നരകം ദണ്ഡനത്തി​ന്റെ ഒരു സ്ഥലമാ​ണോ?

ചിലർ അതെ എന്നു പറയുന്നു; ചിലർ അല്ലെന്നു പറയുന്നു; മറ്റുള്ള​വർക്കു കേവലം അറിഞ്ഞു​കൂട. ഏതാനും നൂറ്റാ​ണ്ടു​കൾക്കു മുമ്പ്‌ അനുത​പി​ക്കാത്ത ദേഹികൾ മരണാ​ന​ന്തരം പോകുന്ന തീയും ദണ്ഡനവു​മുള്ള ഒരു സ്ഥലമെന്ന നിലയിൽ നരക​ത്തെ​ക്കു​റി​ച്ചുള്ള വിശ്വാ​സം ക്രൈ​സ്‌തവ മണ്ഡലത്തിൽ സർവ്വവ്യാ​പ​ക​മാ​യി​രു​ന്നു. ഇന്നു അനേക​മാ​ളു​ക​ളും ഇതു നിരസി​ക്ക​യും “നരകം ഈ ഭൂമി​യിൽ തന്നെയാണ്‌” എന്ന പൊതു തത്വശാ​സ്‌ത്രത്തെ ഇഷ്ടപ്പെ​ടു​ക​യും ചെയ്യുന്നു. സത്യം എന്താണ്‌? ദുഷ്ടൻമാർ യഥാർത്ഥ​ത്തിൽ നരകത്തി​ലേ​ക്കാ​ണോ പോകു​ന്നത്‌? അതു ഒരു ദണ്ഡനസ്ഥ​ല​മാ​ണോ?

നരക​ത്തെ​ക്കു​റിച്ച്‌ അനേക സിദ്ധാ​ന്തങ്ങൾ ഉണ്ട്‌. അനുത​പി​ക്കാത്ത പാപികൾ എന്നേക്കും തീവ്ര​മായ യാതന സഹിക്കുന്ന ഒരു അധോ​ലോക സ്ഥലമാ​ണെ​ന്നാ​യി​രു​ന്നു മദ്ധ്യയുഗ വിശ്വാ​സം. 13-ാം നൂറ്റാ​ണ്ടിൽ ജനിച്ച പ്രസി​ദ്ധ​കവി ഡാന്റേ നരകത്തി​ലെ പതി​നൊ​ന്നു വേദനകൾ എന്ന തന്റെ കൃതി​യിൽ ഇപ്രകാ​രം എഴുതി:

“ഈ ജീവി​ത​ത്തിൽ ഒരിക്ക​ലും പള്ളിയിൽ പോകാ​ത്ത​വ​രു​ടെ ദേഹി​കളെ തൂക്കുന്ന തീ മരങ്ങൾ ഉണ്ട്‌, . . .

“കുറ്റക്കാ​രായ ദേഹി​കളെ തീച്ചൂ​ള​യി​ലേക്കു തട്ടിയി​ടുന്ന ഏഴു ഭൂതങ്ങൾ നിൽക്കുന്ന കത്തി ജ്വലി​ക്കുന്ന ഒരു അടുപ്പുണ്ട്‌. . . .

“കുറ്റക്കാ​രായ ദേഹി​കൾക്കു ശാന്തി​യില്ല.”

വത്തിക്കാ​നി​ലെ സിസ്‌റ്റെയ്‌ൻ ചാപ്പലിൽ മൈക്കിൾ ആഞ്ചലോ​യു​ടെ ചിത്ര​ത്തിൽ അത്തരത്തി​ലുള്ള ഒരു ഭീകര നരകത്തെ ചിത്രീ​ക​രി​ച്ചി​ട്ടുണ്ട്‌. അതിനു ചുമത​ല​പ്പെ​ടു​ത്തിയ പോൾ III-ാമൻ പാപ്പായെ അതു അങ്ങേയറ്റം ഭയപ്പെ​ടു​ത്തി എന്ന്‌ പറയ​പ്പെ​ട്ടി​രു​ന്നു.

