ്ധ​വും ഭക്തിപൂർണ​വു​മായ” കാര്യ​ങ്ങ​ളിൽ മുഴു​കി​യി​രി​ക്കണം. (2 പത്രോ. 3:11, 12) യഹോ​വ​യു​ടെ ക്ഷമ വ്യക്തി​കൾക്ക്‌ അനുത​പി​ക്കാൻ സമയം നൽകുന്നു. (2 പത്രോ. 3:9) അതു​കൊണ്ട്‌ ക്ഷമ കാണി​ക്കു​ന്ന​തിൽ പ്രവാ​ച​ക​ന്മാ​രെ അനുക​രി​ക്കാ​നുള്ള ദൈവി​ക​ബു​ദ്ധി​യു​പ​ദേശം നാം ഹൃദയ​പൂർവ്വം കൈ​ക്കൊ​ള്ളു​ന്നു.—യാക്കോ. 5:10.

 3. യഹോ​വ​യു​ടെ പരിശു​ദ്ധാ​ത്മാ​വി​നു​വേണ്ടി നാം യാചി​ക്കേ​ണ്ടത്‌ എന്തു​കൊണ്ട്‌?

³ യഹോ​വ​യു​ടെ ശക്തിയിൽ ആശ്രയി​ക്കുക: വെല്ലു​വി​ളി നിറഞ്ഞ നിയമ​ന​മാ​യി​രു​ന്നു മീഖാ​യു​ടേ​തെ​ങ്കി​ലും അതു നിർവ്വ​ഹി​ക്കു​ന്ന​തി​നുള്ള ശക്തിക്കാ​യി അവൻ യഹോ​വ​യി​ലേക്കു നോക്കി. (മീഖാ 3:8) ശക്തിക്കാ​യി യഹോ​വ​യിൽ ആശ്രയി​ക്കാൻ ദൈവ​വ​ചനം നമ്മോ​ടും പറയു​ന്നതു തക്ക കാരണ​ത്തോ​ടെ​യാണ്‌. ക്ഷീണി​ച്ചി​രി​ക്കു​ന്ന​വർക്കു തങ്ങളുടെ ദിവ്യാ​ധി​പത്യ ഉത്തരവാ​ദി​ത്വ​ങ്ങൾ നിർവ്വ​ഹി​ക്കാൻ വേണ്ട ശക്തി അവൻ ഉദാര​മാ​യി നൽകുന്നു. (സങ്കീ. 84:5, 7; യെശ. 40:28-31) നിങ്ങളു​ടെ ജീവി​ത​ത്തിൽ ഇത്‌ അനുഭ​വ​പ്പെ​ട്ടി​ട്ടു​ണ്ടോ? നിങ്ങൾ നിരന്ത​ര​മാ​യി യഹോ​വ​യോട്‌ തന്റെ പരിശു​ദ്ധാ​ത്മാ​വി​ന്റെ സഹായ​ത്തി​നാ​യി അപേക്ഷി​ക്കാ​റു​ണ്ടോ?—ലൂക്കോ. 11:13.

 4. മീഖാ​യു​ടെ ജീവി​ത​ഗതി നമുക്ക്‌ ഇന്ന്‌ ഉത്തമമാ​തൃ​ക​യാ​യി​രി​ക്കു​ന്നത്‌ എങ്ങനെ?

⁴ മീഖാ തന്റെ ജീവി​ത​ത്തി​ലു​ട​നീ​ളം ദൈ​വേഷ്ടം ചെയ്യു​ന്ന​തി​നു മുൻഗണന കൊടു​ത്തു. ചുറ്റും ധാർമിക ദുഷിപ്പ്‌ നിറഞ്ഞി​രു​ന്നി​ട്ടും അവൻ വിശ്വ​സ്‌ത​നാ​യി തുടരാൻ ദൃഢനി​ശ്ച​യ​മു​ള്ള​വ​നാ​യി​രു​ന്നു. സമാന​മാ​യി, നമ്മുടെ നിർമ​ല​ത​യും ദിന​ന്തോ​റും പരി​ശോ​ധി​ക്ക​പ്പെ​ടു​ന്നു. “നമ്മുടെ ദൈവ​മായ യഹോ​വ​യു​ടെ നാമത്തിൽ എന്നും എന്നെ​ന്നേ​ക്കും നടക്കും” എന്ന തീരു​മാ​ന​ത്തിൽ നമുക്കും ഉറച്ചു​നിൽക്കാം.—മീഖാ 4:5.