കാൽവി​നും ലൂഥറും നരകത്തെ സംബന്ധിച്ച കത്തോ​ലി​ക്കാ ആശയത്തെ സ്വീക​രി​ച്ചി​രു​ന്നു. തീ നരക​ത്തെ​ക്കു​റി​ച്ചുള്ള ഉപദേശം ഇന്നും മുറുകെ പിടി​ച്ചി​രി​ക്കു​ന്നു. പുതിയ കത്തോ​ലി​ക്കാ സർവ്വവി​ജ്ഞാ​ന​കോ​ശം ഇപ്രകാ​രം പ്രസ്‌താ​വി​ക്കു​ന്നു: “നരകത്തി​ന്റെ മുഖ്യ സവി​ശേഷത അതിന്റെ ദാഹം തീരാത്ത തീയാണ്‌ . . . നിത്യ​ത​യും . . . ‘ദാഹം തീരാത്ത അഗ്നി,’ നിത്യാ​ഗ്നി എന്നീ പദങ്ങളാൽ എന്തുതന്നെ അർത്ഥമാ​ക്കി​യാ​ലും അവയെ അർത്ഥമി​ല്ലാ​ത്ത​താ​യി വിശദീ​ക​രി​ച്ചു തള്ളാൻ സാദ്ധ്യമല്ല.” പ്രസിദ്ധ അമേരി​ക്കൻ സുവി​ശേ​ഷ​ക​നായ ബില്ലി​ഗ്ര​ഹാം ഇപ്രകാ​രം കൂട്ടി​ച്ചേർത്തു: “എല്ലാ പ്രമുഖ സഭകളു​ടെ​യും വിശ്വാസ പ്രമാ​ണ​ങ്ങ​ളിൽ ഒരു അക്ഷരീയ നരകത്തെ സംബന്ധി​ച്ചുള്ള ഉപദേശം കാണു​ന്നുണ്ട്‌. നരകം യാഥാർത്ഥ്യ​മാ​ണെന്നു ദൈവം പരിഗ​ണി​ക്കു​ന്നു എന്നതിനു മനുഷ്യ​വർഗ്ഗത്തെ നരകത്തിൽ നിന്നു രക്ഷിക്കു​വാൻ തക്കവണ്ണം അവൻ തന്റെ സ്വന്ത പുത്രനെ ലോക​ത്തി​ലേ​ക്ക​യച്ചു എന്നതു മതിയായ തെളി​വാണ്‌.

എന്നിരു​ന്നാ​ലും തീ നരകവും ദണ്ഡനവും സംബന്ധിച്ച ഉപദേശം അക്ഷരീ​യ​മാ​ണെ​ന്നതു തരം താഴ്‌ത്തി കാണി​ക്കുക എന്നതാണ്‌ ഒരു ആധുനിക ചായ്‌വ്‌. ഒരുവൻ നഷ്ടപ്പെ​ടു​ക​യും നിത്യ​മാ​യി ദൈവ​ത്തിൽ നിന്നു അന്യ​പ്പെ​ടു​ക​യും ചെയ്യു​ന്ന​തി​ന്റെ സാദ്ധ്യ​തയെ—മാനസ്സി​ക​മായ ഒരു കഠോര വേദനയെ സൂചി​പ്പി​ക്കു​ന്ന​താ​യി വിശദീ​ക​രി​ക്ക​യും ചെയ്യുന്നു. എന്നിരു​ന്നാ​ലും 1979-ൽ ജോൺപോൾ II-ാമൻ പാപ്പാ​യു​ടെ അംഗീ​കാ​ര​ത്തോ​ടെ പ്രസി​ദ്ധീ​ക​രിച്ച ഒരു വത്തിക്കാൻ കത്തിൽ, അനുത​പി​ക്കാത്ത പാപികൾ ഒരു അഗ്നി നരകത്തിൽ പോകു​മെന്നു പുനഃ​പ്ര​സ്‌താ​വി​ക്ക​യും അതു സംബന്ധിച്ച്‌ സംശയങ്ങൾ പ്രചരി​പ്പി​ക്കു​ന്ന​തി​നെ​തി​രെ മുന്നറി​യി​പ്പു നൽകു​ക​യും ചെയ്‌തു.

ജീവി​ത​ത്തി​ലെ ഫലങ്ങൾ

ഒരു അഗ്നിദ​ണ്ഡ​നത്തെ സംബന്ധി​ച്ചുള്ള വികാരം തന്നെ പറയ​പ്പെ​ടാത്ത മാനസിക ദണ്ഡനത്തി​നു ഇടയാ​ക്കി​യി​ട്ടുണ്ട്‌. പിൽഗ്രീം പ്രോ​ഗ്ര​സ്സി​ന്റെ ഗ്രന്ഥകർത്താ​വായ ജോൺബൺയാൻ, താൻ ഒൻപ​തോ​പ​ത്തോ വയസ്സു​പ്രാ​യ​മുള്ള ഒരു കുട്ടി​യാ​യി​രു​ന്ന​പ്പോൾ “ഭയപ്പെ​ടു​ത്തുന്ന സ്വപ്‌ന​ങ്ങ​ളാൽ ഞെട്ടി​പ്പി​ക്ക​പ്പെ​ട്ടി​രു​ന്നു. . . . അഗ്നിന​ര​ക​ത്തി​ലെ ദണ്ഡനങ്ങളെ സംബന്ധി​ച്ചുള്ള ഭയജന​ക​മായ വിചാ​ര​ങ്ങൾകൊണ്ട്‌ വിറയ്‌ക്കു​ക​യും ചെയ്‌തി​രു​ന്നു.” ഇതേ വിധത്തിൽ മറ്റനേ​ക​രും പ്രയാസം അനുഭ​വി​ച്ചി​ട്ടുണ്ട്‌. ദക്ഷിണാ​ഫ്രി​ക്ക​യി​ലെ ദർബനി​ലെ ഒരാൾ ഇപ്രകാ​രം ഓർമ്മി​ക്കു​ന്നു: “ഞാനൊ​രു കുട്ടി​യാ​യി​രു​ന്ന​പ്പോൾ എനിക്കു നരകത്തെ സംബന്ധിച്ച്‌ ഭയങ്കര ദുസ്വ​പ്‌നങ്ങൾ ഉണ്ടാക​യും രാത്രി​യിൽ മിക്ക​പ്പോ​ഴും കരയു​ക​യും ചെയ്‌തി​രു​ന്നു. എന്റെ സ്‌നേ​ഹ​മുള്ള മാതാ​പി​താ​ക്കൻമാർ എന്നെ ആശ്വസി​പ്പി​ക്കാൻ ശ്രമി​ച്ചി​രു​ന്നെ​ങ്കി​ലും സാധി​ച്ചി​രു​ന്നില്ല.”

നൂറ്റാ​ണ്ടു​ക​ളാ​യി അഗ്നിന​രകം സംബന്ധിച്ച ഉപദേശം യുവജ​ന​ങ്ങ​ളു​ടെ വേഗം സ്വാധീ​നി​ക്കാ​വുന്ന മനസ്സു​ക​ളിൽ അടിച്ചു കയറ്റു​ക​യും സ്‌റ്റേ​ജു​ക​ളിൽനി​ന്നു മുഴക്കു​ക​യും ചെയ്‌തി​രു​ന്നു. ആളുക​ളു​ടെ ഹൃദയ​ങ്ങ​ളിൽ ഈ വിശ്വാ​സ​ത്തി​നു എന്തു ഫലമാ​ണു​ണ്ടാ​യി​രു​ന്നി​ട്ടു​ള്ളത്‌? അതു അവർ മറ്റുള്ള​വ​രോ​ടുള്ള ഇടപെ​ട​ലു​ക​ളിൽ കൂടുതൽ ദയ ഉള്ളവരും സ്‌നേ​ഹ​വും കരുണ​യും ഉള്ളവരും ആയിത്തീ​രാൻ ഇടയാ​ക്കി​യി​ട്ടു​ണ്ടോ?

ചരി​ത്ര​കാ​ര​നാ​യ ഹെൻട്രി സി. ലീ മദ്ധ്യയു​ഗ​ത്തി​ലെ മത കോടതി വിചാ​ര​ണ​യു​ടെ ഒരു ചരി​ത്ര​ത്തിൽ അപകീർത്തി​പ​ര​മായ മതകോ​ടതി വിചാരണ നടത്തി​യി​രു​ന്നവർ തങ്ങളുടെ വിപരീ​തോ​പ​ദേ​ശ​ക​ര​മായ ഇരകൾ “നിത്യാ​ഗ്നി​യിൽനി​ന്നു താല്‌ക്കാ​ലിക തീയാൽ രക്ഷിക്ക​പ്പെ​ടും” എന്നു വിചാ​രി​ച്ചി​രു​ന്നു എന്നു പരാമർശി​ച്ച​ശേഷം ഇങ്ങനെ എഴുതു​ന്നു: “ഒരു നീതി​മാ​നും സർവ്വശ​ക്ത​നു​മായ ദൈവം തന്നോട്‌ എതിർത്ത തന്റെ സൃഷ്ടി​കൾക്കെ​തി​രെ ദിവ്യ പ്രതി​കാ​രം നടത്തുന്നു എങ്കിൽ തന്റെ വഴിക​ളു​ടെ ശരി സംബന്ധിച്ച്‌ മനുഷ്യൻ ചോദ്യം ചെയ്യേ​ണ്ട​തില്ല. എന്നാൽ അവന്റെ ദൃഷ്ടാന്തം താഴ്‌മ​യോ​ടെ അംഗീ​ക​രി​ക്ക​യും അപ്രകാ​രം ചെയ്യു​ന്ന​തി​നുള്ള അവസരം തനിക്കു നൽകി അനു​ഗ്ര​ഹി​ക്കു​മ്പോൾ സന്തോ​ഷി​ക്ക​യും ചെയ്യണ​മാ​യി​രു​ന്നു.”

സ്‌പാ​നിഷ്‌ ചരി​ത്ര​കാ​ര​നായ ഫെലിപ്പ്‌ ഫെർനാൻഡിസ്‌—ആർമെ​സ്‌റ്റെ​യും ഇപ്രകാ​രം പറയുന്നു: “തെളിവു ലഭിക്കു​ന്ന​തി​നു​വേണ്ടി ദണ്ഡനം ഉപയോ​ഗി​ക്കു​ന്ന​തിൽ വിചാരണ ചെയ്‌തി​രുന്ന മതകോ​ട​തി​കൾ തീർച്ച​യാ​യും കരുണ​യി​ല്ലാ​ത്ത​വ​യാ​യി​രു​ന്നു എന്നതു സത്യമാ​ണെ​ങ്കി​ലും; വീണ്ടും, ദണ്ഡനമു​റ​ക​ളു​ടെ ക്രൂര​തകൾ, അനുത​പി​ക്കാത്ത പാഷണ്ഡി​കൾക്കാ​യി നരകത്തിൽ കാത്തി​രി​ക്കുന്ന ദണ്ഡനങ്ങ​ളോ​ടുള്ള താരത​മ്യ​ത്തിൽ വേണം വിധി​ക്കാൻ.—ഇറ്റാലി​ക്‌സ്‌ ഞങ്ങളു​ടേത്‌.

നിത്യ​ദ​ണ്ഡ​ന​ത്തി​ന്റെ ഉപദേശം അനേകം പള്ളിയിൽ പോക്കു​കാ​രെ​യും നിരീ​ശ്വ​ര​വാ​ദി​ക​ളാ​ക്കി മാറ്റി​ക്ക​ള​ഞ്ഞി​ട്ടുണ്ട്‌. “അംഗീ​ക​രി​ക്കു​ന്ന​തി​നു ഏറ്റവും പ്രയാ​സ​മുള്ള ക്രിസ്‌തീയ ഉപദേ​ശ​മാ​യി​രു​ന്നു” ഇത്‌ എന്നു ബില്ലി​ഗ്ര​ഹാം പോലും സമ്മതിച്ചു. എന്നാൽ ഇത്‌ യഥാർത്ഥ​ത്തിൽ ബൈബിൾ പിന്താ​ങ്ങുന്ന ഒരു ഉപദേ​ശ​മാ​ണോ?

ക്രിസ്‌ത്യാ​നി​ത്വ​ത്തി​ന്റെ ഒരു ഉപദേ​ശ​മോ?

അനേക​രും പറയുന്നു, ‘തീർച്ച​യാ​യും അതു ബൈബി​ളി​ലുണ്ട്‌.’ ആളുകളെ തീയിൽ എറിയു​ന്ന​താ​യി ബൈബിൾ പറയു​ക​തന്നെ ചെയ്യു​ന്നുണ്ട്‌. എന്നാൽ പ്രതീ​കാ​ത്മക പ്രയോ​ഗങ്ങൾ ബൈബി​ളിൽ സർവ്വസാ​ധാ​ര​ണ​മാണ്‌. അതു​കൊണ്ട്‌, തീയ്‌ അക്ഷരീ​യ​മാ​ണോ അതോ പ്രതീ​കാ​ത്മ​ക​മോ? പ്രതീ​കാ​ത്മ​ക​മെ​ങ്കിൽ അത്‌ എന്തിനെ പ്രതി​നി​ധീ​ക​രി​ക്കു​ന്നു?

ദൃഷ്ടാ​ന്ത​ത്തി​നു വെളി​പ്പാട്‌ 20-ാം അദ്ധ്യായം 15-ാം വാക്യം (ജെയിംസ്‌ രാജാ​വി​ന്റെ ഭാഷാ​ന്തരം) ഇപ്രകാ​രം പറയുന്നു: “ജീവന്റെ പുസ്‌ത​ക​ത്തിൽ പേരെ​ഴു​തി കാണാത്ത ഏവനെ​യും തീത്തടാ​ക​ത്തിൽ എറിഞ്ഞു.” എന്നാൽ 14-ാം വാക്യം പറയുന്നു: “മരണ​ത്തെ​യും നരക​ത്തെ​യും തീത്തടാ​ക​ത്തിൽ എറിഞ്ഞു.” അതിശ​യ​കരം! നരകത്തെ ദണ്ഡിപ്പി​ക്കു​ന്നു​വോ? ഒരു അവസ്ഥയായ മരണത്തെ അക്ഷരീയ തീയി​ലേക്ക്‌ എങ്ങനെ എറിയാൻ കഴിയും? 14-ാം വാക്യ​ത്തി​ന്റെ ശേഷി​ച്ച​ഭാ​ഗം ഇപ്രകാ​രം വായി​ക്ക​പ്പെ​ടു​ന്നു: “ഇതു [തീത്തടാ​കം] രണ്ടാം മരണമാ​കു​ന്നു.” വെളി​പ്പാട്‌ 21, വാക്യം ഈ ആശയം ആവർത്തി​ക്കു​ന്നു. ഈ രണ്ടാം മരണം” എന്താണ്‌? കാത്തലിക്ക്‌ യെരൂ​ശ​ലേം ബൈബിൾ “രണ്ടാം മരണത്തെ” സംബന്ധിച്ച്‌ ഈ അടിക്കു​റി​പ്പു ചേർക്കു​ന്നു: “നിത്യ​മ​രണം. തീയ്‌ പ്രതീ​കാ​ത്മ​ക​മാണ്‌.” വളരെ ശരി, എന്തു​കൊ​ണ്ടെ​ന്നാൽ ഇത്‌ പൂർണ്ണ​മാ​യി നാശത്തെ അഥവാ വിനാ​ശത്തെ കുറി​ക്കു​ന്നു.

എത്ര താല്‌പ​ര്യ​ജ​നകം! “നരകം” നശിപ്പി​ക്ക​പ്പെ​ടാ​നു​ള്ള​താണ്‌! എന്നിരു​ന്നാ​ലും, ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു വാക്ക്‌ ഹെഡീസ്‌ എന്നതാണ്‌, സ്‌​ട്രോം​ഗി​ന്റെ എക്‌സോ​സ്‌റ്റീവ്‌ കൺകോർഡൻസ്‌ ഓഫ്‌ ദ ബൈബിൾ അനുസ​രിച്ച്‌ അതിന്റെ അർത്ഥം “ശവക്കുഴി” എന്നാണ്‌. മരിച്ചവർ നരകത്തിൽ അഥവാ ഹെഡീ​സിൽ ബോധ​ത്തോ​ടി​രി​ക്ക​യോ അഥവാ പ്രയാ​സ​മ​നു​ഭ​വി​ക്ക​യോ ചെയ്യു​ന്നു​വോ? ബൈബിൾ മറുപടി പറയുന്നു: “മരിച്ചവർ ഒന്നും അറിയു​ന്നില്ല . . . എന്തു​കൊ​ണ്ടെ​ന്നാൽ നീ ചെല്ലുന്ന നരകത്തിൽ പ്രവർത്തി​യോ ന്യായ​ബോ​ധ​മോ ജ്ഞാനമോ അറിവോ ഒന്നുമില്ല.”—സഭാ​പ്ര​സം​ഗി 9:5, 10. കത്തോ​ലിക്ക്‌ ഡുവേ ഭാഷാ​ന്തരം.

മരിച്ചവർ ഹെഡീ​സിൽ സ്ഥിരമാ​യി കിടക്കു​ന്നു​വോ? ഇല്ല. സഭാ വിശ്വാ​സങ്ങൾ അനുസ​രി​ച്ചും ബൈബിൾ പഠിപ്പി​ക്കു​ന്ന​ത​നു​സ​രി​ച്ചും യേശു തന്നേയും ഹെഡീ​സിൽ അഥവാ നരകത്തി​ലാ​യി​രു​ന്നു, “മൂന്നാം നാൾ ഉയർത്തെ​ഴു​ന്നേൽക്കു​ക​യും” ചെയ്‌തു. (1 കൊരി​ന്ത്യർ 15:4; പ്രവൃ​ത്തി​കൾ 2:29-32; സങ്കീർത്തനം 16:10) കൂടാതെ, അവൻ മുഖാ​ന്തരം “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും ഒരു പുനരു​ത്ഥാ​ന​മു​ണ്ടാ​വാ​നി​രി​ക്ക​യും ചെയ്യുന്നു.” (പ്രവൃ​ത്തി​കൾ 24:15) അതു​കൊണ്ട്‌ അന്തിമാ​യി ഹെഡീസ്‌ ശൂന്യ​മാ​ക്ക​പ്പെ​ടു​ക​യും അസ്‌തി​ത്വം ഇല്ലാതാ​ക​യും ചെയ്യും—“തീത്തടാ​ക​ത്തി​ലേക്ക്‌ എറിയും.”

എന്നിരു​ന്നാ​ലും ചിലർ ചോദി​ച്ചേ​ക്കാം: ‘വെളി​പ്പാട്‌ 20-ാം അദ്ധ്യായം 10-ാം വാക്യ​ത്തിൽ പിശാച്‌ തീത്തടാ​ക​ത്തിൽ ദണ്ഡിപ്പി​ക്ക​പ്പെ​ടും. എന്നു പറഞ്ഞി​രി​ക്കു​ന്ന​തെ​ന്തു​കൊണ്ട്‌?’ നാം കണ്ടു കഴിഞ്ഞ​തു​പോ​ലെ തീത്തടാ​കം പ്രതീ​കാ​ത്മ​ക​മാ​ണെ​ങ്കിൽ, അപ്പോൾ, യുക്ത്യാ​നു​സ​രണം, ദണ്ഡനവും പ്രതീ​കാ​ത്മ​ക​മാ​യി​രി​ക്കും.

ബൈബിൾ കാലങ്ങ​ളിൽ ജയിൽ സൂക്ഷി​പ്പു​കാർ മിക്ക​പ്പോ​ഴും തങ്ങളുടെ തടവു​കാ​രെ ക്രൂര​മാ​യി ദണ്ഡിപ്പി​ച്ചി​രു​ന്നു, അതു​കൊണ്ട്‌ അവരെ ദണ്ഡിപ്പി​ക്കു​ന്നവർ” എന്നു വിളി​ച്ചി​രു​ന്നു. യേശു​വി​ന്റെ ഉപമക​ളി​ലൊ​ന്നിൽ ഒരു ക്രൂര​നായ അടിമയെ ‘ജയിൽ സൂക്ഷി​പ്പു​കാർക്ക്‌ ഏൽപ്പിച്ചു കൊടു​ത്ത​താ​യി’ പറഞ്ഞു. (ഗ്രീക്കു വാക്ക്‌, ബസാനി​സെ​റ്റ്‌സ, അതിന്റെ യഥാർത്ഥ അർത്ഥം “ദണ്ഡിപ്പി​ക്കു​ന്നവർ എന്നാണ്‌, പല ഭാഷാ​ന്ത​ര​ങ്ങ​ളും അപ്രകാ​ര​മാണ്‌ ഭാഷാ​ന്തരം ചെയ്‌തി​രി​ക്കു​ന്ന​തും). (മത്തായി 18:34) അതു​കൊണ്ട്‌ വെളി​പ്പാ​ടിൽ പിശാ​ചും മറ്റുള്ള​വ​രും തീത്തടാ​ക​ത്തിൽ “എന്നേക്കും . . . ദണ്ഡിപ്പി​ക്ക​പ്പെ​ടും” എന്നു പറയു​മ്പോൾ അവർ സമ്പൂർണ്ണ​വി​നാ​ശ​ത്തി​ന്റെ രണ്ടാം മരണത്തിൽ മുഴു നിത്യ​ത​യി​ലും “തടവി​ലാ​ക്ക​പ്പെ​ടും” എന്നർത്ഥ​മാ​ക്കു​ന്നു. പിശാ​ചും ആദിയിൽ നിന്നവ​കാ​ശ​പ്പെ​ടു​ത്തിയ മരണവും അനുതാ​പ​മി​ല്ലാത്ത ദുഷ്ടൻമാ​രും എല്ലാം നിത്യ​മാ​യി നശിപ്പി​ക്ക​പ്പെ​ടു​ന്ന​താ​യി—തീത്തടാ​ക​ത്തിൽ “തടവി​ലാ​ക്ക​പ്പെ​ടു​ന്ന​താ​യി” പറഞ്ഞി​രി​ക്കു​ന്നു.—എബ്രായർ 2:14; 1 കൊരി​ന്ത്യർ 15:26; സങ്കീർത്തനം 37:38 ഇവ താരത​മ്യ​പ്പെ​ടു​ത്തുക.

ബൈബി​ളി​ന്റെ പ്രതീ​കാ​ത്മക പ്രയോ​ഗം വിലമ​തി​ക്കു​ന്നതു, യേശു പാപി​കളെ “തീ നരകത്തിൽ എറിയ​പ്പെ​ടു​ന്ന​താ​യും, അവിടെ അവരുടെ പുഴു ചാകു​ന്നി​ല്ലെ​ന്നും തീ കെടു​ന്നി​ല്ലെ​ന്നും” പറഞ്ഞ​പ്പോൾ അവൻ എന്തർത്ഥ​മാ​ക്കി​യെന്നു മനസ്സി​ലാ​ക്കാൻ നമ്മെ സഹായി​ക്കു​ന്നു. (മർക്കോസ്‌ 9:47, 49 KJ) ഇവിടെ “തീ നരകം എന്നു ഭാഷാ​ന്തരം ചെയ്‌തി​രി​ക്കു​ന്ന​തി​ന്റെ ഗ്രീക്ക്‌ പദം ഗീയെന്നാ അഥവാ ഗീഹെന്നാ ആണ്‌. ആ പേരിൽ യെരൂ​ശ​ലേ​മി​നു തൊട്ടു വെളി​യി​ലാ​യി ഒരു താഴ്‌വര സ്ഥിതി​ചെ​യ്‌തി​രു​ന്നു. അതു മലിന വസ്‌തു​ക്കൾ ഇടുന്ന​തി​നാ​യി ഉപയോ​ഗി​ച്ചു​മി​രു​ന്നു. നഗരമാ​ലി​ന്യ​ങ്ങൾ നശിപ്പി​ക്കു​ന്ന​തി​നാ​യി ഉപയോ​ഗി​ച്ചു​മി​രു​ന്നു. നഗരമാ​ലി​ന്യ​ങ്ങൾ നശിപ്പി​ക്കു​ന്ന​തി​നാ​യി അവിടെ രാവും പകലും തീ കത്തി​ക്കൊ​ണ്ടി​രു​ന്നു. ഇതിൽ ചില​പ്പോൾ, ഒരു യോഗ്യ​മായ സംസ്‌ക്കാ​ര​ത്തി​ന്റെ പുനരു​ത്ഥാ​ന​ത്തി​നോ യോഗ്യ​ര​ല്ലെന്നു പരിഗ​ണി​ച്ചി​രുന്ന കുറ്റപ്പു​ള്ളി​ക​ളു​ടെ ശവശരീ​ര​ങ്ങ​ളും ഉൾപ്പെ​ട്ടി​രു​ന്നു. നശീകരണ ഉപാധി​കൾ എന്ന നിലയിൽ ആ താഴ്‌വ​ര​യിൽ പുഴു​ക്ക​ളും ഉണ്ടായി​രു​ന്നു, എന്നാൽ അവ നിശ്ചയ​മാ​യും അമർത്യ​മാ​യി​രു​ന്നില്ല! അനുതാ​പ​മി​ല്ലാത്ത ദുഷ്ടൻമാർ നിത്യ​മാ​യി നശിപ്പി​ക്ക​പ്പെ​ടും എന്നു യഹൂദൻമാർക്കു നന്നായി മനസ്സി​ലാ​ക്കുന്ന ഒരു വിധത്തിൽ യേശു കേവലം ചി​ത്രോ​പ​മ​രൂ​പ​ത്തിൽ ദൃഷ്ടാ​ന്തീ​ക​രി​ക്ക​യാ​യി​രു​ന്നു. അതു​കൊണ്ട്‌ ഗീഹെ​ന്നക്ക്‌ “തീത്തടാ​കം” എന്നതി​നുള്ള അതേ അർത്ഥം തന്നെയാ​ണു​ള്ളത്‌—അതു നിത്യ​നാ​ശ​ത്തി​ന്റെ രണ്ടാം മരണത്തെ പ്രതി​നി​ധീ​ക​രി​ക്കു​ന്നു.

നിത്യ​ദ​ണ്ഡ​ന​ത്തി​ന്റെ ഉപദേശം അമർത്യ—ദേഹി സിദ്ധാ​ന്ത​ത്തിൻമേൽ അടിസ്ഥാ​ന​പ്പെ​ട്ട​താണ്‌. എന്നിരു​ന്നാ​ലും ബൈബിൾ വ്യക്തമാ​യും ഇപ്രകാ​രം പ്രസ്‌താ​വി​ക്കു​ന്നു: “പാപം ചെയ്യുന്ന ദേഹി—അതു തന്നെ മരിക്കും.” (യെഹെ​സ്‌ക്കേൽ 18:4, 20; പ്രവൃ​ത്തി​കൾ 3:23 കൂടെ കാണുക.) തീ നരകത്തി​ന്റെ വക്താക്കൾ, സത്യ​ദൈ​വ​മായ യഹോവ യഥാർത്ഥ​ത്തിൽ ആയിരി​ക്കുന്ന: സ്‌നേ​ഹ​ത്തി​ന്റെ ഒരു ദൈവം, “കരുണ​യും കൃപയും ഉള്ളവൻ . . . സ്‌നേ​ഹ​ദ​യ​യിൽ സമൃദ്ധൻ” എന്നതി​നു​പ​കരം ഒരു തീരാ​പ​ക​യു​ള്ളവൻ—ഒരു അതി​ക്രൂര രാക്ഷസൻ—ആയി പ്രകടി​പ്പി​ച്ചി​രി​ക്കു​ന്നു.—പുറപ്പാട്‌ 34:6.

ദൈവം മനുഷ്യ​രെ ദണ്ഡനത്തിൽ നിന്നല്ല പിന്നെ​യോ നാശത്തിൽനി​ന്നു രക്ഷിക്കു​ന്ന​തി​നു സ്‌നേ​ഹ​പൂർവ്വം കരുതൽ ചെയ്‌തി​രി​ക്കു​ന്നു. യേശു ഇപ്രകാ​രം പറഞ്ഞു: “തന്റെ ഏകജാ​ത​നായ പുത്ര​നിൽ വിശ്വാ​സം പ്രകട​മാ​ക്കുന്ന ഏവനും നശിച്ചു പോകാ​തെ നിത്യ​ജീ​വൻ പ്രാപി​ക്കേ​ണ്ട​തി​നു ദൈവം അവനെ നൽകാൻ തക്കവണ്ണം ലോകത്തെ അത്രയ​ധി​കം സ്‌നേ​ഹി​ച്ചു.”—യോഹ​ന്നാൻ 3:16. (g86 4/22)

[25-ാം പേജിലെ ആകർഷ​ക​വാ​ക്യം]

മത കോടതി വിചാരണ നടത്തി​യി​രു​ന്നവർ തങ്ങളുടെ ഭയങ്കര ദണ്ഡനങ്ങൾ, പാപി​കളെ ഒരു മോശ​മായ വിധി​യിൽ നിന്നു രക്ഷിക്കു​മാ​യി​രു​ന്നു എന്ന്‌ വിശ്വ​സി​ച്ചി​രു​ന്നു

[24-ാം പേജിലെ ചിത്രം]

ഈ അടുത്ത കാലം വരെയും മിക്കവാ​റും മുഴു ക്രൈ​സ്‌തവ മണ്ഡലവും ഇതു​പോ​ലുള്ള ഒരു സ്ഥലത്തിൽ വിശ്വ​സി​ച്ചി​രു​ന്നു